1 Samuel 22:20 - Qullan Arunaca

²⁰ Ucampisa Ahimelec sacerdoten wawanacapatjja mayni Abiatar sat sutini yokapawa jaltjjäna, cawqhanccäntejj Davidajj ucacamaw puriraquïna.

Aymar Bibliia 1986

²⁰ Ucampisa Ahimelec sacerdoten wawanacapatjja mayni Abiatar sat sutini yokapawa jaltjjäna, cawqhanccäntejj Davidajj ucacamaw puriraquïna.

Qullan Arunaka DC

²⁰ Ukampis Ahimélec sacerdoten wawanakapat Abiatar sutini yuqapaw kawkhankkäntix Davidax ukkhakam jaltxäna.

1 Samuel 22:20 Jak'a apnaqawi uñst'ayäwi

2 Samuel 15:24

Sadoc chachasa, uqhamaraqui cawquïri levitanacatejj Diosan arcapa apapcäna ucanacas sarapjjaraquïnwa, uca arcsti Abiatar jaken utaparuw jaytawayapjjaraquïna, take jakenacan marcat mistuniñapcama.

2 Samuel 20:25

Seva sat jakesti take cunanacatejj lurascän ucanaca kellkeriraquïnwa, Sadoc uqhamaraqui Abiatar sat jakenacasti sacerdotenacäpjjaraquïnwa.

1 Reyes 1:7

Ucatsti mä suma amtäwiruw mantapjjäna Sarvia ucan Joab yokapampi, uqhamarac Abiatar sat sacerdotempi, jupanacasti Adoniasarojj yanapapjjänwa.

1 Crónicas 15:11

Ucatsti Davidajj jawsänwa Sadoc, Abiatar uca sacerdotenacaru, levitanacaru Uriel, Asaías, Joel, Eliel, Aminadab ucanacaruraqui.

1 Crónicas 18:16

Ahitob chachan Sadoc yokapampi, Abiatar chachan Ahimelec yokapampejja sacerdotenacänwa; Savsa chachasti kellkerïnwa,

Job 1:19

Uqhamaruwa wasar toketa thayajj jutasina utaru pusi toketpacha onjjtayasina jupanaca patjjaru alljjattayi. Ucatsti takeniw jiwarapjje, ucampis naya sapaquiw jaltanta jumaru yatiyañataqui —sasa.

1 Samuel 14:3

Efod sata isi apiristi, Ahitob sat jaken Ahías yokapänwa. Uca Ahitob jakesti Icabod jaken sobrinopänwa, ucasti Finees sat jaken yokaparaquïnwa, Elí chachan allchhiparaqui, qhititejj Silo sat chekan Tatitun sacerdotepäcän uca. Jakenacasti janiw Jonatanan saratapjja yatipcataynati.

1 Samuel 2:33

Ucampisa familianacamat mä kawkhanirojja altarajj jac'aruw kheparayaraquï uqhamat nayranacapas envidiascäwi tucusiñapataqui almanacapas t'akhesiñat tucusipjjañapataqui, ucatsti take mayni wawanacamajj jiwarayataraquïniwa.

1 Samuel 22:21

Ucansti yatiyaraquïnwa, Saúl reyin Tatitun sacerdotenacaparu jiwarayatapa.

1 Samuel 23:6

Ucañcamasti Ahimelec sacerdoten Abiatar yokapajja jaltjjaraquitaynawa Davidampi Keila marcana jiquisiñataqui, jupasti efod isi apasiraquitayna.

1 Samuel 23:9

Ucampisa, Davidajj Saúl reyin uqham nuwantaña amtatap yatisinjja, Abiatar sacerdoterusti efod isip mayiraquïna aptaniñapataqui, ucat Tatituru jisct'añataqui.

1 Samuel 30:7

Ucat Abiatar sacerdoterojj saraqui, uca sacerdotesti Ahimelecan wawapänwa: “Achict'assmawa, efod isi apanirapita” sasa. Abiatar sacerdotesti janc'aquiw Davidarojj efod isi churäna.

1 Samuel 4:12

Ucampisa Benjamín tribunquiri mä soldadow uca nuwasïwitjja jaltjjäna, ucatsti jalasinjja uca urpachaw Silo sat uca chekaru purïna. Isinacapas ch'iyanokataraquïnwa, p'ekepas lak'acamaquiraquïnwa.