2 Crónicas 15:2 - Qullan Arunaca

² jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

Aymar Bibliia 1986

² jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

Qullan Arunaka DC

² jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

2 Crónicas 15:2 Jak'a apnaqawi uñst'ayäwi

1 Reyes 11:25

Jupasti Salomonan jacañapcamajja Israelan uñisiripänwa; jupajj cuna jan walinactejj Hadad chachajj lurcän ucanacaruw mayachasïna, ucampis Israel marcarojj uñisïnwa. Uqhamatwa Rezón chachajj Siria marcan reyipa tucuwayäna.

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

2 Reyes 21:14

Ucat ucjjar marcajjarusti, apanucüwa, uqhamarac uñisirinacapan amparaparuwa catuyaraquëjja, catuntatäpjjañapataqui, aparatäpjjañapataquiraqui.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

2 Crónicas 11:12

Ucjjarusti uca take marcanacarojj churayänwa escudonaca, lanzanacampi uqhamwa walipuni waquichrantäna. Roboam reyisti uqhamwa Judá, uqhamarac Benjamín uca orakenacaru apnakäna.

2 Crónicas 12:5

Ucatsti Semaías profetajj saränwa Roboam, uqhamarac Judá oraken jilïrinacapan nayrakataparu, jupanacasti Jerusalenanwa tantachasipjjäna Sisac reyin jupanac contra jutatapata, ucatsti jupajj sänwa: —Tatitojj siwa: ‘Jumanacaw nayarojj apanucupjjestajja, ucatwa nayajj Sisac reyin amparaparojj apanucupjjaracsma’ —sasa.

2 Crónicas 13:12

Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.

2 Crónicas 13:4

Ucatsti Abiam reyejj Zemaraim sat kollu pataruw sayt'asi, uca kollusti Efraín kollunaca taypincänwa, ucatsti jupajj jach'at art'asiraqui: “¡Ist'apjjeta Jeroboam, uqhamarac take Israel!

2 Crónicas 15:15

Take Judá orakenquir jakenacaw cusisipjjäna take chuyma juramento lurapjjatanacapata, jupanacasti take chuymawa Tatitur thaktapjjäna, Tatitusti jupanacampejja jicjjatayasiraquïnwa, ucatsti Tatitojj jac'anquir take marcanacampejja suman sarnakañwa churäna.

2 Crónicas 15:4

Ucampis jan walt'añanacapa taypinjja marcajja Tatituruwa wasitat cutt'jjapjjäna Israelan Diosaparu, jupanacasti thaktapjjänwa, Tatitusti jicjjatayasiraquïnwa.

2 Crónicas 20:15

Jupasti sänwa: “Judá, uqhamaraqui Jerusalén marcan jaquir jakenaca, uqhamarac juma Josafat reyisa, Tatitusti aqham sapjjtamwa: ‘Jan ajjsarapjjamti, janiraqui uca jach'a ejército uñjasinsa sustjasipjjamti, aca nuwasiñajja janiw jumanacancquiti, jan ucasti Diosanquiwa.

2 Crónicas 20:17

Janiw jumanacati nuwasipcätajja, ucampis jumanacajj sum waquichasipjjam, alekt'apjjaquiraquim, ucatsti uñjapjjätawa cunjämtï Tatitojj jumanacar khespiyapcätam uca. ¡Jerusalenanquiri, Judá orakenquir jakenaca, jan ajjsarapjjamti, janirac sustjasipjjamsa; arumanthi alwasti jupanacamp nuwasir sarapjjam, Tatitusti jumanacampïsquiwa!’ ” sasa.

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

2 Crónicas 24:20

Ucatsti Joiada sacerdoten Zacarías yokapajja, Diosan Ajayupanïnwa, jupasti patäjja chekawjaru sayt'asisinjja marcarojj sänwa: “Diosajj aqham siwa: ‘¿Cunatsa jumanacajj mandamiento arunacajjarojj jan ist'apquistajja, uqhamarac jumanac pachpa jan walt'añanacjja thakasipjjtajja? ¡Jumanacajj nayar apanucupjjatamatjja, nayajj jumanacarojj apanucupjjaraquïmawa!’ ” sasa.

2 Crónicas 26:5

Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

2 Crónicas 32:8

Jupasti jakenacan ch'amapampiquiwa, ucampis Tatitu Diosasaw jiwasampïsqui, nuwasïwinacasana jiwasaru yanapt'añapataqui” sasa. Ezequías reyin arunacap ist'asinjja, jakenacajja ch'amañchasipjjänwa.

2 Crónicas 33:11

Ucatwa Tatitojj jupanacataquejj jutayäna asirianquiri reyin ejercitopana jilïrinacaparu, jupanacasti Manasés reyirojj ganchompiw catuntayäna, ucatjja bronceta lurat cadenanacampi ach'antasawa preso Babiloniaru apapjjäna.

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

Esdras 8:22

Nayasti p'enkasïyätwa reyita caballería soldadonaca mayiña nanacar thaquin uñisirinacata imañapataqui, nanacajj reyirojj sapjjäyätwa: “Diosajj imiwa take qhitinacatejj jupar thakapqui ucanacarojja, ucampisa qhitinacatejj juparu apanucupqui ucanacarusti Diosan ch'amapasa, colerapasa jupanac contrawa” sasa.

Salmos 34:4

Tatituruw nayajj art'asta, jupasti take llaquinacat irpsutu;

Salmos 53:2

Diosajj alajjpachatpach jakenacarojj uñtani: “Inach qhitis amuyt'asirejj utjaspa, inach qhitis Diosar thakerejj utjaspa” sasa.

