1 Samuel 9:21 - Qullan Arunaca

²¹ Saúl waynasti saraquïnwa: —¡Nayajj Benjamín tribunquirïtwa, ucasti Israel marcan take tribunacat sipansa sinti jisc'aquiwa! Uqhamarus familiajjajj take Benjamín tribunquir familiat sipansa sinti jisc'a familiaquiraquiwa. ¿Cunatarac take acanac sistasti? —sasa.

Aymar Bibliia 1986

²¹ Saúl waynasti saraquïnwa: —¡Nayajj Benjamín tribunquirïtwa, ucasti Israel marcan take tribunacat sipansa sinti jisc'aquiwa! Uqhamarus familiajjajj take Benjamín tribunquir familiat sipansa sinti jisc'a familiaquiraquiwa. ¿Cunatarac take acanac sistasti? —sasa.

Qullan Arunaka DC

²¹ Saúl waynasti muspharataw säna: —¡Nayax Benjamín ayllunkirïtwa, ukasti Israel markan utjir taqi ayllunakat sipan sinti jisk'akiwa! Ukhamarusa, wila masinakaxax Benjamín ayllunkirinak taypin jan yäqat jaqinakakiwa. ¿Kunatarak taqi ukanak sistasti? —sasa.

1 Samuel 9:21 Jak'a apnaqawi uñst'ayäwi

Salmos 68:27

Jupanacan nayrakatap sullquïr Benjaminajj sarantasqui, Judá marcanquir jilïrinacamp chicaw saranti, Zabulón, Neftalí marcanacan jilïrinacapamp chicaw sarantaraqui.

Salmos 68:28

Diosay, ch'amam uñacht'ayaquimaya, nanac laycu lurir qhuyapayir ch'amam uñachayam.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Lucas 14:11

Qhititejj jach'a jach'a tucu ucajja, jisc'ar tucuyatäniwa, ucampis jisc'ar tucurïqui ucasti jach'ar tucuyatäniwa.”

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

1 Samuel 10:27

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.

1 Samuel 14:51

Saúl reyin awquipa Cis ucasti, uqhamarac Abner ucan Ner awquipasa Abiel ucan yokanacaparaquïnwa.

1 Samuel 15:17

Ucat Samuelojj säna: —¿Janit jumajj jan yäkcañac amuyascäyätajja? Ucampisa Israel tribunacan jilïripaw tucuwaytajja, Tatitusti Israelan reyipatwa utt'ayaractamjja.

1 Samuel 18:18

Ucampisa Davidajj saraquïnwa: —Janiw nayajj qhitïctsa, familianacajjas Israel marcanjja janiw cunäpcaraquisa, nayajj reyin tollkapäñajjataquejja —sasa.

1 Samuel 18:23

Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa.

1 Samuel 9:22

Uqhamasti Samuelojj Saúl waynampiru, uywatapampiru irpjjarusinsti, jach'a utaruw irpantäna, ucanquir jakenac taypinsti mä suma chekaruw kont'ayäna, ucansti quimsa tunca jakenacaw ucancascäna.