1 Timoteo 6:1 - Qullan Arunaca

¹ Uywatanacajj uywirinacapataquejj wali ajjsartañanïpjjañapawa Diosan sutip jan jisc'achayañ laycu, ni jiwasan yatichäwisas jisc'achatäñapataqui.

Aymar Bibliia 1986

¹ Uywatanacajj uywirinacapataquejj wali ajjsartañanïpjjañapawa Diosan sutip jan jisc'achayañ laycu, ni jiwasan yatichäwisas jisc'achatäñapataqui.

Qullan Arunaka DC

¹ Uywatanakax uywirinakapar yäqañ chuymamp uñjañapawa, ukhamat Diosan sutipasa, nanakan yatichäwixas jan jisk'achat uñjasini.

1 Timoteo 6:1 Jak'a apnaqawi uñst'ayäwi

Génesis 16:9

Tatitun angelapasti saraquïnwa: —Patronaman utaparu cuttam, ucatsti take cunansa jupar ist'araquim —sasa.

Génesis 24:12

ucatsti Diosat mayisïna: “Abraham uywirejjan Tatitu Diosapa, jichhajj jumaquiy yanapt'ita, uywirejjampisti sumaqui uñjayita.

Génesis 24:2

Mä urusti cawquïri sirviripatejj chuymanëjjaraquïna, uqhamarac cawquïritejj take cunanaca uñjirïcan ucaruw jawsi, saraquïnwa: —Amparam ucham lanqhu chara mankhäjjaru,

Génesis 24:27

saraquïnwa: “¡Kollanäpan Abraham uywirejjan Diosapajja, jupajj chekapapuniwa, qhuyapayasiriraquiwa Abraham uywirejjataquejja, thaquinsa juparaquiw irpasinquitu, uywirejjan familianacapan utapar puriñajjcama!” sasa.

2 Samuel 12:14

Ucampisa cunjämtejj Tatiturojj chuymapjja walpun ust'aytajja cawquïri wawamatejj nascani ucaw jiwani —sasa.

2 Reyes 5:13

Ucampis uywatanacapajj jupar jac'achasisinjja, aqham sapjjänwa: —Tata, profetatejj mä ch'ama luraña chuririscätam ucajja, ¿janiti jumajj lurcasamänjja? Ucat sipansa juc'amp asquipï: ‘Jarisim’ sisctam ucatjja k'omachatäjjätajja —sasa.

Nehemías 9:5

Ucatsti levita chachanacajj Jesúa, Cadmiel, Binuy, Hasabnías, Serebías, Hodías, Sebanías, uqhamarac Petaías ucanacajj sapjjänwa: —Sartasipjjam, ucatsti wiñayan wiñayapatac jaquir Tatit Diosamaru yupaychapjjam. ¡Tatitusti bendicitäpan, uqhamaraqui jach'a kollan sutipasa jach'añchatäpan! —sasa.

Isaías 47:6

Marcajjampi nayajj coleratäscayät uqhajja, naya quipcaw marcajjarojj mä p'enka catuyta, ucatsti juman amparamaruraquiw antutta. Jumasti janiw qhuyapt'ayasctati, chuymani jakenacjjarusti uca jathi yugomwa apjjattajja.

Isaías 52:5

Jichhasti ¿cunrac uñjtsti? Marcajjarojj ina ch'usat Babiloniaru apasjjapjje. Atipjirinacasti wali jach'a jach'ar tuct'asaw arnakasipjje, nayarusti jan sayt'asaw chuyma ust'ayapjjetu.

Isaías 58:6

Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;

Ezequiel 36:20

Ucampisa, cawqui marcanacarutejj jupanacajj puripcän uca marcanacansti, jupanacajj nayan sutejj-jja taquisisipcaquïnwa, jakenacasti sapjjaraquïnwa: ‘Acanacajj Dios Tatitun marcapawa, ucampisa orakenacapatjja mistunjjapjjewa’ sasa.

Ezequiel 36:23

Uca yakha marcanac taypinsti nayajj uñacht'ayaraquïwa, jach'a sutejjajj kollanapunïtapa, jumanacasti uca sutejj-jja jisc'achapjjayätawa, ucatsti cunapachatejj nayajj uqham sutejjajj jach'ätapa uñacht'ayä ucapachasti jupanacajj yatipjjaraquiniwa nayan Tatitütajja. Naya Tatituw ucjja arsta.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Mateo 11:30

Nayan yugojjasti jasa apañaquiwa, qhumojjasti sinti phisnaquiraquiwa.”

Mateo 11:9

¿Cun uñjiripunis sarapjjtajja? ¿Mä profetaruti? Jïsa, mä profetatsa juc'ampiw jupajja.

Lucas 17:1

Jesusajj discipulonacaparojj sänwa: “Utjapuniniw cunanacas jaker juch lurayirejja, ucampis ¡ay cunaquïcani, qhiti jaketejj mayniru juchar puriyqui ucajja!

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 10:7

Corneliomp parlcäna uca angelan sarjjatapatsti, jupajj uywatanacapat paniniruw jawsäna, uqhamarac maynïri soldadorusa. Uca soldadosti wali Dios chuymänwa, Cornelionsa wali munataraquïnwa.

Hechos 15:10

Jichhasti, ¿cunatarac pächasipjjtasti cuntï Diosajj lurqui ucjjatsti, mä jan lurcaya luräwinac jupanacjjar uchañ munasinsti? Ucanacjja janejjay jiwasanacas ni nayra awquinacasas phokhapcstantejja.

Romanos 2:24

Ucatpï Tatitun arunacapajj aqham sejja: “Jan judiöpquis uca jakenacajj Diosat jan wali arunac parlapjje, juma judionac laycu” sasa.

1 Corintios 10:32

Jan qhitirus lanctayapjjamti, ni judiorusa, jan judiorusa, ni Diosan iglesiapanquirinacarusa.

Gálatas 5:1

Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Deuteronomio 28:48

Jumaraquiw sirvïta cawquïri uñisirinacamtejj Diosajj jumjjaru apayanïtam ucanacarojja; umatsa, mank'atsa t'akhesiraquïtawa, isitsa jalstasa take pist'ayasiñanaca uñt'araquïta. Diosaw esclavot t'akhesiyätam jumaru t'unjañcama.

1 Timoteo 5:14

Ucatwa muntjja tawako ijma warmin casarasiñapa, wawanacanïñapa, utapsa sum apnakañapa, uqhamat uñisirinacaparojj amuct'ayañataqui.

Tito 2:5

Suma amuyunïpjjañapawa, k'oma chuymaninaca, uqhamarac utapsa sum apnakerinaca, suma chuymaninaca, chachanacaparus ist'irinaca, jan qhitisa Diosan arupatjja jan wali parlañapataqui.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

1 Pedro 3:16

Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.