1 Samuel 26:23 - Qullan Arunaca

²³ Tatitusti sapa maynirus chuymaparjamaraqui uñjpan. Tatitojj jichhüruna chekpachansa amparajjaru catuycchitu ucasa, janiw nayajj amparajj aytañ muncäyätti jupan ajllit reyip contrajja.

Aymar Bibliia 1986

²³ Tatitusti sapa maynirus chuymaparjamaraqui uñjpan. Tatitojj jichhüruna chekpachansa amparajjaru catuycchitu ucasa, janiw nayajj amparajj aytañ muncäyätti jupan ajllit reyip contrajja.

Qullan Arunaka DC

²³ Tatitusti sapa maynirus chuymaparjam uñjpan. Tatitux amparaxaruw jumarux katuyitu, ukampis nayax Tatitun ajllit reyirux janiw jan wal lurañ munkäyätti.

1 Samuel 26:23 Jak'a apnaqawi uñst'ayäwi

2 Samuel 22:21

Tatitojj k'oma sarnakatajjatjam churäwip wajjt'itu.

2 Samuel 22:25

Tatituw churäwip wajjt'itu, nayrakatapan k'oma chuyman sarnakatajjata.

1 Reyes 8:32

jumajja alajjpachatpacha ist'anim, ucatsti luraraquïm, uywatanacamarusti chekaparuraqui uñjam. Juchanirusti juchañcharaquim, jan juchanirusti chekaparuraqui uñjaraquim cunjämatï wact'qui uqhamaru.

Nehemías 13:14

“¡Nayan Diosajja, aytapunitaya acanaca luratajjata, ucatjja janipuni armasimti Diosajjan templopa laycu, uqhamarac yupaychaña laycuraqui take asquinaca luratajjata!”

Job 34:11

Jupajj sapakatarusa luräwipatjamwa pago churi; sapakata jakerusa cunatejj waquisqui ucwa churaraqui.

1 Samuel 24:11

“Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

1 Samuel 24:12

¡Tatituy jichhajj jiwasa paniniru uñjistpan, ucatsti juchañcharaquitpan juma contra juchajj utjchitu ucapachajja! Ucampisa nayajj janipuniw amparajj aytcäti jach'a rey contrajja.

1 Samuel 24:18

Jichhajj jumajj uñacht'ayistawa, chekpachapuni nayan asquejja munascatama. Tatitojj juman amparamaru nayarojj catuycchitu ucasa, janiw jiwayquistati.

1 Samuel 24:19

Chekpachansa, janiw qhitis uñisiripar jicjjatasajj aqhamaqui jan cuna lurasajj qhitanuccaspati. Uca laycu, Tatituy jumarojj asquimpi cuttaypan, cuntejj jichhajj jumajj nayampi lurcta take ucanacata.

1 Samuel 26:11

Tatitusti khespiyitpan, jupan ajllit reyipar jiwayañatjja. Uqhamasti jichhajj uca ch'ijmapancquis uca lanza aytanim, uqhamarac umañ wacullapsa waytaniwayaraquim, ucat sarjjañäni —sasa.

1 Samuel 26:22

Davidasti saraquïnwa: —Acajj jach'a reyin lanzapajja. Mayni uywatama jutpan aca lanza aytawayjjañapataqui.

1 Samuel 26:9

Ucampisa Davidajj saraquïnwa: —Jan jiwayamti. Qhititejj aca reyir jiwayañ munani, ucajj Tatitun mutuyatapunïniwa. Jupa reyisti Tatitun ajllitaraquiwa.