2 Corintios 11:22 - Qullan Arunaca

²² ¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

Aymar Bibliia 1986

²² ¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

Qullan Arunaka DC

²² ¿Jupanakax hebreo jaqinakäpxiti? Nayax hebreo jaqirakïtwa. ¿Jupanakax israelita jaqinakäpxiti? Nayax israelita jaqirakïtwa. ¿Jupanakax Abrahamat saraqirïpxiti? Nayax Abrahamat saraqirirakïtwa.

2 Corintios 11:22 Jak'a apnaqawi uñst'ayäwi

2 Crónicas 20:7

Nanacan Diosajja, jumawa Israel marcana nayrakatapata jakonuctajja aca oraken jaquir jakenacarojja, ucatsti juman munata Abrahaman wawanacaparuw wiñayataqui churtajja.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 3:18

Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Éxodo 5:3

Jupanacasti parlasipcaquïnwa: —Hebreonacan Diosapawa nanacaru jicjjatapjjetu, uca laycusti nanacajj sarjjapjjäwa wasaranjama quimsür sararu, ucanwa nanacan Tatitu Diosajjarojja sacrificionac loktanipjjäjja. Jupasti capasaquiw nanacarojj mutuyapjjetaspa usumpi, jan ucajj espadampi jiwarayasina.

Éxodo 7:16

Ucansti aqham sätawa: ‘Hebreonacan Tatitu Diosapawa nayaru qhithanitu jumaru aca yatiyañataqui: ‘Antutjjam marcajjaru sarjjañapataqui jupanacasti wasaranwa nayaru yupaychapjjetani. Ucampis jumajja jichhacamajj janiw ist'añ munctati.

Éxodo 9:1

Ucatsti Tatitojj Moisesarojj saraquïnwa: —Faraonan ucaru sarasinsti sanim: ‘Hebreonacan Tatitu Diosapajja aqham siwa: ‘Marcajjaru antutjjam nayaru yupaychiri sarjjapjjañapataqui.

Éxodo 9:13

Tatitusti Moisesarojj sascaquïnwa: —Arumanthisti alwata sartam, ucatsti faraonan ucar saram aqham sasa: ‘Hebreonacan Tatitu Diosapajja aqham siwa: ‘Antutjjam marcajjaru nayar yupaychiri sarjjapjjañapataqui.

Mateo 3:9

Janiraqui jumanacajj ‘Abrahaman wawanacapäpjjtwa’ sapjjamti, Diosasti aca kalanacatsa Abrahaman wawanacapjj sartayaspawa.

Hechos 22:3

“Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

Hechos 6:1

Uca urunacansti iyawsirinacajj waljaniw yapjjatjjäna, ucatsti griego parlirinacajj hebreo parlirinac contraw parlapjjäna, aqham sasa: Nanacan ijma warminacajjajj janiw sapürus suma yäkatäquiti, mank'a laquiñ horasanacanjja, sasa.

Romanos 11:1

Jichhasti jisct'aractwa: ¿Diosajj jupan ajllit marcaparojj janipunit muncjjpacha? Janiw uqhamäquiti. Naya quipcaw israelitätjja, Abrahaman familiapataraquïtjja. Benjamín castat jutiriraqui.

Romanos 9:4

Jupanacajj israelitanacäpjjewa, jupanacarusti wawapatwa Diosajj catokasjje. Diosasti wali ch'aman cancañapanjja jupanac taypincaraquïnwa arust'äwinacsa Moisesan leyinacapsa churaraquïnwa, templon culto lurañsa uqhamarac arsutanacapsa.

Gálatas 3:16

Jichhajj, Diosajj arsuwayiwa Abrahamaru, uqhamarac wawaparusa. Kellkatanjj janiw sisquiti: “Wawanacama” sasa walja jakenacäcaspas uqhama, jan ucasti siwa: “Uqhamarac wawamarusa” sasa, acasti mä sapa jakeru sañacwa muni, ucasti Cristowa.

Filipenses 3:5

Nacitajjat quimsakallko uru sarakataruw nayarojj circuncidapjjetu. Israelit jakëtwa, Benjamín castaraquïtwa, nacïwitpach hebreo jake, awquinacajjas hebreoraqui, judionacan leyip yatiñanjja fariseötwa.