2 Crónicas 12:2 - Qullan Arunaca

² Ucampis jupanacajj Tatitur jan sum arcapjjatanacap laycojja, Roboam reyejj pheska mara reinascäna ucqhawa egiptonquir Sisac reyejj Jerusalenar jutasina nuwantäna,

Aymar Bibliia 1986

² Ucampis jupanacajj Tatitur jan sum arcapjjatanacap laycojja, Roboam reyejj pheska mara reinascäna ucqhawa egiptonquir Sisac reyejj Jerusalenar jutasina nuwantäna,

Qullan Arunaka DC

² Jupanakan Tatitur jan sum arkapxatap laykusti, kunapachatix Roboam reyix phisqa mara marka apnaqkän ukkhaw, Egiptonkir Sisac reyix Jerusalenar jutasin nuwantäna,

2 Crónicas 12:2 Jak'a apnaqawi uñst'ayäwi

1 Reyes 11:40

Uca laycusti Salomonajj jiwayañwa Jeroboam chacharu munäna; ucampis Jeroboam chachajj Egiptoruw jaltjjäna, ucansti Sisac sata ucawa reyïscäna; Jeroboam chachajj Salomonan jiwañapcamawa ucan kheparäna.

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

2 Crónicas 14:8

Asan ejercitopasti quimsa pataca waranka Judá chekanquir soldadonacapampi waquicht'atänwa, escudonacampi, lanzanacampi armantasita, uqhamaraquiw Benjamín tributjja pä pataca quimsakallk waranka soldadonacanïna escudonacampi flecht'aña arconacampi suma waquicht'ata. Take jupanacasti jan ajjsariri soldadonacäpjjänwa.

2 Crónicas 14:9

Jupanacampi nuwasiñataquisti etiopenquiri Zera chachawa jutantäna mä jach'a ejercitompi, mä millón jakenacamp waquicht'ata, quimsa pataca nuwasiñ carronacampi, ucatsti purinipjjänwa Maresa ucqhacama.

2 Crónicas 24:18

Ucatjja jupanacajj Tatitun templopjja apanucupjjänwa, nayra awquinacapan Diosaparu. Jupanacajj Asera diosan lantinacaparuwa yupaychapjjäna, uqhamarac yakha diosanacarusa. Uca jucha luratanacapatwa Tatitojj colerasïna Judá, uqhamarac Jerusalenataquisa.

Isaías 18:2

uqhamaraqui qhitanacapsa Nilo jawiranjam qhitanqui uca marcataquejja, umanjama juncu sat alinacat lurat botenacat jutapqui ucanacataquejja! Qhitanaca, jalacamaqui jalapjjam, uca jach'a tansa, jank'olla jakenacan marcaru, take chekan wali ajjsarat marcaru, wali ch'amani jach'a jach'a tucuri marcaru, cawquïri marcatejj jawiranacan muyuntata jacquejja uca marcaru.

Isaías 63:10

Ucampis jupanacajj Tatitutaquiw sayt'asipjje, k'oma cancañaparusti ñankhachapjjaraquiwa; ucatwa jupanacataquejj mä uñisiri, nuwjiriraqui tucuraquejja.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Lamentaciones 5:15

Chuymasansti janiw cusisiñajj utjcjjaraquiti, cusisiña thokt'äwinacasasa llaquiruquiw tucjje.