2 Crónicas 12:1 - Qullan Arunaca

¹ Cunapachatï Roboaman reinopajj suma ch'aman sartäna ucqhajja, jupajj ch'amaniw amuyasïna, ucatsti Tatitun leyinacapa phokhañjja apanucjjänwa, uqhamarac take Israel jakenacas uca pachparaqui lurapjjäna.

Aymar Bibliia 1986

¹ Cunapachatï Roboaman reinopajj suma ch'aman sartäna ucqhajja, jupajj ch'amaniw amuyasïna, ucatsti Tatitun leyinacapa phokhañjja apanucjjänwa, uqhamarac take Israel jakenacas uca pachparaqui lurapjjäna.

Qullan Arunaka DC

¹ Kunapachatix Roboam reyin marka apnaqañapax thurt'atäxana, jupasa ch'amanjam amuyasïna ukkhaxa, jupax Tatitun kamachinakap phuqhañxa apanukxänwa, israelita jaqinakas uka pachparak lurapxäna.

2 Crónicas 12:1 Jak'a apnaqawi uñst'ayäwi

1 Reyes 12:17

Cawquïr israelita jakenacatejj Judá marcanacana jacapcäna ucanacjjarusti Roboam chachajj apnacascaquïnwa.

1 Reyes 14:21

Judá orakensti Salomonan Roboam yokapaw reyïna. Jupasti pusi tunca mayan maraniwa reyïña kalltäna, ucatsti tunca pakallkoni marawa apnakäna Jerusalén marcana, cawquïr marctejj Tatitojj ajlliscän Israel tribunacata take marcanacapata, jupan sutipajj ucancañapataqui. Roboaman taycapasti Naama sutinïnwa, jupasti amonita warmïnwa.

1 Reyes 9:9

Ucatsti sapjjaniwa: ‘Tatit Diosaparuwa jaytanucupjje, qhititejj nayra awquinacaparu Egiptota apsuncäna ucaru, ucatsti jupanacajj yakha diosanacaru yupaychañataqui ucanacaru sirviñataquiraquiw catuyasipjjäna; ucataracwa Tatitojj jupanacjjaru apayaniraqui aca jach'a jan walt'añanacjja’ ” sasa.

2 Reyes 17:19

Ucampis Judá tribusa janiraquiquiwa Tatit Diosapana camachi arunacapjja phokcaraquiquïnti, jan ucasti israelitanacajj uñstayapcäna uca luräwinacaparuwa arcapjjaraquiquïna.

2 Crónicas 11:17

Uqhamatwa Judá ucanquir reinor ch'amañchapjjäna Salomonan Roboam yokapar quimsa mara yanapasina, jupasti uca quimsa maraquiwa David, uqhamarac Salomón awquinacapan sarnakäwinacaparu arcäna.

2 Crónicas 11:23

Jupansti mä suma amuyt'äwipawa utjäna Judá, uqhamarac Benjamín uca orakenaca yokanacaparu lacjañataqui, uqhamarac sayt'asiñatac lurat perkanacani marcanacaru lacjañaraqui, jilarquiri mank'añanaca churasa, uqhamarac jupanacaru walja warminaca churasinaraqui.

2 Crónicas 11:3

“Aqham yatiyam Salomonan Roboam yokaparu, qhititï Judá marcan reyipäqui ucaru, uqhamarac Judá, Benjamín, orakenacana jaquir take israelitanacaru,

2 Crónicas 12:13

Roboam reyejj Jerusalén marcanjja ch'amapjja jiljjatayänwa, ucatsti apnakascaquïnwa. Jupasti pusi tunca mayan maraniwa apnakañ kalltäna, ucatsti Jerusalén marcanjja tunca pakallkoni marawa apnakäna, cawquïr marctejj Tatitojj ajlliscäna Israelana take tribunacap taypita ucan jacañataqui ucana. Roboam reyin taycapasti Naama sat sutinïnwa, jupasti Amón satäquis ucanquirïnwa.

2 Crónicas 24:18

Ucatjja jupanacajj Tatitun templopjja apanucupjjänwa, nayra awquinacapan Diosaparu. Jupanacajj Asera diosan lantinacaparuwa yupaychapjjäna, uqhamarac yakha diosanacarusa. Uca jucha luratanacapatwa Tatitojj colerasïna Judá, uqhamarac Jerusalenataquisa.

Isaías 1:4

“¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Jeremías 2:31

(Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Deuteronomio 32:15

“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.

Deuteronomio 32:18

“Israel marca, arjjatiri awquimatjja armastawa; armasiractaw jacañ churiri Diosamatsa.

Jueces 2:15

Israelitanacajj sapa cuti nuwasiri mistupcäna ucqhasti Diosajj jupanac contraw tucüna, uqhamïpansti jupanacataquejj jan walt'añanacaw jutäna. Uqhama jan walt'apjjañapataquisti Dios pachpawa arsüna. Uca laycunwa israelitanacan t'akhesipjjañapataquejj Diosan uchatänjja.