1 Samuel 4:15 - Qullan Arunaca

¹⁵ Uca urunacansti Elí sacerdotejj sinti chuymanëjjänwa, uqhamarac llätunc tunca quimsakallkoni marani, wali juyqhöjjaraquïnwa.

Aymar Bibliia 1986

¹⁵ Uca urunacansti Elí sacerdotejj sinti chuymanëjjänwa, uqhamarac llätunc tunca quimsakallkoni marani, wali juyqhöjjaraquïnwa.

Qullan Arunaka DC

¹⁵ uka urunakansti Elí sacerdotex llätunk tunka kimsaqallqun maranïxänwa, ukhamarus wali juykhüxarakïnwa.

1 Samuel 4:15 Jak'a apnaqawi uñst'ayäwi

Génesis 27:1

Isaacasti sinti chuymanëjjänwa, uqhamarus juyqhöjjaraquïnwa. Mä uruw jilïri Esaú yokaparu jawsi, saraquïnwa: —Wawajja —sasa. Esausti: —Cun sañsa munta, awquejja —sasaw saraquïna.

1 Reyes 14:4

Jeroboam reyin warmipajja uqhamwa luräna. Jupasti waquicht'asisinjja sarawayiwa Silo chekaru, ucatsti purïnwa Ahías profetan utaparu. Ucampis Ahías profetajj janiw sum uñjcjjänti, nayrapajj juc'at juc'atwa jan uñjcjjänti jupan awquëjjatap laycu.

Salmos 90:10

Yakhepanacajj pakallk tunc maraw jacapjje, ch'amaninacasti quimsakallk tunc maracamaw puripjje, ucatak jacañasti, jan walt'añanacamp, khathami sarnacañampic apani. ¡Urunacasti jakenacjamaw janc'ac tucusiraqui!

1 Samuel 3:2

Ucampis mä uruw Elí sacerdotejj juyqhuptjjäna, janiraquiw sum uñjcjjänti, uqhamäsinsti utapanwa iquiscäna.

1 Samuel 4:14

Elí sacerdotejj uca ojjtiri ist'asinjja, jisct'araquïnwa: —¿Cunatsa jakenacajj ucatak ojjopjje? —sasa. Ucat uca jakejj janc'aquiraquiw Elí sacerdoterojj cunanacatejj pascatayna ucanac yatiyaraquïna.