2 Crónicas 13:7 - Qullan Arunaca

⁷ Juparusti jakcattapjjänwa mä kawkha jan cuna lurir jayra jakenaca, uqhamarac jan wali jakenaca, jupanacasti atipjapjjänwa Salomonan Roboam yokaparojja, jupasti waynaquïnwa jan sayt'asiriraqui. Uqhamasti jupajj janiw ch'amanïcänti jupanac toke sayt'asiñataquejja.

Aymar Bibliia 1986

⁷ Juparusti jakcattapjjänwa mä kawkha jan cuna lurir jayra jakenaca, uqhamarac jan wali jakenaca, jupanacasti atipjapjjänwa Salomonan Roboam yokaparojja, jupasti waynaquïnwa jan sayt'asiriraqui. Uqhamasti jupajj janiw ch'amanïcänti jupanac toke sayt'asiñataquejja.

Qullan Arunaka DC

⁷ Juparusti jan wali lurir jayra jaqinakaw jaqkattapxäna, ukatsti Salomón chachan Roboam yuqaparux atipjapxänwa, jupasti waynäskatap laykux janiw jupanakar saykatirjamäkänti.

2 Crónicas 13:7 Jak'a apnaqawi uñst'ayäwi

2 Samuel 3:39

Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

1 Reyes 21:10

Ucjjarusti pä c'ari testigonaca kont'ayapjjaraquim jupan nayrakatapana, ucatsti khanañchayapjjam jupa contra: ‘Diosaru, uqhamarac reyiruwa ñankhachi’ sasa. Ucatsti ankar apsusinjja kalamp c'upjascama jiwayapjjam” sasa.

1 Reyes 21:13

Ucjjarusti purinipjjänwa pä c'ari testigonaca, ucatsti khanañchapjjänwa Nabot chacha contra take jakenacan nayrakatapana: “Diosaru, uqhamarac reyiruw ñankhachi” sasa. Ucatsti marcat apsusinjja kalamp c'upjascamawa jiwayapjjäna.

2 Crónicas 10:16

Ucatsti take Israel marcpacha reyin jan jupanacar ist'añ munatapa uñjasinjja, aqham sasaw jupanacajj arsupjjaraquïna: “¡Janiw cuna lurañanacajjas Davidampi utjapquituti! ¡Isaí chachan yokapampejj janiw cuna herencia jaljasiñas utjapquituti! ¡Israelitanaca, sapa maynisa utanacasarcama sarjjapjjañäni! ¡Davidasti familiaparuqui uñjasiscpan! ” sasa. Ucspachawa take israelita jakenacajj utanacaparcama sarjjapjjäna.

2 Crónicas 12:13

Roboam reyejj Jerusalén marcanjja ch'amapjja jiljjatayänwa, ucatsti apnakascaquïnwa. Jupasti pusi tunca mayan maraniwa apnakañ kalltäna, ucatsti Jerusalén marcanjja tunca pakallkoni marawa apnakäna, cawquïr marctejj Tatitojj ajlliscäna Israelana take tribunacap taypita ucan jacañataqui ucana. Roboam reyin taycapasti Naama sat sutinïnwa, jupasti Amón satäquis ucanquirïnwa.

Job 30:8

Jan cunatac sirviri jakenaca, jan awquini, jan taycani jakenaca, janiraquiw aca marcan jacapjjañapas waquisquiti.

Salmos 26:4

Janiw c'ari jakenacampejj kont'ascti, janiraquiw ch'ojjña chuyman jakenacampis chicachascti;

Proverbios 12:11

Yapuchiri jakejj walja mank'añaniwa; jan amuyt'asiri jakesti inamaya luräwinacan sarnake.

Proverbios 28:19

Qhititejj orakepana yapu yapuchqui ucanjja, jilarquiriwa mank'añapajja; qhititejj jayrasiñana sarnakasqui ucajja, pobre sarnakañaquiw jilaranejja.

Eclesiastés 10:16

¡Ay cunaquïcani, cawquïr marcan reyipatejj mä jisc'a wawaquïqui, uqhamarac jilïr jakenacapajj jach'a mank'añanacan khantatipjje ucataquejja!

Isaías 3:4

jupanacjjarusti marca apnakerirusa wawanacaraqui utt'ayani, mä jisc'a wawanacaquiraquiw jupanacarojj apnakaraquini.

Hechos 17:5

Ucampis jan iyawsir judionacajj colerasisina callenquir khoru jayra jakenacwa irpthapipjjäna. Ucanac anthapisinsti marca jakenacaruw amtayapjjäna, ucat pejjtunacajj sarti. Jasonan utapar chhuct'asinsti, Pablompir Silasampiruw thaktapjjäna, ucat waysusin jakenacar catuyañataqui.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

Deuteronomio 13:13

jakenacan Diosaru jan jaysapjjatapa, uqhamaraqui uca marcan jakenacaru Diosat jithektayascatapa yakha jan uñt'at diosanacaru yupaychayasa.

Tito 1:10

Ucampis waljaniw sayt'irinacajj utjapjje, judionacat yämasa juc'ampiwa, ucanacasti jan walinac parlapjje ucat jakenacar sallkjapjje.

Hebreos 5:12

Acqha tiempotjja, jumanacajj niya yatichirinacäjjapjjañamänwa; ucampis waquisiscaquiwa wasitamp amuyt'ayaña Diosan kallta yatichäwinacapatjja. T'uqharjjapjjactawa, mank'a lantsti, leche umapjjañamawa.

Jueces 11:3

Ucatsti Jefté satajja utapata sarjjasinjja Tob sat chekaruw jaquir sarjjäna. Ucansti jupajj wali khoru jakenacampiw mayachasjjäna; cunjämarutejj sarnakañ munapqui uqhamaruw sarnakapjjäna.

Jueces 9:4

Ucampis Abimelec chacharojja pakallk tunca moneda kollke churapjjäna Baal-berit sat diosan templopat apsusina. Ucat uca kollkempisti Abimelec chachajja wali khoru jakenacwa minc'äna jupampi chica sarañapataqui, ucampis uca jakenacajj iyawsasaw jupampi chica sarapjjäna.

1 Samuel 22:2

Uqhamaraquiw take t'akhesiyata jakenacasa, manuninacasa, uqhamarac qhitinacatejj jan cunampisa take chuymäpcäna uca jakenacasa Davidampiw mayachasjjapjjäna. Davidasti jupanacan capitanaparaquïnwa. Jupampi chica sarnaker jakenacasti niya pusi pataca jakenacjamänwa.