1 Samuel 31:3 - Qullan Arunaca

³ Ucatsti Saúl reyircamaquiraquiw take ch'amanacap cutiquipstayanipjjäna; cunjämatejj flecha antutt'iri jakenacapajj flechanacjja cawqhanccäntejj jupanacajj ucacama puriyapjjän ucapachasti jupanacajj wali ajjsarapjjaraquïna.

Aymar Bibliia 1986

³ Ucatsti Saúl reyircamaquiraquiw take ch'amanacap cutiquipstayanipjjäna; cunjämatejj flecha antutt'iri jakenacapajj flechanacjja cawqhanccäntejj jupanacajj ucacama puriyapjjän ucapachasti jupanacajj wali ajjsarapjjaraquïna.

Qullan Arunaka DC

³ Ukatsti Saúl reyir nuwantañatakiw ch'amachasipxäna; mich'i antutt'ir jaqinakapax mich'inakap jupxar puriyapkän ukkhasti, jupax wal axsaräna.

1 Samuel 31:3 Jak'a apnaqawi uñst'ayäwi

Génesis 49:23

Flecha apnaker jakenacasti wali uñisipjjaraqui, flechanacapsa antutanipjjaraqui, ch'ajjmipjjaquipuniraquiwa;

2 Samuel 1:4

—¿Cunarac pasisti? ¡Avist'itaya, jan uqhamämti! —sasaw Davidajj saraquïna. —Soldadonacaw nuwasïwit chhuctjjapjje. Jupanacatsti waljaniraquiw jiwarapjje. ¡Saúl reyisa, uqhamarac Jonatán yokapasa jiwataraquiwa! —sasaw uca jakejj saraquïna.

2 Samuel 1:6

Uca uywatasti saraquïnwa: —Nayajj Gilboa kolluncascäyätwa. Uqhamaruw Saúl reyirojj pachpa lanzapjjaru liwjjattir uñjta, uqhamaraqui enemigon nuwasiña carronacapasa, caballeriapasa jac'achasiniraquïnwa niya jicjjatañatacjama.

2 Samuel 21:12

Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru.

1 Reyes 22:34

Ucampis mä soldadowa jan qhitiru uñjasa flecht'äna, ucasti Israelan reyiparuwa wact'ayäna armadurapan ch'ucupat mantayasa, jupasti jiwirjamänwa. Ucatwa reyejj carro apnakeriparojja säna: “Kheparu cutt'asina, aca nuwasiñ taypita apsjjeta, sinti jan wali usuchjatätwa” sasa.

Amós 2:14

Cawcsa jaltasipcpan, janiw atipapcaniti; wali ch'amanïqui ucarus ch'amajj pist'aniwa, ni qhiti ch'amampi atipt'irïqui ucasa khespcaniti.