2 Crónicas 17:3 - Qullan Arunaca

³ Tatitusti Josafat reyimpïnwa, nayra David awquipajj kalltana lurcäna uqhama luratap laycu. Janiwa jupajj Baal diosan lantinacaparojja sirvcänti,

Aymar Bibliia 1986

³ Tatitusti Josafat reyimpïnwa, nayra David awquipajj kalltana lurcäna uqhama luratap laycu. Janiwa jupajj Baal diosan lantinacaparojja sirvcänti,

Qullan Arunaka DC

³ Tatitux Josafat reyimpiskänwa, jupax kunjämtix qalltan David nayra awkipax lurkäna ukham luraskäna. Janiw Baal diosan lantinakaparux yupaychkänti,

2 Crónicas 17:3 Jak'a apnaqawi uñst'ayäwi

Génesis 39:21

Tatitojj Joseampïscaquïnwa, munasiñapsa uñacht'ayaraquïnwa, cárcel uñjirimpis Joseajj wali sumancänwa,

2 Samuel 5:10

Davidan munañanïñapasti juc'ampiraquiw saratatäna, yapjjattaraquïna, take ch'amani Dios Tatitusti jupampiraquïnwa.

2 Samuel 8:15

Davidasti take Israel marca apnakaraquïna, take jakenacarusti cheka cancañampi asquimpiraquiw apnakäna.

1 Reyes 11:6

Uqhamawa Salomonana luratanacapajj jan walïcänti Tatitun nayrakatapana, jupasti janiw chekpacha chuymampi Tatiturojj David awquipjama arccänti uca laycu.

1 Reyes 22:43

Josafat reyisti take sarnakäwipanjja cunansa chekapapuniw jacäna, Asa sat awquipjama. Jupan luratanacapasti Tatitun nayrakatapanjja chekapänwa. Ucampis yakha diosanacan santuario utanacapajja, cawqhantejj jakenacajj uca yakha diosanacaru sacrificionaca loktapjjerïna, uqhamarac inciensonacsa naqhantayapjjerïna ucanacasti, janiw apakatäcänti.

1 Reyes 3:3

Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

2 Reyes 14:3

Amasías reyin luratanacapasti Tatitun nayrakatapanjja chekapänwa, ucampis janiw David nayra awquipjamäcänti. Jupasti luränwa Joás awquipjama.

2 Reyes 16:2

Cunapachatï apnakaña kalltcäna ucqhasti pä tunca maranïnwa, ucatsti Jerusalén marcanjja tunca sojjtan maraw apnakäna. Ucampis jupan luratanacapajj jan walinacänwa Tatit Diosapan nayrakatapanjja, janiw David nayra awquipan asqui luräwinacapjamäcänti,

2 Reyes 18:3

Ezequías reyin luratanacapasti Tatitun nayrakatapanjja asquinacänwa, cunjämatï David nayra awquipanjamaraqui.

2 Reyes 22:2

Josías reyin luratanacapasti Tatitun nayrakatapanjja chekapänwa; jupasti arcänwa cunjämtï David nayra awquipajj sarnakcäna uqhamaru, jan ucat cawcsar sarakasa.

1 Crónicas 22:18

“Tatit Diosamawa jumanacampïscäna, ucatsti jupaw take chekanacansa sumancaña churapjjtam, juparaquiw nayan amparajjarusa take aca marcanquir jakenacarusa catuyaraquitu, ucatsti nayajj Tatiturusa, marcaparusa sirviriparaquiw tucuwayaracta.

