2 Crónicas 1:2 - Qullan Arunaca

² Ucatsti take Israel jakenacaruw jawsäna: soldadonacapan jilïrinacaparu, reyir yanapiri jach'a jilïrinacaru, uqhamarac familianacata take jilïrinacaru, qhitinacatejj Israel marcan jilïrinacäpqui ucanacaruraqui.

Aymar Bibliia 1986

² Ucatsti take Israel jakenacaruw jawsäna: soldadonacapan jilïrinacaparu, reyir yanapiri jach'a jilïrinacaru, uqhamarac familianacata take jilïrinacaru, qhitinacatejj Israel marcan jilïrinacäpqui ucanacaruraqui.

Qullan Arunaka DC

² Ukatsti israelitanakarux taqiniruw jawsayäna: soldadonakan jilïrinakaparu, aytat jilïr jaqinakaru, Israelan taqpach wila masinakan jilïrinakaparu.

2 Crónicas 1:2 Jak'a apnaqawi uñst'ayäwi

1 Reyes 3:4

Uca pachparaquiw Gabaón chekarusa saräna sacrificio ucan loktañataqui, uca chekasti wali aytata alto chekänwa uca laycu. Uca chekansti waranka nact'at sacrificionacwa loktäna.

1 Crónicas 13:1

Davidajj take jilïrinacaru, comandantenacaru, uqhamarac capitananacaruwa jisct'asïna,

1 Crónicas 15:12

Ucatsti sänwa: “Jumanacajj levita familianacatjja jilïrinacäpjjtawa, lurañäqui uqhamaru k'omachasipjjam familianacamampi chica, Israelan Tatit Diosapana arcapa aptanjjapjjañamataqui, cawcqharutï nayajj waquichcta ucqharu.

1 Crónicas 15:3

Ucatsti Davidajj take Israelanquir jakenacaruw Jerusalenana tantacht'äna, Tatitun arcapa aptanjjañataqui cawqharutï mä cheka waquichcäna ucqharu.

1 Crónicas 24:31

Jupanacasti uqhamaraquiw sorteasipjjäna jaljasiñataqui, jilïrin familiapasa, sullca jilapansa, jupanacajj lurapjjänwa Aarón chachat jutir wawanacapa familianacapjama. Ucsti lurapjjänwa Davidana, Sadoc, Ahimelec ucanacan nayrakatapana, uqhamarac sacerdotenacan familianacapan jilïrinaca nayrakatana, uqhamarac levitanacan nayrakatapana.

1 Crónicas 24:4

Ucampis cunjämtï jupanacajj amuyasipjjäna Eleazar chachat jutir yokall wawanacapajj waljanïtapatjja, Itamar chachat jutir wawanacapat sipanjja jaljatäpjjänwa, ucatsti tunca sojjtani jilïrinacaquiw kheparjjapjjäna Eleazar chachan wawanacapatjja, Itamar chachan wawanacapatsti quimsakallkoniraqui.

1 Crónicas 27:1

Ucjjarusti israelitanacana listapajj jaqhuta uchatäcäna ucanacasti acanacänwa, familianacana jilïrinacapata, uqhamarac batallones, compañías, oficialanacatsa qhitinacatejj reyiru sirvipcäna ucanaca. Jupanacan oficialanacapajj cunjäm jaljatäñapasa marpachana sapa phajjsi wact'cäna ucanac uñjapjjäna. Sapa tamansti pä tunca pusini waranka jakenacaw utjäna.

1 Crónicas 28:1

Davidajj Jerusalén marcanjja Israelanquiri jilïri chachanacaruwa tantacht'äna, tribunacan jilïrinacaparu, reyin sirvirinacapäpqui uca take soldadonacan jilïrinacaparu, batallonanacan comandantenacaparu, compañíanacan jilïrinacaparu, take orakenacapa, uywanacapa, reyin wawanacapa uñjirinacarusa wali aytata chachanacaru, ejerciton take aytata oficialanacaparusa.

1 Crónicas 29:1

Ucatsti Davidajj take tantachasïwi jakenacaruraquiw saraquïna: “Salomón wawajjasti, Diosajj jupa saparuquiw ajllisi, jupasti wawa waynaquïsquiwa, ucampis lurañasti wali jach'awa, uca lurañasti janiwa jaketaqui palacio lurañäqui uqhamäquiti, jan ucasti Tatit Diosataqui templo lurañäqui ucawa.

2 Crónicas 1:3

Ucatsti take uca jakenacampejj Gabaón chekaruw sarapjjäna cawqhantejj santuariojj jicjjatascäna ucaru, ucanwa jicjjatasïna Diosamp Jiquisiñ Carpajja, ucsti Diosan sirviripa Moisesaw wasarana lurayäna.

2 Crónicas 29:20

Ucatsti Ezequías reyejj wali alwata sartasisinjja marcanquiri take autoridadanacaruw tantachäna, ucatjja temploruw saräna.

2 Crónicas 30:2

Reyisti sirvirinacaparu jisct'asina, uqhamarac Jerusalenanquir take jakenacar jisct'asinjja, amtänwa Pascua fiestachaña payïri phajjsina.