2 Crónicas 15:4 - Qullan Arunaca

⁴ Ucampis jan walt'añanacapa taypinjja marcajja Tatituruwa wasitat cutt'jjapjjäna Israelan Diosaparu, jupanacasti thaktapjjänwa, Tatitusti jicjjatayasiraquïnwa.

Aymar Bibliia 1986

⁴ Ucampis jan walt'añanacapa taypinjja marcajja Tatituruwa wasitat cutt'jjapjjäna Israelan Diosaparu, jupanacasti thaktapjjänwa, Tatitusti jicjjatayasiraquïnwa.

Qullan Arunaka DC

⁴ Ukampis jan walt'añanakapan uñjasisaxa, Israelan Tatitu Diosaparuw kutikipstapxäna, jupanakasti thaqhapxänwa, Tatitusti jikxatayasirakïnwa.

2 Crónicas 15:4 Jak'a apnaqawi uñst'ayäwi

2 Crónicas 15:15

Take Judá orakenquir jakenacaw cusisipjjäna take chuyma juramento lurapjjatanacapata, jupanacasti take chuymawa Tatitur thaktapjjäna, Tatitusti jupanacampejja jicjjatayasiraquïnwa, ucatsti Tatitojj jac'anquir take marcanacampejja suman sarnakañwa churäna.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

Salmos 106:44

Ucampis Tatitojj aykopjjatap uñtanïna, arnakasitanacaparuw ist'äna;

Isaías 51:1

“Ist'apjjeta take qhitinacatejj cheka chuymampi thakapquista, jacañsa munapjjaracta ucanaca —siw Tatitojja—. Uñtapjjam cawquïri karkat qhuchsutäpctatejj uca; cawqha kala ch'iyañat apsutäpctatejj uca;

Isaías 55:6

“Tatitur thaktapjjam jicjjatañjamäquipana, jac'ancquipan jawsapjjam.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Zacarías 1:3

Take ch'amani Tatitusti ucatwa sistjja, jichhajj nayan partejjat sam marcaru: ‘Nayaru cutt'anjjapjjam, nayasti jumanacaru cutt'anjjaraquïwa. Naya, Tatituw arstjja.

Romanos 10:20

Isaías profetajj saraquiwa: “Qhitinacatejj jan thakapquitu ucanacaw nayarojj jicjjatapjjetu. Nayasti uñstaractwa qhitinacatejj nayjjat jan jisct'asipcänsa ucanacaru” sasa.