1 Samuel 22:12 - Qullan Arunaca

¹² Saúl reyejj Ahimelec sacerdoterojj sänwa: —Ahitob jaken yokapa, wali ist'ita —sasa. —Juma nayrakatanctwa jach'a munañani rey —sasaw Ahimelec sacerdotejj saraquïna.

Aymar Bibliia 1986

¹² Saúl reyejj Ahimelec sacerdoterojj sänwa: —Ahitob jaken yokapa, wali ist'ita —sasa. —Juma nayrakatanctwa jach'a munañani rey —sasaw Ahimelec sacerdotejj saraquïna.

Qullan Arunaka DC

¹² Saúl reyix Ahimélec sacerdoterux sänwa: —Ahitub jaqin yuqapa, sum ist'ita —sasa. Ahimélec sacerdotesti sarakïnwa: —Jach'a munañan reyi, nayax juma nayraqatanktwa —sasa.

1 Samuel 22:12 Jak'a apnaqawi uñst'ayäwi

2 Samuel 1:7

Ucapachaw jupajj khepäjja uñtaniraquïna, nayar uñjasinsti jawsaraquituwa. Nayasti jawsataparojj ist'aractwa.

2 Samuel 9:6

Cunapachatejj Saúl reyin allchhipa, uqhamaraqui Jonatanan yokapa Mefi-bosetajj Davidan nayrakataparu purinïna ucapachasti wali ajjsartañ chuymampiw ajanupjja oraker alt'asïna. —¡Mefi-boset! —sasaw Davidajj art'araquïna. —Acanctwa, jach'a munañan rey —sasaraquiw jupajj säna.

Isaías 65:1

Tatitojj siwa: “Qhitinacatejj jan cunsa mayipquitänjja ucanacaw nayan ucarojj jutapjje; qhitinacatejj jan thakhapquitänjja ucanacaw nayarojj jicjjatapjjetu. Mä marca, cawquïritejj jan nayar art'asinquitänjja, ucaruw ‘Nayajj acanctwa’ saractjja.

1 Samuel 22:11

Uqhamasti reyejj Ahimelec sacerdoteru, Nob marcan utjiri take sacerdotenacapampiruw jawsayani, qhitinacatejj uca Ahimelec sacerdoten familianacapäcänjja ucanacamppacharu. Cunapachatejj reyin nayrakataparu takeni purinipjjän ucqhasti,

1 Samuel 22:13

Saúl reyejj jisct'araquïnwa: —¿Cunatsa jumampi, Isaí jaken yokapampejj naya contra jan wal amtapjjta? Jumasti t'ant'ampi, mä espadampwa churatätajja, uqhamarac Diosarusa jisct'atätajja David toketjja, naya contra sayt'añapataqui, ucatsti nayaru muyuntasa catjañataqui, cunjämtejj jichhajj lurqui uqhama.

1 Samuel 22:7

uca oficialanacaparojj sänwa: —Benjamín tribut jutiri jakenaca, ist'apjjeta: ¿Jumanacasti amuyapjjtati, Isaí jaken yokapajj jumanacaru churapjjätamti orakenaca, uva yapunaca, uqhamarac take jumanacarusa comandanteta, uqhamarac capitanata utt'ayañapa?