2 Crónicas 17:9 - Qullan Arunaca

⁹ Jupanacarusti qhitänwa Tatitun leyipa librupampi Judá orakenquir jakenacaru yatichanipjjañapataqui. Ucatsti jupanacajj Judá chekanquiri take marcanacwa muytapjjäna jakenacaru yatichasina.

Aymar Bibliia 1986

⁹ Jupanacarusti qhitänwa Tatitun leyipa librupampi Judá orakenquir jakenacaru yatichanipjjañapataqui. Ucatsti jupanacajj Judá chekanquiri take marcanacwa muytapjjäna jakenacaru yatichasina.

Qullan Arunaka DC

⁹ Jupanakarusti Tatitun kamachi qillqatapat Judá uraqinkir jaqinakar yatichapxañapatakiw khithäna. Jupanakasti Judá uraqinkir taqi markanakaruw puripxäna jaqinakar yatichasa.

2 Crónicas 17:9 Jak'a apnaqawi uñst'ayäwi

2 Crónicas 15:3

Israel marcasti walja maranacawa jan cheka Diosanïcjjänti, yatichañapataquisa jan sacerdoteniraqui, uqhamarac Dios toketsa jan yatichataraqui.

2 Crónicas 19:8

Uqhamaraquiw Josafat reyejj Jerusalén marcana utt'ayäna levitanaca, sacerdotenaca, uqhamarac Israelana familianacapat jilïrinacaparusa, juezata sirvipjjañapataqui Diosar arcañana, uqhamarac Jerusalenanquiri jakenacan ch'ajjwatanacapa uñjañataquisa.

2 Crónicas 35:3

Ucjjarusti Levitanacarojja, qhitinacatejj take Israelpachana yatichirïpcäna, uqhamarac Tatitutaqui yakhachatäpcäna ucanacarojja aqham lurañanacwa churäna: “Kollana arcjja uchapjjam temploru, Davidana Salomón yokap Israelan reyipajj lurayqui ucaru. Janiw callachinacamarojj apnakcjjapjjätati. Jichhasti jumanacajj Tatit Diosamar sirviñaru uchasjjapjjam, Tatitun Israel marcapar sirviñaruraqui.

Nehemías 8:7

Ucatjja Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán, uqhamarac Pelaía Levita chachanacajj jakenacarojj leyitjja khanañchapjjänwa. Jakenacasti ucqhacamajj pachpancapjjänwa,

Isaías 8:20

¿Uqhamat mä cuna yatiyäwsa catokañataqui?’ sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Mateo 10:23

Cunapachatejj mä marcanjja uñisisa arcnakapjjätam ucqhajja, yakha marcaru jaltjjapjjam. Jichhasti khanacwa sapjjsma, janïra take Israel marcanac muytapcätas ucqhaw Jaken Yokapajj jutani.

Mateo 11:1

Cunapachatejj Jesusajj tunca payani discipulonacaparu ewjjt'añ tucuyjjän ucqhajja, jac'ancquis uca marcanacaruw Diosan arunacap yatichir sarjjäna.

Juan 5:39

Jumanacajj Kellkatanacjj take amuyumpiw leepjjtajja, uca Kellkatanacan wiñay jacaña jicjjatañ amuyasina; ucampis Kellkatanacajj nayjjataracwa parli.

Juan 5:46

Jumanacatejj Moisesan arsutapar iyawsapjjasma ucajja, nayarojj iyawsapjjaraquitasmawa, Moisesasti nayatwa kellkawayaraqui.

Hechos 13:15

Moisesan kellkatapampi profetanacan kellkatapampi leet'asinjja, sinagogan jilïrinacapajj jawsayapjjänwa, aqham sasa: —Jilatanaca, jumanacantejj utjapjjstam cuna suma ewjjt'añanacasa, arsusipcaquim —sasa.

Hechos 15:21

Moisesan leyipat parlirinacasti nayratpachaw take marcanacan utji. Ucanacajj sapa samarañ urunwa sinagoganacan uca leyinacjja yatichapjje.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Hechos 8:40

Felipejj Azoto sata marcanwa jicjjatasjjäna. Ucatsti marcat marcaracwa saräna, khespiyasiñ arunac yatiyasa, Cesarea marcar puriñcama.

Romanos 3:2

Chekpachansa asquiwa. Nayrakatajj Diosaw judionacarojj arunacap churatayna.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.