1 Samuel 23:26 - Qullan Arunaca

²⁶ Kollunjama maysa tokwa Saúl reyimpi jakenacapampejj jutantapjjäna. Maysa toksti Davidampi jakenacapampiraquiw janc'aqui sarapjjaraquïna, Saúl reyit jayarst'añataqui. Cunapachatejj Saúl reyimpi jakenacapampejj Davidaru niya muyuntjjapjjäna catuntjjañataqui,

Aymar Bibliia 1986

²⁶ Kollunjama maysa tokwa Saúl reyimpi jakenacapampejj jutantapjjäna. Maysa toksti Davidampi jakenacapampiraquiw janc'aqui sarapjjaraquïna, Saúl reyit jayarst'añataqui. Cunapachatejj Saúl reyimpi jakenacapampejj Davidaru niya muyuntjjapjjäna catuntjjañataqui,

Qullan Arunaka DC

²⁶ Saúl reyimpi jaqinakapampisti, qullu thiyanjam jutantapxäna, Davidampi jaqinakapampisti maysa thiyanjam jank'akiw sarapxarakïna, Saúl reyit jayarst'añataki. Kunapachatix Saúl reyimpi jaqinakapampix Davidaru, jupampïkän ukanakampir muyuntasipkäna, ukatsti niya katuntañampïxarakïna ukkhaxa,

1 Samuel 23:26 Jak'a apnaqawi uñst'ayäwi

2 Samuel 15:14

Uqhamasti Davidajj janc'aquiw Jerusalenan jupampi chicäcän uca take yanapirinacaparojj saraquïna aqham sasa: —¡Jichhpacha Jerusalén marcat jaltjjañäni, jan ucasti janiw Absalonat khespcañäniti! ¡Janc'aqui sarjjarupjjam, inampis jupajj purinisin takeniru espadampi jiwarayistaspa, uqhamat mä jach'a jan wali jiwasar lurasa!

2 Crónicas 20:12

Nanacan Diosajja, ¿janit jumajj jupanacar mutuycätajja? Nanacansti janiw ch'amanacajjajja utjapquituti uca jach'a ejercitojj nuwir jutapquitu ucampi nuwasiñataquejja. ¡Nanacasti janiw cun lurañataquis ch'amanïpcti, ucatwa jumaruqui utanipjjsmajja! ” sasa.

Salmos 17:11

chellktanacapajj niyaw jac'ancasajj muyuntasquitu, nayar jakonucuñataquejj niyaw nayranacapamp ch'irmt'asipjje,

Salmos 17:9

nayar chhucjjatir khoru jakenacata, jiwayañatac muyuntir timanacajjata.

Salmos 22:12

Uñisirinacajjajj toronacjamaw muyuntitu, Basán oraken wajjrasir toronacjamaw chhucjjatitu,

Salmos 22:16

Jan wali jakenacajj anunacjamaw muyuntitu, ñankha lurir tama jakew uyuchrantitu: amparanacajjamp cayunacajjamp chhojjriñchapjjetu,

Salmos 31:22

Llaquimp atipjatajj säyätwa: “Tatitojj nayrakatapat jakonucjjetuwa” sasa; jumar arnakasinsma ucapachasti, art'asitajjarojj ist'istawa.

2 Corintios 1:8

Jilatanaca, munapjjtwa yatipjjañama kawkha t'akhesïwinacatejj Asia tokenjja utjapquitänjja take ucanaca. Uca yant'anacajj wali ch'amapunïnwa, janjamaquiw ch'amas utjcjjapjjetänti: “Inas jiwjjchiñäni” sasaw sapjjäyätjja.

Apocalipsis 20:9

Ucatsti orakpacharu ch'eketatasinwa maqhatapjjäna, Diosan wawanacapan utjasïwiparu muyuntasina, uqhamarac Diosan munat marcaparusa. Ucampis Diosajj alajjpachatwa nina puriyanïna, ucampiw k'al naqhantayaraquïna.

Jueces 16:2

Cunapachatejj Gaza marcanquirinacajj Sansón chachan ucancatapa yatisinjja, marcaru muyuntasina marca puncjja uru jornälpacharaquiwa uñch'uquipjjäna. Ucat arumarusti sarapjjaraquïnwa samart'iri. Jupanacasti amtapjjänwa arumarji alwa khantati jiwayaña.

1 Samuel 19:12

Ucjjarusti Mical sat warmipajj Davidarojj mä ventanatwa warcokjjäna, uqhamat Davidajj jaltjjaraquïna.

1 Samuel 20:38

Jonatanajj mayamp uywatarojj art'ascaquïnwa: —¡Apurac jaltanim, jan kheparamti! —sasa. Jonatanan uywatapasti flechanac apthapinisajja, uywiriparuw catuyjjäna.

1 Samuel 23:25

Saúl reyisti jakenacapampiw thakerejj sarapjjaraquïna. Davidarusti Saúl reyin thakascatapjja yatiyapjjaraquïnwa. Ucat jupajj uca Maón wasarana karka tokeruw sarakanjjäna. Reyisti uca yatisinjja, Maón wasara tokeruw jutaraquïna, Davidaru arctanisa.

1 Samuel 23:27

ucapachaw mä qhitajj Saúl reyin ucar aqham sasa purinïna: “Jach'a munañani rey, janc'aqui cuttjjam. Filisteo jakenacaw marcasaru mantanipjje” sasa.