2 Crónicas 14:3 - Qullan Arunaca

³ Jupasti yakha diosanacana altaranacapjja aparpayänwa, uqhamarac diosanacan santuarionacapsa, ajjsarata kalanacsa jisc'a jisc'a t'unjayäna, uqhamarac Asera diosan lantinacapsa t'unjayaraquïnwa.

Aymar Bibliia 1986

³ Jupasti yakha diosanacana altaranacapjja aparpayänwa, uqhamarac diosanacan santuarionacapsa, ajjsarata kalanacsa jisc'a jisc'a t'unjayäna, uqhamarac Asera diosan lantinacapsa t'unjayaraquïnwa.

Qullan Arunaka DC

³ 3 (2) Jupax yaqha markan diosanakapan altaranakapsa, qullu patanakan yupaychañ utanaksa tukjayänwa, axsarat qalanaksa jisk'a jisk'a t'unjayäna, Astarté diosar uñtatanaksa t'unjayarakïnwa.

2 Crónicas 14:3 Jak'a apnaqawi uñst'ayäwi

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

2 Reyes 18:4

Jupawa yakha diosanacar sirviñ alto chekan santuarionaca apakayäna, ajjsarata kalanacsa jisc'a jisc'a tucjayäna, Asera diosan lantinacapsa p'aquirayäna, uqhamarac Moisesajj bronceta mä catari lurcäna Nehustán sata ucsa tucjaraquïnwa. Israelitanacasti uca urunacanjja inciensonacjja uca catarir yupaychasinwa naqhayapjjäna.

2 Reyes 23:14

Ajjsarata kalanaca, lawanacsa jisc'a jisc'wa tucjaraquïna, ucatsti ucanacajj cawqhancapcäntejj ucqhanacarojja jake ch'aqhanacampiwa phokhantäna.

2 Reyes 23:6

Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

2 Crónicas 14:2

Asan luratanacapajja asqui chekapänwa Tatit Diosapa nayrakatanjja.

2 Crónicas 14:4

Uqhamarus arsünwa Judá marcajj Tatituru maqhatjjañapataqui nayra awquinacapan Diosaparu, uqhamaraquiw leyinacapsa mandamiento arunacapsa phokhayäna.

2 Crónicas 15:17

Israel marcanjja janis yakha diosanacan santuarionacapajj takpach apanucutäcchïna ucasa, Asa reyejj take chuymaw Tatitur arcäna.

2 Crónicas 33:16

Ucatjja Tatitun altarapwa asquichayäna, uca altaranjja sumancäwi sacrificionacwa loktayäna, uqhamarac yuspagaraña ofrendanacaraqui, ucatsti Judá orakenquir jakenacarusti Israelan Tatit Diosaparuw yupaychayäna.

2 Crónicas 34:4

Jupan nayrakatapanwa tucjapjjäna Baal diosan take casta lantinacapan altaranacapa, ucatsti tucjayänwa incienso naqhayañatac uca patjjaru lurayatäcäna uca altaranaca. Uqhamaraquiw jisc'a jisc'a tucjayäna Asera diosan lantinacapa, yakha diosanaca, uqhamarac hierrot lurat c'ari diosanaca, ucanaca lak'a tucuyasinjja willjjatayänwa qhitinacatejj ucanacar sacrificionaca loktapcäna ucanacan jiwat amayanacapjjaru.

Éxodo 34:13

Jumanacasti allthapipjjätawa altaranacapa kalata dios lurasitanacapsa t'unthapipjjaraquïtawa, uqhamarac kolluna lawanacapsa p'acthapipjjaraquïtawa.

Levítico 26:30

Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,

Deuteronomio 7:25

Ninampiraquiwa phichhantapjjäta diosanacapsa. Ucatsti janiraqui munapayapjjamti uca diosanacapar lip'suyat koripsa ni kollkepsa; jan jumanacan uqhamat jucharu puripjjañamataqui, uc lurasasti Tatitu Dios nayräjjan jan wali lurapjjasmajja.

Deuteronomio 7:5

Cuntï jumanacajj lurapjjäta ucanacajj acanacawa: Altaranacapa tincuyapjjäta, ucatsti t'unjapjjaraquïtawa uca kalanacata, lawanacata lurat diosanacapa, cawquïrirutï yupaychapqui, uqhamaraquiw yakha diosanacapsa takpach phichhantapjjäta.