1 Samuel 23:3 - Qullan Arunaca

³ Ucampisa Davidan jakenacapajj sapjjaraquïnwa: —Aca Judá orakenccasinsa wali ajjsarayastanjja, ¡cunjäpunejj ajjsarayaschiñäni Keila marcar filisteonacampi nuwasiri sarcañäni ucqhajja! —sasa.

Aymar Bibliia 1986

³ Ucampisa Davidan jakenacapajj sapjjaraquïnwa: —Aca Judá orakenccasinsa wali ajjsarayastanjja, ¡cunjäpunejj ajjsarayaschiñäni Keila marcar filisteonacampi nuwasiri sarcañäni ucqhajja! —sasa.

Qullan Arunaka DC

³ Ukampis Davidan jaqinakapax sapxarakïnwa: —Aka Judá uraqisankkasinsa wal axsarayastanxa ¡Queilá markar filisteo soldadonakampi nuwasir sarkañäni ukkhax juk'ampiw axsarayasiñäni! —sasa.

1 Samuel 23:3 Jak'a apnaqawi uñst'ayäwi

Salmos 11:1

Nayajj Tatituruw imantasiñajjatac thakta, inamayaw sasipquitu: “Jamach'ir uñtat kollur jaltjjam,

Jeremías 12:5

“Cayut sariri jakenacampi sarasatejj wali karstajja, ¿cunjämaraqui saräta caballot sariri jakenacampi chicasti? Suma orakenjja c'uchiquïsctawa, ucampisa ¿cunsa luräta Jordán token alinac taypinjja?

1 Samuel 23:15

Ucampisa Davidajj Saúl reyirojj ajjsaränwa, jiwayaña amtäwimpi mistunitap laycu. Ucatwa Hores sisqui uca chekaru kheparäna, Zif sisqui uca wasarana.

1 Samuel 23:2

jupajj sarasin Tatituruw uca toket jisct'asïna, aqham sasa: —Tata, ¿munasmati nayan filisteonac contra nuwasiri sarañajj-jja? Tatitusti saraquïnwa: —Jïsa, sarascaquim, Keila marcarusti khespiyaraquim —sasa.

1 Samuel 23:23

Cawquïri imantasiñanacarutejj imantasqui ucanacsti wali suma uñakanipjjam; nayan ucaru yatiyiri cuttanipjjam, cawqhancquitejj ucjja sum yatjjatasa. Ucat nayajj jumanacampi chicaw sarä. Chekpachapuni uca chekancchejja, nayasti c'uchut c'uchu thaksü take uca Judá orakjja, uqhamarac take jakenac taypsa.

1 Samuel 23:26

Kollunjama maysa tokwa Saúl reyimpi jakenacapampejj jutantapjjäna. Maysa toksti Davidampi jakenacapampiraquiw janc'aqui sarapjjaraquïna, Saúl reyit jayarst'añataqui. Cunapachatejj Saúl reyimpi jakenacapampejj Davidaru niya muyuntjjapjjäna catuntjjañataqui,

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.