1 Samuel 6:21 - Qullan Arunaca

²¹ Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.

Aymar Bibliia 1986

²¹ Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.

Qullan Arunaka DC

²¹ Uka jak'an mä jisk'a markaw utjäna Quiriat-jearim sutini. Ukatsti uka markankirinakar yatiyiriw khithapxäna: “Filisteo jaqinakax Tatitun arust'äwi arcap kutt'ayanxapxiwa, jichhax uka arca apasxañatak jutapxam” sasa.

1 Samuel 6:21 Jak'a apnaqawi uñst'ayäwi

2 Samuel 6:2

Judá oraketa, Baala sisqui uca chekat take jupampi chicäpcäna uca soldadonacampi sartanisinsti, Tatitun arcapa uca chekat aptawayjjañaruw uscusi. Uca arcjjataraqui Tatitutjja mayisitajja, konuñapasti querubines sat angelanacjjancaraquiwa.

Salmos 78:60

Silo chekan utjäwip jaytanucjjäna, jakenac taypin kollan utjäwip apanucjjäna.

Jeremías 26:20

Semaiasan yokapa Urías profetasa, cawquïritejj Quiriat-jearim sat marcana jaccäna ucasa, Tatitun sutipjjaruraquiw aca marcataquisa uqhamaraqui aca orakenquir jakenacataquisa Jeremiasjama parlaraquïnjja.

Jeremías 7:12

Silo sisqui uca chekan nayan ajllit kollan utajjaru sarapjjam, cawqui chektejj nayajj nayrakata ajlliscta jacasiñataqui uca chekaru, ucatsti uñjapjjaraquim cuntejj uca chekampi lurcta uca, Israel marcajjan ñankha luratanacap laycu.

Jeremías 7:14

Ucatwa jichhajj cuntejj Santuariojjampi Silo chekanjja lurcta, uqhamaraquiw jichhajj aca nayaru loktata templompejj luräjja, uca templsti jumanacaruw churapjjsma, uqhamaraqui nayrapacha awquinacamarusa, jumanacasti uca temploruw wali alcatasipjjaractajja.

Josué 15:60

Uqhamaraqui Quiriat-baal marca, cawquïritï Quiriat-jearim satäcaraquïna, uca quipcaraqui Rabá marca, takpachasti pä marcanaca, jisc'a marcanacamp cuna.

Josué 15:9

Muytasincaquïnwa kollu patanjama Neftoa sat uma jalsucama sarakasa, Efrón kolluna marcanacapar puriñcama, uqhamaraqui Baala chekanjam pasasina, cawquïritï Quiriat-jearim sutinïcaraqui.

Josué 18:14

Ucjjarusti korpajj cuttänwa Mediterráneo sat jach'a kota tokeru, mä kollun aynach thiyapanjama, Bet-horón uñcatasinjama, Quiriat-baal chekar puriñcama, cawquïritï Quiriat-jearim sutinïcaraqui uca chekacama, cawquïritï Judá triburu churatäqui ucacama. Ucawjaw inti jalanta toketjja korpänjja.

Josué 9:17

Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.

Jueces 18:12

Jupanacasti Judá sat orakerojj wali armantataw purintapjjäna, ucasti Quiriat-jearim sat chekatjja inti jalanta tokenquiwa. Uca chekasti jichhürunjja Dan satan campamentopawa sasa sutichatawa.