1 Samuel 25:1 - Qullan Arunaca

¹ Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

Aymar Bibliia 1986

¹ Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

Qullan Arunaka DC

¹ Samuel profetasti jiwxänwa, Israelita jaqinakax taqin tantacht'asisaw jiwxatapat jachapxäna. Ukatsti Ramá chiqankir utaparuw imt'xapxäna. Uka qhipatsti Davidax Parán sata wasararuw sarxäna.

1 Samuel 25:1 Jak'a apnaqawi uñst'ayäwi

Génesis 14:6

Seir kollunac tokensti horeonacaruraquiw atipjapjjäna, ucatsti Parán sisqui uca pampa tokenacaruw arct'anipjjaraquïna, ucasti wasara tokenquiwa.

Génesis 23:2

Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

Génesis 50:11

Uca tokenacan jaquiri cananeo jakenacasti uca tantachäwi uñjasasti sapjjänwa: “Egiptonquir jakenacajj wali suma imt'asiñ yatipjje” sasa. Ucatwa uca chekarojj Abel-mizraim sasa sutichapjjäna. Ucasti Jordán jawirat inti jalsu tokenquiwa.

1 Reyes 2:34

Ucatsti Benaía chachajj sarasinjja Joab chacharojj jiwayanïnwa. Ucatjja Joab chachajj wasaranquiri utapa jac'ana imt'atäjjänwa.

2 Reyes 21:18

Cunapachatï jiwjjäna ucqhasti palaciopanquiri Uza sat jardinaparuwa imt'jjapjjäna. Ucatsti jupa lantejj Amón sat yokapawa reyëjjäna.

2 Crónicas 33:20

Cunapachatï jupajj jiwjjäna ucqhajja, palaciopan pankar yapuparuw imt'jjapjjäna. Ucatsti jupa lantejj Amón yokapawa apnakjjäna.

Salmos 120:5

¡Ay cunaquïcta nayajja, Mesec chekan jaya jakjam apanucutätwa, Cedar chekan ch'ujllan jacaracta!

Isaías 14:18

Take marcanacanquir reyinacasti sumacwa samarasjjapjjani, sapakat maynis sepulturanacapana;

Zacarías 1:5

Ucatsti jichhajj, ¿cawquinquis uca jumanacan nayra awquinacamajja? ¿Wiñayaquipunit jacaspasti profetanacasti?

Números 10:12

Israelitanacasti Sinaí wasaratjja sartawayjjapjjaraquïnwa. Kenayasti Parán sat wasararuw sayt'araquïna.

Números 12:16

Cunapachatejj Mariajj jupanacaru cuttanjjän ucqhajj Hazerot chekatjja sartawayapjjänwa Parán sat wasarar puriñcama.

Números 13:26

Cades sat chekaru, Parán wasararu. Ucanwa Moisesas, Aaronas uqhamarac take israelitanacas jicjjatasipjjäna, ucatsti yatiyapjjänwa cuntejj jupanacajj yatjjatanipcän take ucanaca, uqhamaraquiw uca oraken achunacapsa uñacht'ayapjjäna.

Números 13:3

Cunjämtejj Tatitu Diosajj Moisesar siscäna uqhamaruw Moisesajj qhitäna Parán sat wasarata. Take jakenacaw israelitanac taypinjja jilïrinacäpjjaraquïna.

Números 20:29

Israelitanacasti Aaronan jiwatap yatisajj quimsa tunca urunacaw jupatjja jachapjjäna.

Hechos 8:2

Estebanarusti Dios chuyma jakenacaw imjjapjjäna. Jupatsti wal jachapjjaraquïna.

Deuteronomio 34:8

Israelitanacajj quimsa tunca uruw Moisesat jachapjjäna, Moab wasarana, uqhamat uca jachaña, lutosiñ urunacaw jiwatapatjja phokhasïna.

1 Samuel 1:19

Khepärmanthisti wali alwat sartasïna, Tatituru yupaychasinsti, Ramá chekancqui uca utaparuw cuttanjjapjjäna. Ucatsti Elcanajj Ana warmipampiw mayachasi, Tatitusti mayisitaparojj ist'araquïnwa.

1 Samuel 28:3

Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.

1 Samuel 7:17

Ucatsti Ramá sisqui uca chekaruw cuttanjjaraquirïna, cawqhanccäntejj utapajj ucaru, ucqhatpachawa Israel marcarojj apnakaraquïna. Ucansti mä altarwa Tatitutaquejj sayt'ayaraquïna.