1 Samuel 30:14 - Qullan Arunaca

¹⁴ Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.

Aymar Bibliia 1986

¹⁴ Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.

Qullan Arunaka DC

¹⁴ nanakasti quereteos jaqinakan aynacha uraqipat lunthatsuriw sarapxta, ukhamarak Judá, Caleb tuqinkirinakata, Siclag markarusti ninampiw phichhantanipxta.

1 Samuel 30:14 Jak'a apnaqawi uñst'ayäwi

2 Samuel 8:18

Benaía sat Joiada jaken yokapasti cereteonacan apnakeriparaquïnwa, uqhamaraqui peleteonacampina. David reyin yokanacapasti sacerdotenacäpjjaraquïnwa.

1 Reyes 1:38

Ucatsti Sadoc sacerdotesa, Natán profetasa, Joiada ucan Benaía yokapasa, uqhamarac cereteonacasa, peleteonacasa sarapjjänwa, ucatsti Salomonarojja David reyin mulaparuwa lat'jjatayawayapjjäna, ucatsti Gihón chekaruw irpapjjäna.

1 Reyes 1:44

Ucatsti ordenaraquïnwa Salomonampi chica sarapjjañapataqui Sadoc sacerdoteru, Natán profetaru, Joiada ucan Benaía uca yokaparu, uqhamarac cereteonacarusa, peleteonacarusa, ucatsti jupanacajj rey Davidan mulaparuw lat'jjatayawayapjje.

1 Crónicas 18:17

ucatsti Joiada chachan Benaía yokapasti jilïrïnwa cereteonacjjaru, peleteonacjjarusa David reyin wawanacapasti jupan wali yanapirinacapänwa.

Ezequiel 25:16

Ucatpï naya Tatitojj sistjja: Filisteonacar mutuyañataquejj amparajja aytä; cereteo jakenacarusti k'alwa tucjaraquëjja, qhitinacatejj jach'a kota iraman utjasipqui ucanacarusa K'alwa tucjaraquëjja.

Sofonías 2:5

¡Ay, kota thiyan jaquir jakenaca, qhitinacatejj Creta toket jutapjjta ucanaca! Diosasti aqhamwa jumanacaru mutuyaña amti: ‘¡Canaán orake, filisteonacan marcapa, k'al t'unjäma jan mä jakeni tucuyaraquïma!

Josué 14:13

Ucatsti Josué chachajj Caleb chacharuw bendicïna, Hebrón kollu churasina juparu uqhamarac wawanacapampiru.

Josué 15:13

Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Josué 21:12

Ucampis uca marcan orakenacapampi, jisc'a marcanacapampjja, Caleb chacharuw churapjjäna, cawquïritï Jefone jaken wawapäcaraquïna ucaru.

1 Samuel 25:3

Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.

1 Samuel 30:1

Quimsüru sarakatatsti, Davidampi jakenacapampejj Siclag marcaruw puripjjäna. Ucansti jicjjatapjjaraquïnwa amalecita jakenacajj Néguev sat orakeru mantanipjjatapa, ucatsti Siclag marcaru nuwantapjjatapa t'unjasa, ninampi phichhantasa.

1 Samuel 30:13

Uqhamasti Davidajj jisct'araquïnwa: —¿Qhitis uywirimajja? ¿Cawquitsa jutta? —sasa. Egipcio jakesti saraquïnwa: —Egiptonquirïtwa, mä amalecit jaken uywatapätwa, ucampisa niya quimsa uruw uywirejjajj jaytanucjjetu, usuntatajj laycu.

1 Samuel 30:15

Davidasti saraquïnwa: —¿Uca lunthata jakenacan ucaru irpitasmati? —sasa. Ucat egipcio jakejj saraquïna: —Jumatejj Diosan sutipjjaru juramento lurarapitäta, ucatsti janiraqui uywirejjarusa catuycaraquitäta, ni jiwaycaraquitätasa, ucapachajj nayajj cawqhancapquitejj jupanacajj ucacamaw irpäma —sasa.

1 Samuel 30:16

Ucatsti, cawqhancapcäntejj uca lunthatanacajj ucacamaw irparaquïna. Jupanacasti take uca pampana aywitatatäsipcänwa, ucan mank'asipcäna, umasipcaraquïna, uqhamarac jach'a fiesta lurasipcäna take cunanactejj jupanacajj filisteonacan orakepata, uqhamarac Judá oraketsa lunthatanipcatayna ucanacampi.