2 Corintios 10:18 - Qullan Arunaca

¹⁸ Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

Aymar Bibliia 1986

¹⁸ Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

Qullan Arunaka DC

¹⁸ Khititix jupapachpat jach'achaski ukax, janiw aski jaqit uñt'atäkiti, jan ukasti khitirutix Tatitux jach'achki ukaw aski jaqit uñt'ataxa.

2 Corintios 10:18 Jak'a apnaqawi uñst'ayäwi

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Proverbios 21:2

Jaketaquejj walicjamaquiwa take luratanacapajja, ucampis Tatitojj yatiwa jakenacan amtäwinacapjja.

Proverbios 27:2

Janiw asquïquiti juma pachpa jach'achasiñamajja, jan ucasti mayninacan jach'añchatäña munam.

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Juan 12:43

Diosamp jach'añchayasiñat sipansa, jakenacampiw jach'añchayasiñ munapjjäna.

Hechos 2:22

“Ist'apjjam Israelanquir chachanaca, cuntejj sapcäma uca: Diosajj jumanac taypinjja Nazaretanquir Jesusampejj cunayman muspharcaña uñacht'äwinacwa luri. Uca tokeraquiw Jesusajj Diosan asquit uñt'atäna. Uca luratanacsti jumanacajj sumwa yatipjjta.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

Romanos 16:10

Apeles jilatarus aruntapjjaraquim, jupasti uñacht'ayaraquiwa cawquicamatejj jupan iyawsañapajj Cristotaqui utjqui ucsa, uca quipcaraqui Aristóbulo satan familiaparusa.

Romanos 2:29

Jan ucasti chekpach judiöñajja, take chuymampi iyawsañawa. Circuncidatäñapasti chuyman circuncidatäñawa. Ucasti janiw cuna leyitsa jutquiti, jan ucasti ajayutwa juti. Qhititejj uqhamäqui ucajja Diosampi catokatawa, janiw jakenacampiti.

1 Corintios 11:19

¡Jumanacanjj waquisiwa jaljta jaljta sarnakapjjañamajja, uqhamat yatiñataqui qhitis chekpach Cristor arquirejj uca!

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

2 Corintios 10:12

Chekpachansa janiw chicachasiñ munapcti qhitinacatejj jupanacpachat wal jach'achasipquis ucanacampi. Jupanacajj mä pisi amuyunir uñtataw lurapjje cunsa jupanacan pachpa amuyupampi tupt'asa, maynit maynirus chicachasipjjatapampejja.

2 Corintios 13:7

Diosatjj mayipjjaractwa jan jumanacan cuna jan walinacsa lurapjjañamataqui janiw nanacan asqui tucupjjañajjataquiti jan ucasti jumanacan asqui lurapjjañamataquiwa, janis nanacajj suma aytatäpcä ucasa.

2 Corintios 3:1

Cunapachatejj acanaca sapcta ucqhajj, jumanacan amuyatanacamatjja nanacpachatsa jach'achasipquirista, ¿uqhamati? ¿Jan ucajj nanacajj jumanacarojj mä sumat uñt'atäñ cartampicha uñstapjjsmajja? ¿Jan ucajj mayninacjamacha mä sumat uñt'atäñ carta mayisipjjämajja?

2 Corintios 5:12

Janiw nanacpachati jach'achasipctjja, jan ucasti jumanacan nanacjjat c'uchiquïpjjañanacamataquiw parlasipcsma, uqhamata qhitinacatejj jupanacpachata jach'a jach'a tucupquejj uca jakenacar arusjjatapjjañamataqui. Uca jakenacasti jaken uñnakapatacwa cusisipjjejja, janiraquiw cunatejj jaken chuymapan utjquis ucjja yatipquiti.

2 Corintios 6:4

Ucat sipansti takenirus uñacht'ayañ munapjjta chekpachansa nanacajj Diosar sirvirinacäpjjatajja, wali llamp'u chuymampiw t'akhesipjjta, pist'ayasiñanacansa, jan walt'añanacansa.

2 Timoteo 2:15

Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.