2 Crónicas 16:9 - Qullan Arunaca

⁹ Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Aymar Bibliia 1986

⁹ Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Qullan Arunaka DC

⁹ Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

2 Crónicas 16:9 Jak'a apnaqawi uñst'ayäwi

Génesis 31:28

Jumasti janiw phuchanacajjarusa, ni allchhinacajjarusa jamp'att'ayquistati. ¡Jan walpun lurtajja!

2 Samuel 24:10

Ucampisa Davidajj chuymapanjja juchanjamaw amuyasïna uca censo aptayasajja, ucatwa Tatitur saraquïna: —Nayajj mä jach'a jucha lurta aqham censo aptayasajja. Ucatwa Tata, jichhajj achict'assma aca uywataman juchapa perdonañamataqui, mä pisi chuyma jakjamaw cunsa lurtjja —sasa.

1 Reyes 15:32

Asampi uqhamarac Israelan Baasa reyipampejja niya ucqhat ucqharuwa guerrasiñancapjjäna.

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

1 Crónicas 21:8

Ucampis Davidajj Diosarojj takwa arsjjäna: —Nayajj jach'a juchwa uqham lurasinjja lurta. Ucatwa jichhajj achict'assma aca sirvirimana juchapa perdonañamataqui, nayajj mä jan wali amuyt'an jakjamawa lurta.

2 Crónicas 15:17

Israel marcanjja janis yakha diosanacan santuarionacapajj takpach apanucutäcchïna ucasa, Asa reyejj take chuymaw Tatitur arcäna.

2 Crónicas 15:19

Ucatjja janiw guerrajj utjcänti Asa reyin quimsa tunca pheskani mara apnakcäna ucapachajja.

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

2 Crónicas 19:9

Jupanacarusti aca ewjjanacwa churäna: “Jumanacasti Tatitur ajjsarasawa lurañanacamjja lurapjjäta, suma phokhasina, chekaparu lurasinaraqui.

2 Crónicas 6:20

Urus arumasa jan maysa uñtasay aca temploru uch'uquinim, cawqha chekancañataquetejj jumajj arsta ucqharu. Jumajja naya sirvirimana oración luratajj-jja ist'itaya.

Esdras 5:5

Ucampis uca sarayir judionacarojja Diosaw imascäna, uqhamasti janiw lurañanacapjja jarc'apcänti, Darío reyiru yatiyäwinaca apayapcäna, uqhamat jupan arupa catokañcamajja.

Job 28:24

Jupajj acapachjja mä thiyata mä thiycama uñji, uqhamaraqui alajjpachat aynacharu utjqui ucanacsa.

Job 31:4

¿Diosajj janicha luräwinacajj uñjqui? ¿Janicha take sarnakäwejjsa uñtanqui?

Job 34:21

Diosaw jaken sarnakäwipjja uñji, take sarnakäwipwa yatiraqui.

Salmos 113:6

Alajjpachampir orakempirusti uñtascaquiwa.

Salmos 33:14

acapachan takpach jaquir jakenacarojj utjäwipatpach uñch'uquisinqui,

Salmos 33:15

jupaw takenir amuy churi, juparaquiw take luräwinacap uñch'uquisqui.

Salmos 33:18

Tatitusti iyawsirinacaparojj sum uñjasqui, qhuyapayasiñap suyt'irinacarojj imasquiwa,

Salmos 34:15

Tatitojj asqui jakenacaruw imasqui, arnakasitanacaparusti ist'araquiwa.

Salmos 37:37

Asqui jaker uñtam, suma jaker uñjam: jutir jacañapajj sumancañ jacañäniwa;

Proverbios 15:3

Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Proverbios 5:21

Jaken sarnakäwipasti Tatitun suma uñjatawa, jupasti take luräwinacapwa uñji.

Isaías 31:1

¡Ay, cunaquïcan qhitinacatejj Egiptor yanap mayir sarapqui ucanacataquejja, uqhamaraqui caballonacaru alcatasipqui, uca walja carronacaparu, walja caballeriaparusa, ucatsti janiraqui Israelan kollan Diosaparu uñtapquiti, Tatiturus thakapquiti ucanacataquejja!

Jeremías 16:17

Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Jeremías 5:1

Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa.

Jeremías 5:21

‘Aca arunac ist'am, jan amuyt'an marca, nayranïsquiwa, ucampis janiw uñjquiti, jinchunïscaraqui, ucampis janiw ist'quiti.

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja’ sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Lucas 12:20

Diosasti juparojj siwa: ‘Pisi amuyt'an jake, jichha arumpachaw jiwjjäta; cuntejj imasiscta ucasti ¿qhititaquiraquïni?’ sasa.

1 Corintios 15:36

Uca jisct'ajj mä pisi amuyunin jisct'apawa. Cunapachatejj jatha phawanttanjja, uca jathajj jiwañapawa yakha ali utj-jjañapataqui.

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

1 Pedro 3:12

Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.”

1 Samuel 13:13

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.