2 Corintios 12:14 - Qullan Arunaca

¹⁴ Jichhajj waquichasisctwa jumanacar quimsïr cuti jutañataqui. Janiraquiquiw jichhas cuns mayipcämati, janiraquiw jumanacan utjirinacams thakcti jan ucasti jumanac pachparuw thakapjjsmajja. Wawanacapatakejj awquiw kollkjja imañapajja, janiw wawati awquitaquejja.

Aymar Bibliia 1986

¹⁴ Jichhajj waquichasisctwa jumanacar quimsïr cuti jutañataqui. Janiraquiquiw jichhas cuns mayipcämati, janiraquiw jumanacan utjirinacams thakcti jan ucasti jumanac pachparuw thakapjjsmajja. Wawanacapatakejj awquiw kollkjja imañapajja, janiw wawati awquitaquejja.

Qullan Arunaka DC

¹⁴ Nayax jumanakar kimsïr kuti tumpañatakiw niy wakichasta, janirakikiw jichhas kunsa mayipkämati, janiw jumanakan utjki uksa thaqkti, jan ukasti jumanak pachparuw thaqhapxsma; janiw wawanakat awkitak qullqi jikxatañapäki, jan ukasti awkiw wawanakapatak qullqi jikxatañapa.

2 Corintios 12:14 Jak'a apnaqawi uñst'ayäwi

Proverbios 11:30

Cheka cancañajj jacañwa churi, ñankha lurañasti jacañjja apakewa.

Proverbios 13:22

Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.

Proverbios 19:14

Awquita taycatjja uta kamir cancaña catokañawa utji, ucampis ch'iqhi warmjja Tatituquiw churi.

Ezequiel 34:2

“Jumasti chacha, Israel marcan awatirinacap toke arsum nayan sutejjaru, ucatsti naya toketjja saraquim: ‘Ay, cunaquïcani Israel marcar awatirinacataquejja, jupanacpachaquiw awatisisipqui. Uca awatirinacajj oveja tamanacwa awatipjjañanacapänjja.

Hechos 20:33

Janiw nayajj munapaycäyätti qhitin kollkepsa ni qhitin isipsa.

1 Corintios 10:24

Jake masisan asquïñap munañasawa, janiw jiwasan asquïñasacti munañasäquejja.

1 Corintios 10:33

Nayajj taketaquis asquïñwa munta. Janiw nayan walïñajjacti jan ucasti mayninacan asquïñapwa muntjja, uqhamata jupanacajj khespiyatäpjjañapataqui.

1 Corintios 11:34

Maynitejj mank'at awtjatächi ucajja utapat mank'anpan, uqhamat jan Diosajj jumanacaru mutuyañapataqui jan wali tantachasitanacamatjja. Yakha tokenacatsti nayajj purincä ucqhaw take cunsa uñjäjja.

1 Corintios 16:5

Saräwejjanjja Macedonia cheka pasañajjaw waquisi, uca khepatjja Corintoruw purinï.

1 Corintios 4:19

Ucampisa janc'aquiw jumanacan ucar jutañjj munascta Tatitun munañapächi ucajja. Ucqhapï uñjäjja cuntï uca jach'a jach'a tucur jakenacajj lurapcani ucjja, janiw lacanacapampiqui parlapcani ucacjja.

1 Corintios 9:12

Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

1 Corintios 9:18

Nayataquejj uca wajjt'asiñajj acawa: Chuymajjanjja cusisiñaw utji jan qhititsa cun mayis khespiyasiñ arunac parlatajjata. Janiraquiw cunatejj wact'quitu ucanacsa mayiscti.

1 Corintios 9:19

Jan qhitin esclavopäcasinwa, taketaquis esclavöquiristsa uqhamaw tucta Tatitutac walja jakenacar jicjjatañ laycu.

2 Corintios 1:15

Ucar iyawsasa nayajj jumanacar uñjiriw nayrakat jutañ munäyäta, jumanacan cusisipjjañamataqui pä cuti tumpt'atajjata.

2 Corintios 11:9

Jumanacampïcäyät ucqhajja pist'ayasiñanacanwa sarnakäyätjja, ucampis janiw qhititaquis mä llaquïcäyätti, jan ucasti Macedonia toket jutir jilatanacaw cunatejj jan utjquitäna ucjja churapjjetäna. Jumanacatsti janiw cuns mayipcäyäsmati jan qhitirus llaquisiyascañ laycu, jichhas janipuniw mayipcämati.

2 Corintios 12:13

Jumanacarojj janiw yakha iglesianacat menosäpcasmas uqham lurapcsmati, jan ucasti jumanacat jan cun mayitajjaquiw utjejja. ¡Perdonapjjet uqham jan mayitajjatjja!

Gálatas 4:19

Wawanacajja, wasitampiw jumanac laycojj t'akhesiñan jicjjatasta, cunjämatejj mä taycajj wawachasiñataquejj t'akhesi uqhama, t'akhesiscaquipunïwa Cristojj jumanac taypin sayt'añapcama.

Filipenses 4:1

Ucatpï, munat jilatanaca, jumanacarojj wal uñjañ munapjjsma, jumanacaquïpjjtawa nayan cusisiñajjajja, uqhamarac nayan wajjt'asïwi catocañasa. Nayan munatanacajja, ch'amanipuni Tatitumpejj sarantapjjam.

Filipenses 4:17

Janiw nayajj jumanacat catokañacti munctjja, ucatsipana muntwa jumanacan Diosata juc'ampi jilarquiri bendicionanac catokapjjañama.

1 Tesalonicenses 2:11

Yatipjjaractawa cunjämtejj ch'amañchapjjäyäsma, chuymachapjjaraquïyäsma sapa mayni jumanacaru, cunjämtejj mä awquejja wawanacapampi lurqui uqhama.

1 Tesalonicenses 2:8

Walja munasiñanacajjaw jumanacataqui utjapjjetu. Janiw Diosan arunacapacti churañ munapquiriscäyätjja, jan ucasti nanacan pachpa jacañanacajjsa churapjjaraquiriscäyätwa, wal jumanacar munasipjjatanacajj laycu.