2 Crónicas 1:12 - Qullan Arunaca

¹² Nayasti churämawa yatiñ cancañampi, uqhamarac ch'iqhi chuymampi, ucjjarusti nayajj churaraquïmawa kamir cancañampi, yänacampi, uqhamarac jach'aru aptatäñampi, ucsti janiw catokapcänti jumat nayra reyinacajja, ni jumat khepa reyinacasa catokapcaraquiniti —sasa.

Aymar Bibliia 1986

¹² Nayasti churämawa yatiñ cancañampi, uqhamarac ch'iqhi chuymampi, ucjjarusti nayajj churaraquïmawa kamir cancañampi, yänacampi, uqhamarac jach'aru aptatäñampi, ucsti janiw catokapcänti jumat nayra reyinacajja, ni jumat khepa reyinacasa catokapcaraquiniti —sasa.

Qullan Arunaka DC

¹² nayasti ch'ikhi kankañampi, yatiñ kankañampi churäma, ukhamarus qamir kankañampi, yänakanïñampi, jach'ar aptatäñampi churarakïma, uksti janiw jumat nayra reyinakax katuqapkänti, janirakiw jumat qhipa reyinakas katuqapkaniti” sasa.

2 Crónicas 1:12 Jak'a apnaqawi uñst'ayäwi

1 Reyes 10:24

Take jakenacawa jupar uñjaña munapjjäna, uqhamarac ist'aña munapjjaraquïna Diosajj yatiñ cancaña churcäna uca.

1 Crónicas 29:12

Jumataracwa jutaraqui kamir cancañasa, jach'äñasa. Jumaw take cunsa apnakascta. Ch'amasa, munañanïña cancañasa amparamanquiwa, ucatsti juman amparamancaraquiwa takeniru churañataqui kamir cancaña, uqhamarac munañanïñasa.

1 Crónicas 29:25

Tatitojj Salomonarojj take jach'a cancañwa churäna Israel jakenaca nayrakatana, reinoparojja suma cancañaracwa churäna, uqhamsti janiw qhiti reyis Israel marcanjja churatäcänti.

2 Crónicas 9:22

Salomón reyisti aca orakenquir take reyinacarojja atipänwa kamir cancañana, uqhamarac yatiñ cancañansa.

Nehemías 13:26

“¡Israel marcan Salomón reyin uqham luratapawa juchänjja! Janis jupjamajja yakha reyejj walja marcanaca taypina utjchïna ucasa, uqhamarac Diosas juparojj muncchïna, uqhamarac uchcchïna Israel marcan reyipata ucasa, yakha marcanquir warminacawa juparojj juch lurayäna.

Eclesiastés 2:9

Nayajj jach'apuniw tucjjäyäta, uqhamarac qhitinacatejj nayat nayra Jerusalenan jacapcäna ucanacat sipansa, juc'amp yänacanïyätwa. Ucjjarusti take yatiñjja janiw chhaktaycäyätti.

Eclesiastés 5:19

Maysa toketjja, Diosajj qhitirutejj wali kamirïña churqui ucarojja, ch'amwa churaraqui cunatejj jupar wact'qui ucata mank'añapataqui, uqhama uca take irnakatata cusisiñajja Diosataracwa juti.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.