Isaías 45:19

Nayajj janiw cunsa jamasat parlcti, janiraquiw ch'amac c'uchunacansa parlcti. Janiraquiw Jacobon wawanacaparojj siscti: ‘Cawqhantejj jan cunas utjqui uca chekan thakapjjeta’ sasa. Naya Tatitojj, chekacpunwa parltjja, cunatejj chekapäqui uca arsuractjja.

Isaías 51:1

“Ist'apjjeta take qhitinacatejj cheka chuymampi thakapquista, jacañsa munapjjaracta ucanaca —siw Tatitojja—. Uñtapjjam cawquïri karkat qhuchsutäpctatejj uca; cawqha kala ch'iyañat apsutäpctatejj uca;

Isaías 7:13

Isaiasajj saraquïnwa: —Ist'apjjam, jumanaca David reyin utapanquirinaca. ¿Jumanacataquejj janit cunäquisa jakenacaru majañajja, Diosajjarusti majañ munapjjaracta ucajja?

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Amós 5:14

Cunatejj asquïqui uc thakapjjam, jani jan walïqui ucjja, jacapjjañamataqui. “Take ch'amani Tatitu Diosajj jiwasampïsquiwa” sasa, parlapjjatamajja uqhamatwa chekänejja.

Zacarías 1:3

Take ch'amani Tatitusti ucatwa sistjja, jichhajj nayan partejjat sam marcaru: ‘Nayaru cutt'anjjapjjam, nayasti jumanacaru cutt'anjjaraquïwa. Naya, Tatituw arstjja.

Números 14:42

Jan sarasipcaquimti, Tatitusti janiw jumanacampïcjjeti. Uñisirinacamasa atipjapjjätamwa.

Números 14:43

Qhä nayrakatanjja amalecitanaca, cananeonacaw suyapjjtam jumanacampi nuwasiñataqui, uqhamarac jumanacar jiwarayañataqui. Jumanacasti Tatitu Diosarojj apanucupjjtawa, jupasti janiw jumanacampi chicäcjjeti —sasa.

Mateo 13:9

Jumanacatejj ist'añ munapjjstajja, ¡ist'apjjam!”

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

Deuteronomio 4:29

Ucampis jumanacatï uca chekan Tatitu Diosaru thakhapjjäta take chuymampi, take jacañampi ucqhajj jicjjatapjjätawa.

Hebreos 10:38

Nayan catokat asqui jakejj iyawsäwip laycuw jacani; khepar cuttan ucasti, janiw jupat cusiscäti”, sasa.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

Josué 22:31

Ucatsti Finees sutini Eleazar sacerdoten wawapajj jupanacarojj sänwa: —Jichhasti yattanwa Diosajj jiwasanac taypincascatapa; jumanacajj janiraquiw Dios contras sayt'asiñ amtapcatätati, uqhamatwa jichhajj Diosan mutuyawipat nanacar khespiyapjjesta —sasa.

Josué 24:20

Jumanacatï Diosaru apanucupjjäta yakha diosanacar sirviñataqui, ucqhajj Diosajj jan walt'añanacwa apayanipjjätam, ucatsti t'unjapjjaraquïtamwa jumanacar walja asquinac lurcasasa.

Apocalipsis 2:11

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucajj janiw cuna t'akhesiñsa catokcaniti payïri jiwäquis ucanjja.’

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’

Apocalipsis 2:29

¡Qhititejj ist'añ munqui ucajj ist'pan cuntï Kollan Ajayojj iglesianacaru sisqui ucjja!’

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.’

Apocalipsis 3:13

¡Qhititejj ist'añ munqui ucajj ist'pan, cuntejj Kollan Ajayojj iglesianacar sisqui ucjja!’

Apocalipsis 3:22

¡Qhititejj ist'añ munqui ucajj ist'pan, cuntejj Kollan Ajayojj iglesianacar sisqui ucjja!’ ”

Apocalipsis 3:6

¡Qhititejj ist'añ munqui ucajj ist'pan cuntejj Kollan Ajayojj iglesianacaru sisqui ucjja!’

Jueces 10:13

Uqhama khespiyatäcasinsa jumanacajj nayatjja armasisipcaquistawa yakha c'ari diosanacaru yupaychaña laycu. Uca laycusti nayajj janiw mayampis khespiyapquirismati.

Jueces 9:7

Ucatsti Jotam chachajj yatisinjja Gerizim sat lomaru maqhatasinjja uca kollutwa wali jach'ata art'anïna takeni ist'apjjañapataqui: “¡Siquem marcanquir jakenaca wali ist'apjjeta! ¡Diosasti jumanacarojj uqhamaraqui ist'aracpan!

1 Samuel 12:14

Jichhajj jumanacarojj wact'apjjtamwa Tatituru ajjsartapjjañama, uqhamaraqui juparu yupaychapjjañama, arunacapsa ist'apjjañamaraqui, camachi arunacapsa janiraqui taquisipjjañama, ucatsti jumanacar apnaker reyisa, jumanacasa Tatitu Diosan munañaparjama jacapjjañama.

1 Samuel 12:15

Ucampisa janitejj Tatituru ist'apcäta, jan ucasti camachi arunacapsa apanucupjjaraquïta, ucapachajj jupajj jumanacarusa, reyimarusa mutuyäpjjaraquïtamwa.