2 Crónicas 13:5 - Qullan Arunaca

⁵ ¿Janit jumanacajj yatipcta Israelan Tatit Diosapajj Davidaru reino catuyatapjja, uqhamarac jupat saraker wawanacaparu wiñayataqui, mä jan p'accaya suma parlt'äwiru mantäwi tokjja?

Aymar Bibliia 1986

⁵ ¿Janit jumanacajj yatipcta Israelan Tatit Diosapajj Davidaru reino catuyatapjja, uqhamarac jupat saraker wawanacaparu wiñayataqui, mä jan p'accaya suma parlt'äwiru mantäwi tokjja?

Qullan Arunaka DC

⁵ ¿Janit jumanakasti yatipkta, Israelan Tatitu Diosapana, Davidaru ukhamarak saraqirinakapar wiñayatak Israel markar reyit apnaqañapataki, jan p'akintkaya arust'äwi lurasa katuykäna uksti?

2 Crónicas 13:5 Jak'a apnaqawi uñst'ayäwi

2 Samuel 10:13

Joab chachasti soldadonacapampiw sirionacaru nuwantiri saräna, ucampisa uca sirionacajj jupan nayrakatapatjja jaltjjapjjänwa.

1 Reyes 8:20

“Jichhasti Tatitojj arsutapjja phokhewa. Cunjämtejj jupajj siscäna uqhamaru, nayajj David awquejjana utjäwipwa catta, ucatsti Israelan tronoparusa kont'asiractwa, uqhamarac mä templsa luraracta Israelan Tatit Diosapataqui.

1 Crónicas 17:11

cunapachatï jumajj jiwjjäta ucqhajja, nayajj mayni jumat saraker wawanacamaruw sayt'ayäjja, ucatsti reinopjja sumwa utt'ayäjja.

1 Crónicas 17:14

jan ucasti wiñayataquiw sayt'ayäjja utajjansa, uqhamarac reinojjansa. Ucatsti jupan tronopajja wiñayataquiw utt'ayatäni.’ ”

2 Crónicas 6:16

Uqhamasti Israelan Tatit Diosapa, jumajja phokhamaya cuntï arscäyäta David sirvirima awquejjaru ucjja: jupat sarakeri wawanacapajj utjañapapuni Israelan tronoparu maqhatañapataqui qhuyapayasiñam laycu, jupanacatï sum sarnakapjjani, uqhamarac leyinacapsa phukharaquini cunjämatï jupajj phokcäna uqhama.

Nehemías 5:9

Ucjjarusti nayajj sascactwa: —Cuntï lurapcta ucanacjja janiw wal lurapctati. Jumanacajj Diosasataquejj ajjsarapjjañanacamänwa, ucatsti janiw munapjjañanacamäcänti jucharar uñisirinacasan larusipjjañanacapjja.

Proverbios 1:29

jumanacan yatiñ cancañaru jisc'achapjjatamata, Tatitur jan ajjsarapjjatam laycuraqui.

Jeremías 33:26

Jichhasti janipuniw apanuccäti Jacobon wawanacaparojja, David uywatajjan wawanacaparusa, jupanac taypitsti utjayaraquïwa mayni mistuñapa, Abraham, Isaac, Jacob ucanacan wawanacaparu apnakañapataquejja. Nayaw jupanacatjja qhuyapayasëjja, sarnakäwinacapsti asquiruw tucuyjjaraquejja.”

Ezequiel 43:24

Sacerdotenacaw ucarojj jayumpi williquipt'apjjani, ucat nayaru loktasaw naqhantayapjjaraquini.

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Levítico 2:13

“Take granonacat waquichat ofrendamarojj jayuñchapunïtawa, granonacat waquichat ofrendamanjja janipuniw Diosaman amtäwi jayjja cuna laycus faltayätati. Take ofrendanacamjja jayunpunwa loktäta.

Números 18:19

Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”

2 Pedro 3:5

Jupanacajj janiw amuyt'asiñ munapquiti, alajjpachajj nayratpacha utjascatapapuni, uqhamarac aca orakes Dios quipcana umat apsutätapa, umïpanracwa jichhas utjasqui.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 16:12

Isaí chachajj uca sullca yokaparu jawsiriwa qhitäna. Ucat uca sullquïristi suma wila ajanunïnwa, wali suma uñnakt'aniraqui. Ucat Tatitojj Samuelorojj saraquïna: “Acapï reyitaqui ajllitäñapäqui ucajja. Jichhajj sartasim, ucatsti juparojj reyïñapataqui yakhachjjam” sasa.