2 Crónicas 17:5 - Qullan Arunaca

⁵ Ucatwa Tatitojj sum utt'ayäna marcapa jupan apnakañapataqui. Juparusti take Judá orakenquiri jakenacawa wajjt'äwinaca churapjjäna, uqhamatsti wali kamir cancañanïnwa, uqhamarac jach'achataraquïnwa.

Aymar Bibliia 1986

⁵ Ucatwa Tatitojj sum utt'ayäna marcapa jupan apnakañapataqui. Juparusti take Judá orakenquiri jakenacawa wajjt'äwinaca churapjjäna, uqhamatsti wali kamir cancañanïnwa, uqhamarac jach'achataraquïnwa.

Qullan Arunaka DC

⁵ Ukat Tatitux jupan markap apnaqañapatakix sum thuruñchäna. Judá uraqinkirinakasti taqiniw jupatak churäwinak apanipxäna, qamir kankañapasti jilarkirïnwa, wali aytatarakïnwa.

2 Crónicas 17:5 Jak'a apnaqawi uñst'ayäwi

Génesis 13:2

Abramajj wali kamirïnwa, jupansti utjänwa kori, kollke, uqhamarac walja uywanaca.

1 Reyes 10:25

Ucatsti jupataquejj takeniwa mä wajjt'äwi sapa mara aparapipjjerïna: kollketa, korita yänaca, isinaca, armanaca, k'apquir kollanaca, caballonaca, uqhamarac mulanaca.

1 Reyes 10:27

Reyejj munänwa Jerusalenana utjañapa walja kollkenaca kalar uñtata; uqhamarac cedro maderanacasa utjañaparaqui munäna ch'uminquiri walja higo alinacar uñtata.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

2 Crónicas 1:15

Reyejj Jerusalenanjja utjayänwa walja kollkenaca, uqhamarac korinaca kalanacar uñtata; ucatsti utjayaraquïnwa walja cedro lawanaca, cunjämatï higo alinacajj pampana utjquejja uqhama.

2 Crónicas 18:1

Josafat reyejj wali kamiriw tucjjäna, uqhamarac jach'a cancañanaca catokäna, ucatsti jupajj Acab reyin awcch'i masipaw tucjjäna.

2 Crónicas 32:23

Ucatjja waljaniwa Jerusalenaru Tatitutaqui ofrenda apapjjäna, uqhamarac wali jila alani churäwinacsa apapjjäna Judá oraken Ezequías reyitaquisa. Ucqhat qhuysarusti jupan jach'a cancañapajja juc'ampiwa jiljjatäna yakha marcanacan nayrakatapana.

2 Crónicas 9:27

Reyisti Jerusalenanjja utjayänwa walja kollkenaca kalanacar uñtata; uqhamarac utjayaraquïna walja cedronaca, pampa higo alinacar uñtata.

Job 42:12

Diosasti Job chacharojj juc'ampwa bendisjjaraquïna nayra maranacat sipansa. Ovejanacapasti tunca pusini warankäjjänwa, camellonacapasti sojjta warankaraqui, waranka yuntanacani, uqhamaraqui waranka kachu asnonacani cunäjjaraquïnwa.

Salmos 127:1

Tatitutejj jan utachcaspajja, inamayaquiw utachirinacajj ch'am tucusipcaspa; Tatitutejj marcar jan imcaspajja, inamayaquiw marc uñjirinacajj uñch'uquisipcaspa.

Salmos 132:12

“Juman allchhinacamat mayniruw reyi konuñamar kont'ayä. Wawanacamatejj arust'äw arunacajjar phokhapjjani, yatichäw arunacajjar phokhapjjaraquin ucajja, wawanacaman wawanacapas wiñayaw reyi konuñaman kont'asipjjaraquini” sasa.

Salmos 68:29

Jerusalenanquir utamaruw reyinacajj churäwinac apanipjje, ucawjatpachay jumajj,

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Salmos 76:11

Tatitutac arsupjjam, phokhapjjaraquim, jupan jakenacapa, ajjsarcañ Diosar loktäwinac churapjjam.

Proverbios 16:12

Reyinacajja jan wali luräwinacarojja uñisiwa, reyi konüñan chekapa lurañanacjjaru utt'ayatätap laycu.

Mateo 2:11

Utar mantasinsti wawampiru, María taycapampiruw jicjjatapjjäna. Ucatwa quillt'asisina yupaychapjjäna. Cajanacapat apsusisinjja, kori, incienso, mirra ucanacwa juparojj churapjjäna.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Samuel 10:27

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.