1 Samuel 24:18 - Qullan Arunaca

¹⁸ Jichhajj jumajj uñacht'ayistawa, chekpachapuni nayan asquejja munascatama. Tatitojj juman amparamaru nayarojj catuycchitu ucasa, janiw jiwayquistati.

Aymar Bibliia 1986

¹⁸ Jichhajj jumajj uñacht'ayistawa, chekpachapuni nayan asquejja munascatama. Tatitojj juman amparamaru nayarojj catuycchitu ucasa, janiw jiwayquistati.

Qullan Arunaka DC

¹⁸ 18 (19) Jichhürux nayan askïñax munatam uñacht'ayista. Tatitux juman amparamar nayar katuykasinsa, janiw jiwaykistati.

1 Samuel 24:18 Jak'a apnaqawi uñst'ayäwi

Génesis 38:26

Cunapachatejj Judá chachajj yänacapa uñt'asïna ucqhasti sänwa: “Jupajj janiw cuna juchanïquisa, nayaw juchanïtjja, Sela yokajjampi jan casaratajjatjja” sasa. Ucatsti janipuniw mayampsa jupampejj iquintcjjänti.

Salmos 31:8

janiw uñisirejjan amparapar catuyquistati, suma thaquiruw cayunacajj tact'ayistajja.

Salmos 7:5

timasirejjajj arctasin catjitpan, jicjjatasinsti jacasquirpach orakenjam katatitpan, jake cancañajjsti oraker taquisiracpan.

Proverbios 25:22

uqham lurasinsti llacthapisiyätawa, p'enkasiyaraquïtawa, ucatsti Tatituw jumarojj cutiyjjätam.

1 Samuel 23:12

Ucat Davidajj jisct'ascaquïnwa: —¿Keila marcan utjir jakenacasti, nayarusa, uqhamarac jakenacajjarusa, Saúl reyin amparaparojj catuyapjjetaniti? —sasa. Tatitusti saraquïnwa: —Jïsa, catuyapjjätamwa —sasa.

1 Samuel 23:7

Mä toketsti Saúl reyirojj yatiyapjjaraquïnwa, Davidajj Keila marcancascatapa. Ucat reyejj chuymapan saraquïnwa: “Diosajj jichhajj amparajjaruw catuyitu. Marcaru mantanisinsti, pachpa marcan jach'a puncunacapampi jist'antataw kheparani” sasa.

1 Samuel 24:10

Juma jach'a reyejj jichhajj jumapachaw amuytajja; Tatitojj jach'a reyjja amparajjaru catuycchitu ucasa, qhaya putunjja, ucampisa janiw nayajj jiwayañ muncäyätti jach'a reyirojja, jan ucasti juparojj perdontwa, ucatsti saraquïyätwa: ‘Jupajj jach'a reyiwa, Tatituw juparojj ajllisiraqui’ sasa.

1 Samuel 24:19

Chekpachansa, janiw qhitis uñisiripar jicjjatasajj aqhamaqui jan cuna lurasajj qhitanuccaspati. Uca laycu, Tatituy jumarojj asquimpi cuttaypan, cuntejj jichhajj jumajj nayampi lurcta take ucanacata.

1 Samuel 26:23

Tatitusti sapa maynirus chuymaparjamaraqui uñjpan. Tatitojj jichhüruna chekpachansa amparajjaru catuycchitu ucasa, janiw nayajj amparajj aytañ muncäyätti jupan ajllit reyip contrajja.

1 Samuel 26:8

Ucatwa Abisai jakejj Davidarojj saraquïna: —Diosaw jichhajj uñisirimarojj amparamaru catuytam. Jichhajj nayar jaytt'ita, nayaw jichhpacha pachpa lanzapampi chhokhontasin jiwt'ayanï. Mä sapa jawk'antäwejj jiläniwa —sasa.