1 Samuel 29:6 - Qullan Arunaca

⁶ Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

Aymar Bibliia 1986

⁶ Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

Qullan Arunaka DC

⁶ Ukapachaw Aquís reyix Davidar jawsayäna, ukatsti sänwa: —¡Chiqpachansa, Tatitux jakaskiwa, jumasti chiqa jaqipunïtawa! Campamenton sarnaqatamasti chuymaxar purt'kiriwa. Jumax nayar uñjiri jutkta ukkhat jichhürkamax janiw kuna jan wali luratamsa jikxatkti. Ukampis filisteonakan jilïrinakapax janiw jumaru uñjañ munapktamti,

1 Samuel 29:6 Jak'a apnaqawi uñst'ayäwi

Génesis 16:6

Abramasti warmiparojj saraquïnwa: —Acajjay esclavamajj amparamanquiwa, cuns munta uc jupampejj lurascaquim —sasa. Sarai warmisti esclavaparojj sinti jan walpun uñj-jjäna, uqhamïpansti Agarajj jaltjjänwa.

2 Samuel 3:25

¿Jach'a reyisti janit yatqui, Ner jaken Abner yokapajj reyir sallkjiri, uqhamaraqui uñakeri jutatapsti, uqhamaraqui take cuntejj jach'a reyejj lurqui take ucanaca?” sasa.

2 Reyes 19:27

Nayasti take onjjtatanacamwa uñt'smajja, take luräwinacamsa, nayajj yattwa nayataqui colerasitama.

Salmos 121:8

Tatituw mistutamsa, mantatamsa uñjascani, jichhürut wiñaycama.

Isaías 37:28

Nayajj take sarnakatam yatta, uqhamaraqui take luräwinacamsa yatiractwa, nayajj yattwa naya toke wal colerasitamsa.

Isaías 65:16

Qhititejj aca marcan mä bendición mayiñ munanejja, chekpacha asqui Diosaruw mayiraquini; aca marcan mä juramento luriristi, cheka asqui Diosan sutipjjaruw luraraquini. Nayra t'akhesïwinacasti armatäjjewa, nayrakatajjatsti chhaktjjaraquiwa.

Jeremías 12:16

Jupanacaw marcajjaru Baal diosataqui juramento lurañsa yatichapjjejja, ucampisa jichhajj marcajj taypinjja utjnokasjjapjjaniwa, sititejj marcajjan Diosaparu yupaychañataqui catokapjjani, sutejjaruraqui jurapjjani sasa: ‘Tatitojj jacasquiwa’ sasa.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Deuteronomio 10:20

“Tatitu Diosamarojj jach'añchapjjam, yupaychapjjaraquim jupa saparuqui servipjjam; ucatsti cunapachatï juramento lurapjjäta ucqhasti Diosan sutipjjaru lurapjjaraquim.

Josué 22:30

Cunapachatï Finees sat sacerdotesa, take Israel marcan jilïri jakenacapasa, uqhamarac sapa familian jilïri jakenacasa, uca Rubén, Gad, uqhamaraqui chicat Manasés tribun arunacap ist'apjjän ucqhajj —Waliquiw —sapjjänwa.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

1 Pedro 3:16

Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

1 Samuel 20:3

Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

1 Samuel 28:10

Ucampisa Saúl reyejj juramentompi Tatitun sutipjjaru arsusinjja, saraquïnwa: —Nayajj Tatitun sutipjjaruw juramentompi arsusina sisma: Janiw cuna jan walis pascätamti aca luratamatjja —sasa.

1 Samuel 29:3

Ucatwa filisteonacan jilïrinacapajj Aquis reyirojj jisct'apjjäna: —¿Cunsa lurapjje uca hebreo jakenacajja? —sasa. Aquis reyisti saraquïnwa: —Acajj Davidawa, jupasti Saúl reyin oficialapänwa, uca Saúl reyisti Israel marcan reyipawa. Ucampisa aca Davidajj niya mä kawkha maranacawa nayampi chicaraqui, ucatsti cunüruttejj nayan jac'ajjan sarnakqui ucat jichhacamajj janiw cuna jan walsa jupanjja jicjjatcti —sasa.

1 Samuel 29:7

Uqhamajj jichhajj waliqui cuttawayjjam, jan jupanacaru chuymanacapa mayjt'ayascañataqui.

1 Samuel 5:8

Ucatwa filisteonacan take jilïrinacapan ucaru qhitapjjäna, jupanacampi tantacht'asisinsti, jisct'apjjaraquïnwa: —¿Cuns Israel marcan Diosapan arcapampejj lurañäni? —sasa. —Gat sata marcaru apapjjam —sasaw jilïrinacajj sapjjaraquïna. Ucatsti filisteonacajj ucaruw apapjjäna.