2 Crónicas 16:2 - Qullan Arunaca

² Ucatsti Asa reyejj Tatitun templopata kori, kollke apsuyasina, uqhamarac reyin palaciopatsa ucanacjja Sirianquir Ben-adad reyiruw apayäna, jupasti Damasco marcanwa jacäna. Uqhamaraquiw aca yatiyäwi apayäna:

Aymar Bibliia 1986

² Ucatsti Asa reyejj Tatitun templopata kori, kollke apsuyasina, uqhamarac reyin palaciopatsa ucanacjja Sirianquir Ben-adad reyiruw apayäna, jupasti Damasco marcanwa jacäna. Uqhamaraquiw aca yatiyäwi apayäna:

Qullan Arunaka DC

² Ukat Asá reyix Tatitun utapampina, reyi utampin imatäkän uka quri, qullqi apsusinxa, Siriankir Ben-hadad reyiruw ukanak apayäna, jupax Damasco markan jakäna. Juparusti aka yatiyäwi apayarakïna:

2 Crónicas 16:2 Jak'a apnaqawi uñst'ayäwi

1 Reyes 15:18

Ucatsti Asajj Tatitun templopana, uqhamarac reyin palaciopan imatäqui ucan take korinaca, kollkenacwa apjjarüna, ucatsti yanapirinacap tokewa apayäna Siria ucan Ben-adad reyipan ucaru, jupasti Tabrimón chachan yokapänwa, uqhamarac Hezión ucan allchhiparaqui, jupasti Damasco marcanwa jacäna. Uqhamaraquiw aca yatiyäwi apayäna:

2 Reyes 12:18

Ucampis Judá marcanquir Joás reyisti apjjarünwa cawquïri kollan yänactejj Josafat, Joram, Ocozías uca nayra reyinacapajj Diosan utapatac loktapcäna Judá orakena take ucanaca; ucjjarusti apjjaruraquïnwa cawquïr yänactejj jupa pachpas loktcaraquïna ucanacaraqui, uqhamarac apjjaruraquïna templon imatäqui reyin palaciopansa take korinaca, ucatsti take ucanacjja mayaqui apthapisawa Hazael reyin ucar apayäna, ucatjja aca reyejja janiw Jerusalén marcar nuwantcjjänti.

2 Reyes 16:8

Ucjjarusti Acaz reyejj Tatitun templopata kollke, kori, uqhamarac reyin palaciopan imatäcäns ucanac catusinjja Asirianquir reyiru wajjt'añataquiw apayäna.

2 Reyes 18:15

Uqhamasti Ezequías reyejj churänwa take kollkenactejj Tatitun templopana, reyin palaciopan imata utjcäna take ucanaca.

2 Crónicas 16:1

Ucampis Asa reyejj quimsa tunca sojjtani mara apnakcäna ucqhajja, Israelan Baasa reyipaw Judá marcar nuwir saräna, ucatsti Ramá marcjja sayt'asiñataquiw waquichayäna, Judá orakenquir reyiru maynit mayniru parlasiñanacapa apakasina.

2 Crónicas 16:3

“Jumampi nayampejja mä suma parlt'äwiru mantañäni, cunjämatï nayra awquinacasajj lurapcäna uqhama. Acajj nayajj apayansmawa kori, kollke. Ucatsti Israelanquir Baasa reyimpi sumar mantatamjja p'acjam, uqhamatwa jupajj nayaru samaraña churitani” sasa.

2 Crónicas 28:21

Acaz reyejj Tatitun templopata wali jila alan yänaca apsuncchïna ucasa, reyin palaciopatsa, uqhamarac jilïrinacan utanacapatsa asirianquiri reyiru impuestota churañataqui, janiw ucampejja cunsa jicjjatcänti.

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.