1 Timoteo 1:17 - Qullan Arunaca

¹⁷ Uca luratanacapatwa jach'añchäwi churañäni wiñay jach'a Reyirojja. Jupajj janiw cunapachas jiwquiti, janiraquiw uñjcsnati uca take yatiñan mä sap Diosarojja. Uqhamäpan.

Aymar Bibliia 1986

¹⁷ Uca luratanacapatwa jach'añchäwi churañäni wiñay jach'a Reyirojja. Jupajj janiw cunapachas jiwquiti, janiraquiw uñjcsnati uca take yatiñan mä sap Diosarojja. Uqhamäpan.

Qullan Arunaka DC

¹⁷ ¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

1 Timoteo 1:17 Jak'a apnaqawi uñst'ayäwi

1 Crónicas 29:11

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Nehemías 9:5

Ucatsti levita chachanacajj Jesúa, Cadmiel, Binuy, Hasabnías, Serebías, Hodías, Sebanías, uqhamarac Petaías ucanacajj sapjjänwa: —Sartasipjjam, ucatsti wiñayan wiñayapatac jaquir Tatit Diosamaru yupaychapjjam. ¡Tatitusti bendicitäpan, uqhamaraqui jach'a kollan sutipasa jach'añchatäpan! —sasa.

Salmos 10:16

Tatitojj wiñayapuniw reyit kont'asi, ¡Diosar jan uñt'irinacasti orakepat jakonucutäniwa!

Salmos 106:48

Israelan Tatit Diosapajj jach'añchatäpan, wiñayat wiñaycama. Takpach marcajj sispan: “¡Uqhamäpan!” sasa. ¡Tatitojj jach'añchatäpan!

Salmos 145:13

Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.

Salmos 41:13

¡Israelan Tatit Diosapajj jach'añchatäpan, jichhasa, wiñayan wiñayapansa! ¡Uqhamäpan!

Salmos 45:1

Mojjsa arunacaw chuymajjan phullch'irasqui, mä reyitaquiw k'ochurapiscta: lajjrajjajj kellkerin suma kellkañapjamawa.

Salmos 45:6

Diosay, reyi cancañamajj wiñayataquiwa, reyi cancañamajj chekapar uñjañawa.

Salmos 57:11

Diosajjay, jumajj alajjpachat sipan jilanctawa, ¡Khapak cancañamajj takpach orakeruw phokhanti!

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Daniel (hebreo) 7:14

Juparuraquiw munañanïñasa, jach'a cancañasa, reinosa churataraquïna, take marcanquiri jakenaca, cunayman casta parlani jakenacaraquiw juparojj sirvipjjäna. Ch'amapajj pachpaquïscaniwa, reinopasa janiraquiw t'unjatäcaniti.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Juan 1:18

Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Juan 5:44

Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Romanos 1:20

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Romanos 1:23

Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.

Romanos 11:36

Take cunasa Diosat juti, jupan lurataraquiwa, jupataquiraquiwa. Uqhamajj Diosajj wiñayataqui jach'achatäpan. Uqhamäpan.”

Romanos 16:27

¡Jupa sapa yatiñ cancañani Diosaruqui jach'achatäpan, Jesucristo toke wiñayataqui! Uqhamäpan.

Romanos 2:10

Ucampis Diosajj sumancaña, samaraña, jach'achatäñampi take jupar iyawsirinacarojj churani, nayrakatajja judionacaru, uqhamarac jan judiöpquis ucanacarusa.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Colosenses 1:15

Jan uñjcay Diosajj uñjcañaw juti Yokap toke, uca Yokapasti take cunatejj utjqui ucatjja nayrïriwa.

Hebreos 11:27

Iyawsäwi laycuraquiw Moisesajj sarjjäna Egipto marcatsa, reyin colerasiñapar jan ajjsarasa, cuntejj amtcatayna ucjja janiw chhaktayascänti, jan uñjcañ Diosarojj uñjcaspas uqhama.

Hebreos 2:7

Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja.

1 Pedro 5:11

Jupar churatäpan yupaychañajja, munañanïñasa, wiñayataqui. Uqhamäpan.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.

1 Juan 4:12

Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.

Judas 1:25

Juparuya yupaychañasa, jach'a cancañasa, ch'amasa, uqhamarac munañanïñasa churatäpan Tatit Jesucristo toke wiñayan wiñayapataqui. Uqhamäpan.

Apocalipsis 15:3

Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 19:1

Take ucanac pasatatsti walja jakenacan arunacapracwa ist'ta alajjpachan aqham art'asiri: “¡Aleluya! Khespiyasiñasa, jach'a cancañapasa, munañanïñasa Diosasanquiwa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

Apocalipsis 19:6

Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.

Apocalipsis 7:12

aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”