1 Timoteo 6:11 - Qullan Arunaca

¹¹ Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

Aymar Bibliia 1986

¹¹ Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

Qullan Arunaka DC

¹¹ Ukampis Timoteo, Diosan luqtiripjamaxa, taqi jan walinakat jithiqtam. Diosar ist'iri, Jesucriston chiqpach yatiqiripar tukum. Diosarux alkatasipunim, iglesiankir jilatanakarus munasirakim. Kunapachatix jan walinakar saykatkät ukkhasti, llamp'u chuymanïñamawa, taqinimpis sumankañamarakiwa.

1 Timoteo 6:11 Jak'a apnaqawi uñst'ayäwi

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

1 Reyes 13:26

Awqui profetasti uqham yatisina, qhititejj mayniru cutt'ayancäna ucajja, aqham sasaw jach'at arsüna: “Ucasti Tatitun arupar jan ist'iri profetawa, ucatwa Tatitojj mä leonaru catuyi, jisc'a jisc'a tucjasinwa jiwayejja, cunjämatï Tatitojj jupar sisqui uqhama” sasa.

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

1 Reyes 17:24

Warmisti juparojj sänwa: —Jichhacuchawa yattjja jumajj chekpachansa Diosan jakepätama, uqhamarac cuntï siscta ucajja Diosan cheka arunacapätaparaqui —sasa.

1 Reyes 20:28

Ucqhansti mä profetawa Israelan reyip nayrakataparu jutasina aqham säna: Aqham siwa Tatitojja: ‘Sirio jakenacajj niyajjaya nayarojj sapjjchitojja kollunacana diosätajjaqui, jan vallenacana diosätajj-jja, jichhasti amparamaruwa take aca walja jakenacjja catuyäma. Uqhamatwa jumajj yatïta nayan Tatitötajja’ ” sasa.

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

2 Reyes 1:9

Ucat ucspachawa jupar irptayaniri qhitäna mä capitanampi pheska tunca soldadompi. Cunapachatï jupanacajj puripjjäna ucqhasti, Eliasajj mä kollu patana kont'atäscänwa. Ucatjja capitanajj sänwa: —¡Profeta, reyejj: ‘Sarakanim’ sistamwa! —sasa.

2 Reyes 23:17

Ucatjja jisct'änwa: —¿Qhitir amtañatac lurayatas qhaya sayqui ucajja? —sasa. Marcanquir jakenacasti ucjjarojj sapjjänwa: —Cawquïr profetatejj Judá marcat jutcäna ucan sepulcropawa; jupawa yatiyäna, cuntejj juma reyejj Betelanquir altarampejj lurcta ucatjja —sasa.

2 Reyes 5:20

Eliseo profetan Giezi sat uywatapasti aqham sasaw lup'isïna: “Uywirejjajja Sirianquiri Naamanarojja sarayjjaquiwa, cuntejj jupajj apancäna ucatjja jan cunsa catokasa. Nayajj juramentwa lurta jupar mäqui jicjjatir sarañajjataqui, ucatsti cunsa jupatjja catokapunïwa” sasa.

1 Crónicas 23:14

Diosanquir Moisesarusti, uqhamarac jupat jutir wawanacaparusa Leví triburu jaqhutäpjjänwa.

2 Crónicas 8:14

Uqhamaraquiw utt'ayaraquïna sapüru luräwinacapa, cunjämatï David awquipajj wact'äwaycäna uqhamaru, uqhamata sacerdotenacajj sirvipjjañapataqui, uqhamarac levitanacasa Tatitur yupaychapjjañapataqui, sapüruna cunanacantejj sacerdotenacajj yanapt'atäña munasqui ucanacan yanapt'asinaraqui. Uqhamaraquiw utt'ayaraquïna sapa puncuna uñjirinacan luräwinacapa, uqhamawa wact'ayawayäna Diosanquir Davidajja.

Nehemías 12:24

Levitanacan jilïrinacapasti acanacänwa: Hasabías, Serebías, Josué Binuy, uqhamarac Cadmiel, ucatsti masinacapajja jupanacan nayrakatapancascänwa Tatituru yupaychañataqui, uqhamarac yuspagarañataquiraqui, jupanacan lurañanacapajj wact'cäna uca horasapana, cunjämatï Diosanquir David chachajj ewjjawaycäna lurapjjañapataqui uqhama.

