1 Samuel 28:23 - Qullan Arunaca

²³ Saúl reyisti janiw mank'añ muncänti. Ucampisa uca jach'a jilïri oficialanacapampi, warmimpisti wali rogt'apjjäna. Ucat Saúl reyejj jaysaraquïna. Ucat ucspachaw oraket konthapïna. Mä iquiñjjaruraquiw kont'asïna.

Aymar Bibliia 1986

²³ Saúl reyisti janiw mank'añ muncänti. Ucampisa uca jach'a jilïri oficialanacapampi, warmimpisti wali rogt'apjjäna. Ucat Saúl reyejj jaysaraquïna. Ucat ucspachaw oraket konthapïna. Mä iquiñjjaruraquiw kont'asïna.

Qullan Arunaka DC

²³ Saúl reyisti janiw manq'añ munkänti, ukampis yanapirinakapampi warmimpix iyawsayapxänwa. Saúl reyix ukspachaw sarthapisin mä ikiñxar qunt'asïna.

1 Samuel 28:23 Jak'a apnaqawi uñst'ayäwi

1 Reyes 21:4

Acab reyisti utaparojj wali llaquita, colerataraquiwa sarjjäna, Nabot chachan uqham satapata, juparojj sataynawa: “Janiw churquirismati cuntï awquinacajjata herencia catokcta ucjja” sasa. Purisinsti perka uñtatawa iquintjjäna, ucatsti janiraquiw mank'añsa muncaraquïnti.

2 Reyes 4:8

Mä urusti Eliseojj Sunem chekanjamwa pasascäna. Ucansti mä wali kamiri warmiwa jacäna, ucatsti jupajj wali achict'asawa jawsäna utapan mank'er mantañapataqui. Sapa cuti Eliseojj ucanjama pascäna ucqhawa mank'eri mantäna.

2 Reyes 5:13

Ucampis uywatanacapajj jupar jac'achasisinjja, aqham sapjjänwa: —Tata, profetatejj mä ch'ama luraña chuririscätam ucajja, ¿janiti jumajj lurcasamänjja? Ucat sipansa juc'amp asquipï: ‘Jarisim’ sisctam ucatjja k'omachatäjjätajja —sasa.

Ester (hebreo) 1:6

Palacio patiosti suma c'achachatänwa suma fino jank'o, azula cortinanacampi. Aca cortinanacasti mä linota lurt'at wiscar catuyätänwa, ucajj k'ellu wilänwa, ucsti kollketa lurata anillonacnäma pasayasinsti marmolat lurat columnanacaru acht'ayatänwa. Ucjjarusti uchapjjaraquïnwa korita, kollketa lurat konuñanaca, uqhamarac patio orakejja suma fino c'ajir marmol jank'o, ch'iyara kalanacampi luratänwa.

Proverbios 25:20

Llaquit jaker cantjjayañajj, vinagrempi iñawtatata janchiru warjjatcsnasa uqhamawa, jan ucajj wali thayansa isi apsuscsnajja uqhamaraquiwa.

Ezequiel 23:41

Mä suma iquiñjjaruw kont'asipjjaraquïna, mank'aña mesas suma waquicht'atpacharaqui, ucaruw incienso uqhamaraqui aceite uchapjjaraquïna cawquïrinacatejj nayaru loktatäcän ucanaca.

Lucas 14:23

Ucat uywirejj uywatapar saraqui: ‘Saram callenacaru, thaquinacaru, ucat irptanim utajjan phokt'atäñapataqui.

Lucas 24:29

Jupanacasti kheparañapataquiw achict'apjjäna: —Nanacamp chica kheparam, niya jayp'uquëjjewa, niyaw arumt'jjani —sasa. Ucatwa Jesusajj jupanacamp chica kheparañataqui mantjjäna.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

2 Corintios 5:14

Criston munasiñaparaquiw jariyapjjetu, maynin takenitaqui jiwatap yatjjasina, ucataracwa takenisa jiwapjjaraqui.

1 Samuel 28:22

Jichhasti achict'asiracsmawa, nayaru ist'añamataqui: Mä juc'a mank'a wajjt'äma ch'amañcht'asiñamataqui, uqhamat nayraru sarascaquiñamataqui.