1 Samuel 20:13 - Qullan Arunaca

¹³ Ucampisa, awquejjatejj juma contra jan wal amtanejja, ucapachajj Tatitojj wali mutuypan, janitejj yatiycäma juman jaltjjañamataqui ucapachajja. ¡Tatituy jumarojj yanappan cunjämatejj awquejjaru yanapcänjja uqhama!

Aymar Bibliia 1986

¹³ Ucampisa, awquejjatejj juma contra jan wal amtanejja, ucapachajj Tatitojj wali mutuypan, janitejj yatiycäma juman jaltjjañamataqui ucapachajja. ¡Tatituy jumarojj yanappan cunjämatejj awquejjaru yanapcänjja uqhama!

Qullan Arunaka DC

¹³ Ukampisa, awkixatix jumar jan wal lurañ amtanixa, ukat janirak juman jaltxañamatak yatiykäma ukkhaxa, Tatitux nayar mutuyitpan. ¡Tatituy jumarux yanappan kunjämtix awkixar yanapkän ukhama!

1 Samuel 20:13 Jak'a apnaqawi uñst'ayäwi

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 3:35

Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

2 Samuel 7:15

Ucampisa munasiñajjajj janiw jupatjja apakatäcaniti, cunjämatejj Saúl reyitjja apakasjjayäta uqhama, juparusti nayaw apakjjaracta jupa lanti jumaru utt'ayjjañataqui.

1 Reyes 1:37

Cunjämatejj Tatitojj juma jach'a reyimpïcäna, uqhamaraquïpan Salomonampejja, reinopsa juc'amp jach'a tucuypan juma reyejjan reinopata sipansa.

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Reyes 20:10

Ben-adad reyejj wastatampiw Acab reyiru yatiyiri qhitanïna, aqham sasa: “¡Diosanacajj nayarojj walipuni mutuyitpan, janitejj Samaria marcaru tucjcäjja lak'aru tucuyañcama, mä jach'i churañataqui sapa mayni arquirinacajjaru ucajja!” sasa.

1 Crónicas 22:11

Jichhasti nayan wawajja, Tatituy jumampïpan Tatit Diosamataqui mä templo lurayañamataqui, cunjämtï jupajj juman lurayañamataqui arsqui uqhamaru.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Filipenses 4:9

Cuntejj yatichapcsma ucanac lurapjjam, cuntejj ist'apctas uñjapcaraquistas uc lurapjjaraquim, sumancañ Diosasti jumanacampipunïniwa.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Rut 1:17

Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

1 Samuel 10:7

Cunapachatejj take ucanacajj jumampi lurasini ucapachasti, cunas amuyatamatjja walïspa uc luraraquim, Diosaw yanaparaquïtam.

1 Samuel 14:47

Uqhamawa Saúl reyejj Israel marca apnakasajja atipjäna take chekanwa uñisirinacapampejj nuwasiraquïna ucanacasti acanacänwa: Moab, Amón, Edom, Soban uqhamarac filisteonacan reyipa. Cawquirutejj sarcäna ucanacarojj atipjaquipunïnwa.

1 Samuel 17:37

Tatitojj nayarojj leonan amparapatsa, uqhamarac oson amparapatsa khespiyituwa. Aca filisteo chachan amparapatsti khespiyaraquiquitaniwa. “Ucat Saúl reyejj saraquïna: —Uqhamajj saramaya, Tatitusti juma chicaraquïpan —sasa.

1 Samuel 18:12

Saúl reyisti Davidarojj ajjsaränwa, Tatitusti Davidaruquiw yanapäna, ucampisa juparojj janiw yanapcjjänti.

1 Samuel 19:3

Cawqhanccätatejj ucaruw nayajj awquejjampi mistunipjjä. Ucatsti jumjjat jupampi parlaraquï, ucat camsacchiniya, nayasti take cuntejj siscani ucsti yatiyjjaraquïmawa —sasa.

1 Samuel 20:12

Ucanwa Jonatanajj Davidarojj säna: —Nayajj Israel marcan Tatitu Diosapan sutipjjaruw juramentompi arsta, kharürumpita, jan ucajj jurpürumpitwa yatjjäta, uca pachpa horasaru, cuntejj awquejjajj amtqui ucanaca. Jupan amtatapatejj jumataqui waliquïscani ucapachasti yatiyanjjämawa.

1 Samuel 20:14

Jichhajj waliquiwa, nayatejj ucqhacama jacascä ucapachajja, cunja qhuyapayasiñampitejj Tatitojj jumaru uñjctamjja uca pachpa qhuyapayasiñampiraqui nayarojj uñjitpan.

1 Samuel 25:22

Ucatwa mä juramento luräna: “¡Diosajj nayarojj wali mutuyitpan, janitejj arumanthcama jupan familianacapat take chachanac jiwaraycä ucajja!” sasa.

1 Samuel 3:17

Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.