2 Corintios 12:18 - Qullan Arunaca

¹⁸ Titoruw jumanacar uñjt'añataquejj qhitanipjjsma, jupamp chicsti mayni jilataruraquiw qhitanipjjaracsma, ¿Titoch sallkjapjjtamjja? ¿Janit nanacasti panpachani jumanacan nayrakataman mä sapa amtañaniqui sarnakapctsti?

Aymar Bibliia 1986

¹⁸ Titoruw jumanacar uñjt'añataquejj qhitanipjjsma, jupamp chicsti mayni jilataruraquiw qhitanipjjaracsma, ¿Titoch sallkjapjjtamjja? ¿Janit nanacasti panpachani jumanacan nayrakataman mä sapa amtañaniqui sarnakapctsti?

Qullan Arunaka DC

¹⁸ Titoruw jumanakar tumpt'ir sarañapatakix mayta, jupampi chikasti mayni jilataruw khithanirakta, ¿Tito jilatach jumanakar sallqjapxtamxa? ¿Janit nanakasti panpachani mä amtañanik jumanak nayraqatan sarnaqapktsti?

2 Corintios 12:18 Jak'a apnaqawi uñst'ayäwi

Nehemías 5:14

Artajerjes sat reyisti nayarojj Judá orakjjaruwa marca apnakerit utt'ayitäna tunca payan mara, pä tunca mara jupajj reyïcäna ucqhata, quimsa tunca payan maracama jupajj reyiquïscäna ucqhacamajj janiw nayasa, ni yanapirinacajjasa mayisipcäyätti cunatejj marca apnakeriru churañäcäna ucjja.

Números 16:15

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Romanos 4:12

Chekawa, Abrahamajj circuncidatanacan awquipawa, ucatsti iyawsañampiraquiw arcapjje, cunjämatejj Abrahamajj janïr circuncidatäcasin iyawsañanïna uqhama.

1 Corintios 4:21

¿Cunsa jichhajj jumanacajj jutcä ucqhajj munapjjta? Purinisinjja, ¿mutuyapjjämati, jan ucajj sumampiquicha purinëjja?

2 Corintios 7:2

Jumanacajj take chuyma catokapjjeta. Janiw qhitirus cuna jan walsa lurapcti, janiraquiw qhitirus jan walir apapcti ni qhitirus sallkjapcaracti.

2 Corintios 7:6

Ucampis ch'ama thayjtatanacaru ch'amañchir Diosajj Titon purinitapampiw ch'amañchapjjetu.

2 Corintios 8:6

Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

1 Pedro 2:21

Ucataquipï Diosajj jawsapjjtamjja, Cristojj jumanac laycuw t'akhesïna, jumanacar mä uñacht'äwi churasa, uqhamat cayup arcapjjañamataqui.