1 Samuel 31:1 - Qullan Arunaca

¹ Filisteonacasti israelitanacarojj nuwantanipjjaraquïnwa. Israelitanacasti jupanacan nayrakatapatjja jaltjjapjjänwa, Gilboa kollun atipjatäjjatap laycu.

Aymar Bibliia 1986

¹ Filisteonacasti israelitanacarojj nuwantanipjjaraquïnwa. Israelitanacasti jupanacan nayrakatapatjja jaltjjapjjänwa, Gilboa kollun atipjatäjjatap laycu.

Qullan Arunaka DC

¹ Ukatsti filisteonakax israelitanakaruw tukjapxäna. Israelitanakasti jupanakan nayraqatapat jaltxapxäna, Guilboa qullunsti jiwaratanakax waljanipunïnwa.

1 Samuel 31:1 Jak'a apnaqawi uñst'ayäwi

2 Samuel 1:21

“¡Gilboa kollunaca, jumanacjjarojj jan jichhajj jallusa, ni sullasa purpati, jumanacajj jiwaña lugaräpjjatam laycu! Atipjirinacan escudopasti ucanwa taquisita uñjasiraquïnjja. Saúl reyin escudopan c'ajatapasa ucanwa tucusiwayjje.

2 Samuel 1:6

Uca uywatasti saraquïnwa: —Nayajj Gilboa kolluncascäyätwa. Uqhamaruw Saúl reyirojj pachpa lanzapjjaru liwjjattir uñjta, uqhamaraqui enemigon nuwasiña carronacapasa, caballeriapasa jac'achasiniraquïnwa niya jicjjatañatacjama.

2 Samuel 4:4

Jichhasti, Saúl reyin, Jonatán yokapasti mä yokaniraquïnwa. Ucan sutipasti Mefi-boset sataraqui, qhititejj paypach cayuta suchücaraquïna. Cunapachatejj Mefi-bosetajj pheska maranïcän ucqhajja, Jezreel chekatjja Saúl reyimp, Jonatanampina jiwatapa yatiyäwiw purinïna, ucatwa wawa uywiri warmejj jupar ichjjarusiwayasina Mefi-bosetampi jaltjjäna, ucampisa uqham janc'aqui jaltjjasinsti tincupjjänwa, ucatwa cojo kheparjjaraquïna.

1 Samuel 12:25

ucampisa jumanacatejj jan walinac lurañacpun amtasipcäta ucapachasti, jumanacasa, reyisa tucusipjjätawa.

1 Samuel 28:1

Uca urunacansti filisteonacajj ejercitopwa tantacht'apjjäna Israel marca contra nuwasiñataqui. Ucat Aquis reyejj Davidarojj saraquïnwa: —Jumajj sumwa yattajja. Jumampi jakenacamampisti nayampi chicaw mistupjjañama nuwasiñataquejja —sasa.

1 Samuel 28:15

Ucat Samuelojj saraquïna: —¿Cunataquis sarnakayista, nayar jawsayasa? —sasa. Saúl reyisti saraquïnwa: —Wali llact'ataw uñjasta, filisteonacaw naya contra sayt'apjje, Diosasti apanucjjaraquituwa. Janiraquiw mayisitajjarus ist'cjjetuti, profetanac toksa ni samca toksa. Ucat jawsaysma, cunatejj lurañajjäqui uc sañamataqui —sasa.

1 Samuel 28:19

Uqhamarus jumampi, israelitanacampirojj filisteonacaruw catuyapjjätam, ucat arumanthejj jumampi, wawanacamampejj nayampi chicäjjapjjätawa. Uqhamaraquiw Tatitojj israelitanacan campamentopsa filisteonacaruw catuyaraquini.

1 Samuel 28:4

Filisteonacasti tantacht'asisinjja Sunem sisqui uca chekaruw purintapjjäna. Saúl reyisti take israelita jakenacaruw tantacht'araquïna. Gilboa sisqui uca chekaruw purintapjjaraquïna.

1 Samuel 29:1

Filisteonacasti take jakenacapjja Afec sisqui uca chekaruw tantacht'apjjäna, ucañcamasti israelitanacajj Jezreel sisqui uca chekanquir uma jalsu jac'aruw purintapjjaraquïna.