1 Samuel 29:1 - Qullan Arunaca

¹ Filisteonacasti take jakenacapjja Afec sisqui uca chekaruw tantacht'apjjäna, ucañcamasti israelitanacajj Jezreel sisqui uca chekanquir uma jalsu jac'aruw purintapjjaraquïna.

Aymar Bibliia 1986

¹ Filisteonacasti take jakenacapjja Afec sisqui uca chekaruw tantacht'apjjäna, ucañcamasti israelitanacajj Jezreel sisqui uca chekanquir uma jalsu jac'aruw purintapjjaraquïna.

Qullan Arunaka DC

¹ Filisteonakasti Afec sat chiqaruw jaqinakap tantacht'äna, ukchañkamasti israelitanakax Jezreel chiqankir uma jalsu jak'aruw utjnuqtapxäna.

1 Samuel 29:1 Jak'a apnaqawi uñst'ayäwi

2 Samuel 2:9

Ucanwa reyit utt'ayäna aca marcanacjjaru: Galaad, Gesuri, Jezreel, Efraín, Benjamín, uqhamaraqui take Israel marcjjaru.

2 Samuel 5:17

Filisteonacasti cunapachatï Davidan Israeljjaru reyit utt'ayatäjjatap yatipjjän ucapachasti, take jupanacajj Davidar thaktiriw sartapjjäna, ucampisa Davidajj ucjja yatiraquïnwa, ucatwa sarjjaraquïna imantasiña chekaru.

1 Reyes 20:30

Ucat ucjjaru ejercitosti jaltjjapjjänwa Afec sat marcaru, ucampis marcan perkapajja alljjattänwa pä tunca pakallkon waranka soldadonacajj jaltanipcäna ucanacaru. Ben-adad ucasti jaltanisajja marcaruraquiw purinïna, ucatsti utat utaruw imantasiraquïna.

1 Reyes 21:1

Ucat mä kawkha tiemponacarusti aqhamaw lurasïna, Jezreel chekanquir mä chachawa Nabot sat sutini mä uva yapunïna uca pachpa marcana Samarianquir Acab reyin palaciopa jac'ana.

1 Reyes 21:23

Jezabel warmitsti Tatitojj siwa: ‘Anunacawa Jezabel warmiru mank'apjjani, Jezreel sat orakena’ sasa.

2 Reyes 9:30

Jehú capitanajj ucatjja Jezreel chekaruw saräna. Jezabel warmejj uc yatisinjja, nayranacapjja pintasitaynawa, uqhamarac ñic'utanacapsa c'achachasitayna, ucatsti mä ventanaruwa jac'achasïna.

2 Reyes 9:36

Ucatjja Jehú capitanaruwa yatiyiri sarapjjäna, Jehú capitanasti arsünwa aqhama: —Tatitojj sapinïnwa Tisbe chekanquir Elías profeta sirvirip toke: ‘Jezabelan janchipjja anunacaw mank'ani Jezreel chekana;

Salmos 83:7

Gebal, Amón, Amalec jakenaca, Tiro oraken jaquir filisteonaca,

Josué 12:18

Afec marcan reyipa, Sarón marcan reyipa;

Josué 17:16

Jupanacasti sapjjaraquïnwa: —Chekpachansa nanacataquejj aca tribun kollunacapajj wali pisiwa. Ucampis pampanacan jaquir cananeo jakenacan carronacapajj hierrot luratäpjjewa, quipca Bet-seán marcan jaquir jakenacjama, uqhamaraqui vallen jaquir Jezreel jakenacasa —sasa.

Josué 19:18

Aca marcanacaraquiw jupanacarojj wact'äna: Jezreel, Quesu-lot, Sunem,

Josué 19:30

Uma, Afec, Rehob marcanac cuna. Takpachasti pä tunca payan marcanacänwa, jisc'a marcanacampi cuna.

Jueces 6:33

Ucatsti take madianitanacampi, amalecitanacampi, inti jalsu tokenquirinacampejja mayaqui tantacht'asisawa Jordán jawira maqhatcatanipjjäna. Ucatsti Jezreel sat valleru kamnokapjjäna.

Jueces 7:1

Gedeonan yakha sutipasti Jerobaal sataraquïnwa, take jupampïcäna ucanacampi wali alwata sartawayasinjja puripjjänwa Harod sat umajja jalsqui uca chekaru utjnokasa campamento lurasiñataqui. Ucampis madianitanacan campamentopajja jupanacat amsta tokencjjänwa More sat loma cayu vallena.

1 Samuel 28:25

Ucat ucanacjja janc'aquiw Saúl reyin ucaru, uqhamarac yanapirinacapan ucaruw aparaquïna. Jupanacasti mank'asitatjja uca arumpachaw sarjjapjjäna.

1 Samuel 28:4

Filisteonacasti tantacht'asisinjja Sunem sisqui uca chekaruw purintapjjäna. Saúl reyisti take israelita jakenacaruw tantacht'araquïna. Gilboa sisqui uca chekaruw purintapjjaraquïna.

1 Samuel 4:1

Uca tiemponacansti filisteonacajj israelitanac contraw nuwasiñataqui mayacht'asipjjatayna, ucatwa israelitanacajj uca filisteo jakenacampi nuwasir mistupjjaraquïna, Ebenezer sat uca chekaruw carpanacap sayt'ayapjjaraquïna. Filisteonacasti Afec sat uca chekaruw carpt'asipjjaraquïna,