1 Timoteo 4:14 - Qullan Arunaca

¹⁴ Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

Aymar Bibliia 1986

¹⁴ Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

Qullan Arunaka DC

¹⁴ Kuna luräwinaktix Diosax churktam uk janipun chhaqhayamti, ukanaksti Diosan munañapat iglesiankir jilïrinakaw amparanak jumxar luqxatasin katuqayapxtam.

1 Timoteo 4:14 Jak'a apnaqawi uñst'ayäwi

Hechos 11:30

Apthapisinsti, uca ofrendanacjja apayapjjänwa Judea marcan jilïrinacaru, Bernabeampi Saulompiw apapjjäna.

Hechos 13:3

Ucat Tatitur mayisina uqhamarac ayunasinjja, amparanacap jupanacjjar lokjjatasinwa qhitapjjäna.

Hechos 19:6

Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.

Hechos 22:5

Sinagoganacan jilïrinacapasa uqhamarac take jilïri jakenacasa ucjja yatipjjaraquiwa. Jupanac quicpaw uqham lurañataquejj arunac churapjjetäna, Damasconquir judío jilatanacar caturaniñajjataqui. Uqhamaw uca marcar sarta, iyawsirinacar thakeri, ucat aca Jerusalenar apanisin jupanacar mutuyañataqui.

Hechos 6:6

Ucanacarusti apostolonacan nayrakataparuw irpcatapjjäna. Ucat apostolonacajj amparanacap jupanacjjar lokjjatasinwa oración lurapjjäna.

Hechos 8:17

Pedrompi Juanampisti amparanacapwa jupanacjjar uchapjjäna. Ucatwa jupanacajj Kollan Ajayu catokapjjäna.

1 Tesalonicenses 5:19

Ajayun ch'amapjja jan jiwt'ayapjjamti.

1 Timoteo 1:18

Timoteo, nayan wawajja, aca ewjja chursma suma nuwasïwi nuwasiñamataqui iyawsañampi suma chuymampiraqui, cunjämtejj jilatanacajj nayrajj jumatjja parlapjjäna Diosan sutipana uqhamarjama.

1 Timoteo 4:15

Acanacatjja take chuymamampi amtasim, cunjämtejj jumajj nayrakataru sarcta uc takeni uñjapjjañapataqui.

1 Timoteo 5:17

Iglesia sum apnakqui uca jilïrinacajj suma uñjatäñapawa, qhitinacatejj Diosan arunacap parlapqui, uqhamarac yatichapqui ucanacajj yämasa juc'ampi suma uñjatäñapawa.

1 Timoteo 5:19

Mä chuymani jilïrirutejj juchañchapjjchejja, jan uca juchañchirinacaru yäkamti, janitejj paya jan ucajj quimsa testigo utjcchi ucajja.

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.

1 Timoteo 6:12

Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

2 Timoteo 1:6

Ucatwa ewjjt'sma, jacatatayjjam cuna churäwtejj Diosajj churctam cunapachatejj nayajj amparajj jumjjaru lokjjatcäyätjja ucqha.