2 Crónicas 16:4 - Qullan Arunaca

⁴ Ben-adad reyisti Asa reyin parlt'äwiparojja ist'änwa, ucatsti ejercitopan tamanacapan jilïrinacaparuwa qhitäna Israelana marcanacaparu nuwantapjjañapataqui. Uqhamatwa catuntasipjjäna Ijón, Dan, Abel-maim, uqhamarac Neftalí orakenquir imatanaca uchaña take marcanacapsa.

Aymar Bibliia 1986

⁴ Ben-adad reyisti Asa reyin parlt'äwiparojja ist'änwa, ucatsti ejercitopan tamanacapan jilïrinacaparuwa qhitäna Israelana marcanacaparu nuwantapjjañapataqui. Uqhamatwa catuntasipjjäna Ijón, Dan, Abel-maim, uqhamarac Neftalí orakenquir imatanaca uchaña take marcanacapsa.

Qullan Arunaka DC

⁴ Ben-hadad reyisti Asá reyin aruparux iyawsänwa, ukatsti soldado tamanakapan jilïrinakaparuw Israelan markanakapar nuwantañatak khithäna, ukhamat jupanakax Iión, Dan, Abel-maim markanak katuntapxäna, ukhamarak Neftalí uraqinkir manq'añanak imañ markanakapsa.

2 Crónicas 16:4 Jak'a apnaqawi uñst'ayäwi

Génesis 14:14

Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

1 Reyes 15:20

Ben-adad reyisti iyaw sänwa Asa reyin arunacaparojja, ucatsti qhitänwa ejercitopan jilïrinacaparu Israelan marcanacaparu nuwantiri. Uqhamatwa catuntasïna Ijón, Dan, Abel-bet-Maaca chekanaca, uqhamarac take Cineret, ucatsti Neftalí take orakpacha.

1 Reyes 9:19

Uqhamaraquiw wastat lurayäna cawqhanacarutejj mank'añanaca imapjjerïqui uca marcanaca, ucjjarusti nuwasiñ carronaca imaña cuartelanaca, uqhamarac caballería cuartelanacaraqui, ucatsti cuntï Jerusalenan lurayañ muncäna ucanacaraqui, uqhamarac Líbano ucansa take apnakasqui uca orakpachana.

2 Reyes 16:9

Ucatsti Asirianquir reyejj mayitaparojj ist'änwa, wact'ayasïnwa Damasco marcar nuwir sarañataqui, ucatjja catuntänwa. Uca pasatatjja jakenacaparojj Kir sat chekaruw apanucuyäna, ucatsti Rezín reyerojj jiwayaraquïnwa.

2 Crónicas 16:3

“Jumampi nayampejja mä suma parlt'äwiru mantañäni, cunjämatï nayra awquinacasajj lurapcäna uqhama. Acajj nayajj apayansmawa kori, kollke. Ucatsti Israelanquir Baasa reyimpi sumar mantatamjja p'acjam, uqhamatwa jupajj nayaru samaraña churitani” sasa.

2 Crónicas 16:5

Cunapachatï Baasajj uc yatïna ucqhajja, Ramá marcaru sayt'asiñatac waquichañjja apanucünwa.

2 Crónicas 17:12

Josafat reyisti juc'amp ch'amaniwa tucjjäna. Jupasti Judá orakenjja nuwasiñataquiw utanaca lurayäna, uqhamarac marcanaca, imasia utanaca lurayaraquïna.

2 Crónicas 8:6

Ucjjarusti asquichayaraquïnwa Baalat marca, ucat ucjjar mank'añanaca imañ yakha marcanacaraqui, ucjjarusti nuwasiñ carronacan cuartelanaca, caballería cuartelanaca, take cunanactejj Jerusalenana Líbano ucansa lurayañ muncäna ucanaca, ucatsti jupajj take orakpacharu apnakqui ucanacaruraqui.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Isaías 9:1

Ucampis janiraquiw ch'amacajj wiñayataquïcaniti qhititejj llaquisiñancqui ucatakejja, cunjämatejj t'akhesiñajj mä tiemponjja Zabulón orakeru, Neftalí orakerusa wact'änjja uqhama, jan ucasti kota thiyanjam sarasquir thaquejj mä jach'a khanampi khant'atäniwa, Jordán jawirat maysa toketpacha, cawqhantejj jan Diosar uñt'ir marcanacajj jacapqui uca Galilea orakena.

1 Timoteo 6:10

Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.

2 Pedro 2:15

Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.