1 Tesalonicenses 1:4 - Qullan Arunaca

⁴ Jilatanaca, Diosajj jumanacarojj munasipjjtamwa, yatipjjaractwa jupa jumanacar ajllitapa.

Aymar Bibliia 1986

⁴ Jilatanaca, Diosajj jumanacarojj munasipjjtamwa, yatipjjaractwa jupa jumanacar ajllitapa.

Qullan Arunaka DC

⁴ Diosan munat jilatanaka, jupan jumanakar ajllisitap yatipxtwa.

1 Tesalonicenses 1:4 Jak'a apnaqawi uñst'ayäwi

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

Romanos 9:25

Cunjämtï Oseas profetan libropan sisqui ucarjama: “Cawquïritï jan marcajjäcäna, ucaruw ‘marcajja’ saraquëjja. Jan munatajjäquis ucarusti ‘munatajjätaw’ saraquïwa.

Efesios 1:4

Diosajj Cristotaquiw ajllisistu janïra aca orakejj utjcän ucqhatpacha, k'omachata, jan cuna juchani jupan nayrakatapancañasataqui.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Tesalonicenses 1:3

Dios Awquisan nayrakatapanjja jumanacatjja amtapjjtwa kawkha iyawsañampis irnakapjjta, kawkha munasiñampis sirvipjjta, uqhamarac Tatit Jesucristosar suyt'añanjja ch'amamp sayt'apjjatama.

2 Tesalonicenses 2:13

Ucampis nanacajj jumanacatjja Diosar yuspagarañajj waquisipjjapunituwa, Tatitun munat jilatanaca, jupaw jumanacarojj chhijllapjjtam, nayrïri khespiyatanacäpjjañamataqui, kalltatpachwa ajllipjjtam khespitäpjjañamataqui, Ajayojj k'omachapctamsa uca toke, uqhamarac Diosan arunacapar iyawsapjjatamata.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

2 Pedro 1:10

Ucatpï jilatanaca, Diosajj jumanacar jawsapctam, uqhamarac ajllipctam ucanjja sum sayt'apjjañamajja; jumanacatejj take acanaca lurapjjäta ucqhajja janipuniw aynacht'apcätati.