2 Corintios 10:13 - Qullan Arunaca

¹³ Nanacajj janiw cunatejj jan wact'apquitus uca tokenacat parlapcäti, jan ucasti Diosawa nanacataquejj cuna lurañanacajjataquis waquichapjjetojja. Jupïpanaracwa nanacajj jumanaccamas purintanipjjtjja, Corinto marccama.

Aymar Bibliia 1986

¹³ Nanacajj janiw cunatejj jan wact'apquitus uca tokenacat parlapcäti, jan ucasti Diosawa nanacataquejj cuna lurañanacajjataquis waquichapjjetojja. Jupïpanaracwa nanacajj jumanaccamas purintanipjjtjja, Corinto marccama.

Qullan Arunaka DC

¹³ Nanakax janiw kun jiljasas jach'achasipkäti. Diosaw nanakan kawkhakamatix irnaqañäki uksa uñacht'ayapxitu. Jupaw nanakan Corinto markar puriñatakis wakichi.

2 Corintios 10:13 Jak'a apnaqawi uñst'ayäwi

Salmos 19:4

orakpacharuw yatiyatapajj ist'asi, orak tucuscamaw arupajj puri, cawqharutejj intejj jalantqui ucacamaw puriraqui.

Proverbios 25:14

Jan cuna churcasa: “Nayajj churtwa” sasa jach'achasiri jakejj; mä thayjamawa thayi, jan uman kenayar uñtatjamaraquiwa.

Isaías 28:17

Uca utachäwinsti plomadajj chekapapuniwa, nivel lantisti cunatejj chekapäqui ucaw apnakaraqui.” Jumanacajj c'arisiñanacaman imantasipctas ucsti, chhijchhiw k'al tucj-jjani, uca imantasiñ cheksti umaw k'al apasjjani.

Mateo 25:15

Maynirusti churaraquiwa pheska warank kollke, maynirusti pä waranka, maynirusti mä waranka. Sapa mayniruw churawayi ch'amaparjama, ucat jupajj jayar sarawayjje.

Romanos 10:18

Jisct'aractwa: “¿Janipunit uca Diosan suma arunacapjja ist'apcpacha?” sasa. ¡Ist'asipquiwa! Kellkatanjja saraquiwa: “Jupanacan parlatapajj take tokenwa ist'asi, arunacapasti take orakpachanracwa yatisi” sasa.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

Romanos 12:6

Diosajj sapa mayniruw yakha casta yatiña churistu, cunjämarutejj jupajj munqui uqhamarjama, uca yatiñanacsti sum apnakañasawa. Diosatejj jupan arupat parlañataqui yatiña churchistojja, cunjämatejj iyawsañasajj utjquistu uqhamarjamawa lurañasajja.

Romanos 15:20

Uqhamwa khespiyasiñan utjatapjja nayajj khanañchañar uchasta, cawquintejj ni mä cuti Criston sutipajj arsutäcänsa uca chekanacana, uqhamat jan yakhan kalltatapjjaru lurañataqui.

1 Corintios 12:11

Ucampis take acanacjja mä sapa Ajayuquiw luri, jupasti cunjämarutejj munqui uqhamaruw sapa maynirus laquinoke.

Efesios 4:7

Ucampis sapakat mayniruw yakha yakha amuyu churistu, cunjämtejj Cristojj churañ munqui uqhamarjama.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.