Nehemías 12:36

uqhamarac familianacapa Semaías, Azarael, Milalai, Gilalai, Maai, Natanael, Judá uqhamarac Hanani ucaraqui, jupanacasti Davidan instrumentonacapwa tocapjjäna, Davidasti Diosanquir chachänwa. Jupanacan nayrakatapanjja yatichiri Esdras sataw sararaquïna.

Salmos 34:14

ñankha lurañat jithektasim, asquïc ucpun luram, sumancañ thakam, khepap arcaraquim.

Salmos 38:20

asqui luratatjja jan walimpiw cutiyapjjetu, asqui lurañ munatajjatjja nayataquiw thoktasipjje.

Proverbios 15:9

Tatitusti ñankha jakenacan sarnakatanacapjja janiw uñjañ munquiti; qhititejj cheka cancañana sarnakqui ucaruw munasiraqui.

Isaías 51:1

“Ist'apjjeta take qhitinacatejj cheka chuymampi thakapquista, jacañsa munapjjaracta ucanaca —siw Tatitojja—. Uñtapjjam cawquïri karkat qhuchsutäpctatejj uca; cawqha kala ch'iyañat apsutäpctatejj uca;

Jeremías 35:4

Ucatsti temploruw jupanacarojj irparacta, Hanán sat jaken yokanacapan utaparuw irpantta, uca Hanán jakesti Igdalías sat jaken yokaparaquiwa, cawquïritejj Diosaru wali catuyataraqui. Uca utasti, templon jilïripäquis ucanacan utap jac'ancänwa, Salum jaken Maasías sat yokapan utap patana, qhititejj templo uñjiricän uca.

Romanos 14:19

Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.

1 Corintios 10:14

Ucatpï munat jilatanaca, jumanacajj jithektapjjam yakha diosanacar yupaychañatjja.

1 Corintios 14:1

Munasipjjapunimaya jumanac purajja, uqhamarac chuymanacamanjja munapjjapunim Diosan take ajayu token churäwinacapa catokañjja. Diosat catokat arunacap parlañ munapjjam.

1 Corintios 6:18

Jithektapjjam wachoka jucha lurañatjja. Cawquïr yakha jucha lurañasa janiw janchimpi luratäquiti, ucampis wachoka jucha lurañajj pachpa janchimpi jucha lurañawa.

Deuteronomio 16:20

Cheka cancañaruquiw jumanacajj arcapjjañama, uqhamata cawquïri oraktejj Tatitu Diosamajj churapcätam ucan utjantasisina jacapjjañamataqui.

Deuteronomio 33:1

Janïra jiwcasinjja, Diosan wawap Moisesajj aca bendicionanacwa Israel marcar churäna,

1 Timoteo 1:14

Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

1 Timoteo 6:20

Timoteo, cunatejj jumaru catuyatäqui ucjja imam. Jan ist'amti ch'usa jan cunataqui asquïqui uca arunacjja, ni uca c'ari yatiñ cancañ sutinïqui ucarusa.

2 Timoteo 2:21

Jach'a urun apnakatäñataquejja, uqhamarac Tatitur sirviñataquisa, catuyatäñataquisa, take jan walitjja k'omäñapapuniwa; ucqhawa cuna asqui lurañataquis sirvinejja.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

2 Timoteo 3:10

Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

2 Timoteo 3:17

uqhamat Diosanquirinacajj wali yatiñanïpjjañapataqui, take casta suma luräwinacatac suma waquichatäpjjañapataqui.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

1 Pedro 3:11

Jan wali lurañatjja jithektasjjañapawa, asquinac lurañapawa. Suman sarnakasiñ thakañapawa, uc arcañaparaquiwa.

1 Samuel 2:27

Uca urunacaraquiw mä profetajj Elí sacerdoteru uñjir jutäna, ucat saraqui: “Tatitojj aqham sänwa: ‘Cunapachatejj nayrapacha awquinacamajj Egipton Faraonar sirvisipcän ucapachajj, khanwa jupanacarojj säyätjja,

1 Samuel 9:6

Uywatasti ucjjarojj saraquïnwa: —Aca marcanjja mä profetaw utji, take jakenacasti juparojj wali yäkapjjaraqui, take cuntejj jupajj yatiyqui ucanacasti phokhasipuniwa. Jin sarañäni, inampis jupajj cawquirutejj sarañasäqui ucsa uñacht'ayistaspa —sasa.