1 Samuel 25:26 - Qullan Arunaca

²⁶ Ucampisa chekpachana Tatituw jan munquiti juman nanacaru jiwarayiri jutañamjja, uqhamat cheka cancaña pachpa amparamampi lurañamataqui. ¡Tatitojj munpan take uñisirinacamajja, uqhamarac take qhitinacatejj ñankha luraña amtapctam ucanacasti, Nabalan puriñaparu puripjjaracpan!

Aymar Bibliia 1986

²⁶ Ucampisa chekpachana Tatituw jan munquiti juman nanacaru jiwarayiri jutañamjja, uqhamat cheka cancaña pachpa amparamampi lurañamataqui. ¡Tatitojj munpan take uñisirinacamajja, uqhamarac take qhitinacatejj ñankha luraña amtapctam ucanacasti, Nabalan puriñaparu puripjjaracpan!

Qullan Arunaka DC

²⁶ Chiqpachansa Tatituw jan munkiti juman jan juchan jaqinakar jiwarayir jutañamxa, ukhamata chiqa kankañ pachpa amparamampi uñacht'ayañamataki. ¡Tatitux munpan taqi uñisirinakamasa, ukhamarak ñanqha lurañ amtapktam ukanakasa, Nabalan puriñaparu puripxañapa!

1 Samuel 25:26 Jak'a apnaqawi uñst'ayäwi

Génesis 20:6

Diosasti samcanjja saraquïnwa: “Nayajj yattwa take cunsa mä suma chuymampi lurascatama. Ucatwa jani uca warmir llamct'aycsmatejja, uqhamat jan naya contra jucha lurascañamataqui.

2 Samuel 18:32

Reyisti etiope jakerojj jisct'araquïnwa: —¿Absalón waynajj waliquïsquiti? —sasa. Etiope jakesti saraquïnwa: —Juma jach'a reyin uñisirinacamasti, uqhamaraqui juma contra sartir jakenacasa, uca Absalonjamaraqui tucusipjjpan —sasa.

2 Reyes 2:2

Ucatsti Eliasajj Eliseorojj sänwa: —Jumajj aca chekaru kheparam, Tatitojj Betelaruw qhititu —sasa. Ucatsti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj sapaqui jumarojj jaytcämati —sasa. Ucatsti panpachaniw Betelcama sarapjjäna.

2 Reyes 4:6

Cunapachatï take chatunacajj phokhacamäjjäna ucqhasti, warmejj maynïri wawaparojj sascaquïnwa: —Yakha chatumpi apasincaquim —sasa. Ucjjarusti wawapajj sänwa: —Janiw juc'amp chatojj utjcjjeti —sasa. Uca horasanwa aceitejj tucusjjaraquïna.

Salmos 44:3

Janiw espadapamp orak catuntasipquiti, janiraquiw ch'amapampis atipjapquiti; jan ucasti, amparamampi, ch'amamampi, khanamampiw atipjapjje, jupanacar munasitam laycu.

Proverbios 31:12

Jupasti chachaparojj yanapiwa suma asquinac lurasa, take jacäwipa urunacana.

Jeremías 29:22

Ucatsti, cawquïrinacatejj Judá oraketa Babilonia orakeru apanucuyatäpqui ucanacajj cunapachatejj mayniru maldeciñ munapjjani ucqhajj sapjjaniwa: Tatitojj jumampejj lurpan cunjämtejj Sedequías, Acab, uca paniniru Babilonianquir reyejj ninaru cancantcänjja, uqhamaraqui jumampejj lurpan, sasa.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Hebreos 10:30

Yatiractanwa Tatitun satapa: “Nayaruw wact'itu mutuyañajja, nayaw jupanacaru cutt'ayascäjja.” Ucatjj saraquiwa: “Tatituw marcaparu juchañchascani” sasa.

1 Samuel 1:26

Anasti saraquïnwa: —Tata, perdonita, chekpachansa jumajj jacasctawa, cawquïri warmitejj acana juma jac'ana Tatitu Diosatjja mayiscäna, ucätwa.

1 Samuel 2:9

Jupaw asqui jakenacan sarnakäwipjja uñjasqui, ucampisa ñankha jakenacajj ch'amacanwa jiwarapjjani, janiraquiw qhitis ch'amapampiquejj atipcaspati.

1 Samuel 20:3

Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

1 Samuel 22:3

Uca chekatsti Davidajj Moab tokena, Mizpa sisqui uca chekaruw sarjjäna. Ucat Moab oraken reyiparojj saraquïnwa: “Achict'assmawa, awquejjasa, taycajjasa acaru jumanacampi chica kheparañapataqui, cuntejj Diosajj nayampi lurcani uca yatiñajjcama” sasa.

1 Samuel 25:25

Jan jumajj Nabal jakerojj ist'amti, uca khoru jakeru. Jupasti cunjämäquitejj sutipajj uqhamarjamaw parlascaraqui, chekpachansa mä jan amuyt'asir jakewa. Uqham lokhe chuymampipuniw cunsa luri. Aca juman sirvirimajj janiw juman qhitanita jakenacaru purinirjja uñjcäyätti.

1 Samuel 25:39

Davidajja Nabal jaken jiwatap yatisinjja sänwa: “¡Tatitojj kollanäpan. Cuna jan walinactejj Nabal jakejj lurquitu ucanacjja jupaw phokharapitu! ¡Jan wali lurañat khespiyitu, Nabal jaken juchapasti pachpa Nabal jacjjaruraquiw cutjjati!” sasa. Ucat Davidajj Abigail warmin ucaruw qhitäna jupampi casarasiñjjat parlanipjjañapataqui.

1 Samuel 26:10

Nayajj juramentompiw arsta. Pachpa Tatituquiw juparojj jacañapjja apakjjani, jiwañapajj purinjjani ucapacha, jan ucajj cunapachatejj guerran nuwasïwiru mantani ucapachasa.