2 Crónicas 14:11

Asasti Tatit Diosaparuwa art'asïna, aqham sasa: “Tata, jumataquejj pachpaquiwa ch'amanirusa, jan ch'amanirusa yanapt'añajja. Ucampisa ¡yanapt'apjjetaya, nanacan Tatit Diosajja, nanacasti jumaruwa iyawsapjjsma, juman sutimaruraquiw aca ejercitompi nuwasiñataquejj jutapjjaracta! Tata, jumaw nanacan Diosajjätajja. ¡Jumasti uacht'ayasimaya jan qhitis jumataqui sayt'asiñapjja! ” sasa.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 17:2

Jupasti Judá chekanquiri sayt'asiñataqui lurayata take marcanacaruwa soldadonaca uchäna, uqhamarac take Judá orakerusa walja soldadonaca ucharaquïna, Asa awquipajj Efraín oraken marcanaca catuntcäna ucanacarusa.

2 Crónicas 17:4

jan ucasti awquipana Diosaparuwa sirvïna, mandamiento arunacapa phokhasina, janiraquiw Israelanquiri jakenacan sarnakäwiparu arccänti.

2 Crónicas 20:32

Josafat reyisti Asa awquipjamawa cheka cancañampi sarnakäna. Jupan luratanacapasti chekapänwa Tatitun nayrakatapana.

2 Crónicas 21:12

Ucampis Joram reyejj Eliasatwa mä carta catokäna, aqham sasa: “Nayra David awquiman Tatit Diosapajj aqham sistamwa: ‘Jumasti janiw sarnakctati Josafat awquimana sarnakäwiparu, ni Judá marcan Asa reyipan sarnakäwiparjamasa,

2 Crónicas 22:9

Ucatsti Ocoziasaru thakeriw qhitaraquïna, jupasti Samarianwa imantasïna, catuntasinjja Jehú chachan ucaruw apapjjäna, ucatjja jiwayapjjänwa. Juparusti imt'jjapjjänwa jupajj Josafatan yokapätapat amtasisina, qhititejj chekpachana Tatitur thakcäna. Uqhamata Ocoziasan familiapatjja janiw qhitis kheparcänti, rey cancaña cutsuyasiñapatakejja.

2 Crónicas 27:6

Jotam reyisti ch'amaniw tucüna, jupan sarnakäwipajj Tatitun nayrakatapana chekapätap laycu.

2 Crónicas 29:2

Ezequiasan luratanacapasti chekapänwa Tatitun nayrakatapana, cunjämatï nayra David awquipanjama.

2 Crónicas 34:2

Josías reyin luratanacapajja chekapänwa Tatitun nayrakatapana, jupasti nayra David awquipana sarnakäwiparuw arcäna, jan ucata cawcsarusa sarakasa.

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 4:12

Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 8:10

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”

Jeremías 2:23

¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Mateo 18:20

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Mateo 25:16

Pheska waranka catokquis uca sirvirejj negocio luri uca kollkempejja, jupasti mä pheska warankampwa jicjjatatayna.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

2 Timoteo 4:22

Tatit Jesucristojj jumampipunïpan, uqhamarac Diosajj qhuyapayasiñapjja churpan take jumanacjjaru.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 2:18

Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.

Jueces 6:12

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Jueces 8:33

Gedeón jiwjjatatsti israelitanacajj Diosat armt'asiwayasinsti cunayman Baal sat diosanacaru yupaychiriw cutt'awayjjapjjäna, ucampis jupanacajj diosapataquejj ajllirïpjjänwa Baal-berit sataru.

1 Samuel 18:12

Saúl reyisti Davidarojj ajjsaränwa, Tatitusti Davidaruquiw yanapäna, ucampisa juparojj janiw yanapcjjänti.

1 Samuel 18:14

Cunjämatejj Tatitojj Davidaru yanapcänjja, take cuna lurañapansa jupajj walt'ascaquipunïnwa.

1 Samuel 18:5

Davidasti cuntejj Saúl reyejj lurañataqui churcäna ucanacjja wali sumpuni phokhäna, ucat Saúl reyejj juparojj guerran sarayañapataquiw utt'ayaraquïna. Ucasti take ejercitonquirinacataquejja, Saúl reyin jach'a jilïri jakenacapataquisa wali sumapunïnwa.