1 Samuel 6:17 - Qullan Arunaca

¹⁷ Uca korit lurat pheska tumoranacasti cuntejj filisteonacajj Tatituru qhuyapayasiñapataqui churapcän ucanacasti, Asdod, Gaza, Ascalón, Gat, Ecrón ucanacatänwa.

Aymar Bibliia 1986

¹⁷ Uca korit lurat pheska tumoranacasti cuntejj filisteonacajj Tatituru qhuyapayasiñapataqui churapcän ucanacasti, Asdod, Gaza, Ascalón, Gat, Ecrón ucanacatänwa.

Qullan Arunaka DC

¹⁷ Kawkïr qurit lurat phisqa ch'uphunaktix filisteonakax pantjasitapat Tatitur luqtapkäna ukanakaxa, Asdod, Gaza, Ascalón, Gat, Ecrón uka markanakatänwa,

1 Samuel 6:17 Jak'a apnaqawi uñst'ayäwi

2 Samuel 1:20

Gat sisqui uca chekansti jan yatiyapjjamti, janiraqui Ascalón callenacansa parlapjjamti, uqhamat filisteo warminacajj jan cusisipjjañapataqui, uca jan Diosar uñt'iri warminacajj jan cusisiñat sinc'upjjañapataqui.

2 Samuel 21:22

Uca pusi jach'a jakenacasti Gat sisqui uca chekan utjiri Rifa sat jaken wawanacapänwa, ucampisa jupanacajj Davidan, uqhamarac jilïrinacapan amparaparuw jalt'apjjäna.

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

2 Crónicas 26:6

Uziasasti sartasinjja filisteonacampiw nuwasir saräna, Gat sat marcan perkanacapjja tucjänwa, uqhamarac Jabnia, Asdod uca marcan perkanacapsa. Ucatsti jupajj filisteonaca taypina Asdod orakenjja marcanacwa lurayäna.

Jeremías 25:20

uqhamaraqui take casta jakenaca uca marcan utjapqui ucanacarusa, Uz marcanacan reyinacaparusa, take filisteonacan marcanacaparusa: Ascalón, Gaza, Ecrón, ucat Asdod ucat jilt'irinacarusa.

Levítico 5:7

“Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.

Amós 1:6

Aqham siw Tatitojja: “Gaza marcanquir jakenacajj wali ñankhanacpuni lurapjje, ucasti janiw jan mutuyatajj kheparapcaniti, mä marcpacharu catuntasina Edom marcana esclavonacapat aljarapjjatapata.

Amós 6:2

Sarapjjam Calne marcaru, uñjapjjaraquim; ucatsti pasapjjaraquim Hamat jach'a marcaru, ucqhatsti sarakapjjaraquim filisteonacan Gat marcaparu. ¿Jumanacasti ucat sipansa juc'amp sumäpjjtati? ¿Marcamacha jupanacanquirit sipansa juc'amp jach'ajja?

Deuteronomio 28:27

“Diosasti, egipcionacarus t'akhesiycäna uqhamaw llejjtinacampi, tumor sat p'usunacampi, sarna usunacampi, tiña sat jasi jasi usunacampiw t'akhesiyätam, ucatsti janiraquiw uca usunacatjja c'umarachasiñ puedcätati.

Jueces 1:18

Ucampis Judá tribunquirinacasti janiw ch'amanïpcänti catuntañataquejja Gaza, Ascalón, Ecrón uca marcanacarojja ni uca jac'a marcanacarusa.

Jueces 14:19

Ucampis Diosan ajayupaw Sansón chachjjaru jutäna, ucatsti Sansón chachajj Ascalón sat chekaruw saräna, ucansti quimsa tunca jaquinacaruw jiwarayäna, ucanacatwa isinacapjja aparaniwayasajja, yatjjatañan atipapqui ucanacaru churañataqui. Ucatsti churawayasinjja awquipan utaparojj wali colerataw cutt'jjäna.

Jueces 16:1

Mä urojj Sansón chachajj Gaza sat marcaruw saräna. Ucansti uñjänwa chachanacampi sarnaker mä warmiru; uca arumajja utapanwa iquïna uca warmimpi chica.

Jueces 16:21

Ucatsti filisteonacajj catuntasinjja nayranacapa apsupjjäna, broncet lurata cadenanacampi catuntayasinsti carcelanjja molinompiw irnakayapjjäna.

1 Samuel 5:1

Diosan arcapa catuntasinjja, filisteonacajj Eben-ezer chekatjja Asdod sat uca chekaruw apjjapjjäna.

1 Samuel 5:10

Ucatsti filisteonacajj Diosan arcapjja Ecrón sat marcaruw apjjapjjäna, ucampisa cunapachatejj Diosan arcapajj uca marcar purïna ucapachasti uca marcan jaquir jakenacajj wali arnakasipjjäna: “¡Israel marcan Diosapan arcapwa acar apanipjje take jiwasanacar jiwarayañataqui!” sasa.

1 Samuel 5:8

Ucatwa filisteonacan take jilïrinacapan ucaru qhitapjjäna, jupanacampi tantacht'asisinsti, jisct'apjjaraquïnwa: —¿Cuns Israel marcan Diosapan arcapampejj lurañäni? —sasa. —Gat sata marcaru apapjjam —sasaw jilïrinacajj sapjjaraquïna. Ucatsti filisteonacajj ucaruw apapjjäna.

1 Samuel 6:4

—¿Cunaraqui qhuyapayasiñapataqui churapjjeriststi? —sasaraquiw filisteonacajj jisct'apjjäna. —Korit lurata pheska tumorar uñtatanaca churapjjam filisteonacan sapa mayni jilïrinacapata, uqhamarac uca pachpa korita pheska achacunacampi cuna, niyaquejjaya jumanacasa, jilïrinacamasa uca pachpa t'akhesïwimpi t'akhesipjjstajja.