1 Samuel 31:8 - Qullan Arunaca

⁸ Khepürusti, cunapachatejj filisteonacajj jiwatanacat yänacapa apariri sarapcatayna ucapachasti, Saúl reyimpiru, quimsa yokanacapampiruw Gilboa kollun jiwarata jicjjatapjjäna.

Aymar Bibliia 1986

⁸ Khepürusti, cunapachatejj filisteonacajj jiwatanacat yänacapa apariri sarapcatayna ucapachasti, Saúl reyimpiru, quimsa yokanacapampiruw Gilboa kollun jiwarata jicjjatapjjäna.

Qullan Arunaka DC

⁸ Qhipürusti, kunapachatix filisteonakax jiwatanakan yänakap aparir sarapkatayna ukkhaxa, Guilboa qullunsti Saúl reyimpiru, kimsa yuqanakapampir jiwarata jaqusiskir jikxatapxäna.

1 Samuel 31:8 Jak'a apnaqawi uñst'ayäwi

2 Samuel 1:20

Gat sisqui uca chekansti jan yatiyapjjamti, janiraqui Ascalón callenacansa parlapjjamti, uqhamat filisteo warminacajj jan cusisipjjañapataqui, uca jan Diosar uñt'iri warminacajj jan cusisiñat sinc'upjjañapataqui.

2 Samuel 1:21

“¡Gilboa kollunaca, jumanacjjarojj jan jichhajj jallusa, ni sullasa purpati, jumanacajj jiwaña lugaräpjjatam laycu! Atipjirinacan escudopasti ucanwa taquisita uñjasiraquïnjja. Saúl reyin escudopan c'ajatapasa ucanwa tucusiwayjje.

1 Crónicas 10:8

Khepürusti filisteo jakenacajj jiwatanacata yänacapa apaririw sarapjjäna, ucatwa jicjjatapjje Saúl reyiru, yokanacapampiru Gilboa kolluna jiwarata liwisisipquiri.

2 Crónicas 20:25

Ucatsti Josafat reyimpi jakenacapampejja jalapjjänwa cunanactejj uisirinacapajj jaytawayapcäna ucanaca aptasiri, ucatjja jupanacajj jicjjatapjjänwa walja uywanaca, armanaca, isinaca, uqhamarac wali jila alani yänacaraqui, take ucanacwa catuntasipjjäna. Walja yänacawa utjäna, janiw jupanacajj apthapiñataqui ch'amanïpcänti. Waljätap laycusti quimsa uruwa uca yänaca apthapipjjäna.

1 Samuel 28:4

Filisteonacasti tantacht'asisinjja Sunem sisqui uca chekaruw purintapjjäna. Saúl reyisti take israelita jakenacaruw tantacht'araquïna. Gilboa sisqui uca chekaruw purintapjjaraquïna.

1 Samuel 31:7

Israelitanacasti, cawquïrinacatejj vallet qhurcatana, uqhamarac Jordán jawirat inti jalsu token jacapcäna ucanacasti, israelita tama soldadonacan jaltjjapjjatap uñjasinsti, uqhamarac Saúl reyiru, wawanacapampiru jiwaratapa uñjasinsti, jupanacajj marcanacap apanucuwayasinjja jaltjjapjjaraquïnwa. Ucatsti filisteonacajj uca marcanacar purinisinjja pachpa marcanacanwa jacapjjäna.

1 Samuel 31:9

Ucatsti p'eke apakapjjäna, armanacapsti aparapjjaraquïnwa, uqhamarac take filisteo orakeruw qhitapjjäna mayni jakenaca, jupanacan diosanacapana, templonacaparu take yatiyañapataqui.