1 Samuel 19:17 - Qullan Arunaca

¹⁷ Ucat Saúl reyejj Mical warmirojj saraquïna: —¿Cunatsa uqham c'arintista, uñisirejjaru jaltayasajja? —sasa. Mical warmisti saraquïnwa: —Jupajj juramentompiw arsuraquïna, nayar jiwayañataqui, janitejj nayajj juparu jaltayquiriscäyäta ucqhajja.

Aymar Bibliia 1986

¹⁷ Ucat Saúl reyejj Mical warmirojj saraquïna: —¿Cunatsa uqham c'arintista, uñisirejjaru jaltayasajja? —sasa. Mical warmisti saraquïnwa: —Jupajj juramentompiw arsuraquïna, nayar jiwayañataqui, janitejj nayajj juparu jaltayquiriscäyäta ucqhajja.

Qullan Arunaka DC

¹⁷ Ukat Saúl reyix Mical warmirux sarakïna: —¿Kunatarak ukham k'arintistasti, uñisirixan jaltxañapatakisti? —sasa. Mical warmisti sarakïnwa: —Jupax juramentompiw arsüna nayar jiwayañataki, janitix jupar jaltaykiriskäyäta ukkhaxa —sasa.

1 Samuel 19:17 Jak'a apnaqawi uñst'ayäwi

2 Samuel 17:20

Cunapachatejj Absalonan arquirinacapajj purinipjjän ucapachasti, warmirojj jisct'apjjänwa: —¿Cawquincapjjes Ahimaas jakempi Jonatanampejja? —sasa. —Aca chekwa pasawayapjje, jawir tokeruw sarapjjaraqui —sasaw warmejj ucjjarojj saraquïna. Ucatsti Absalonan arquirinacapajj janc'aquiraquiw thaktiri sarapjjäna, ucampisa jan jicjjatjjasajja, Jerusalenaruw cuttanjjapjjäna.

2 Samuel 2:22

wasitat Abnerajj sascaquïnwa: —¡Jan juc'ampi arcnakjjestati, jan ucasti orakeruw jaknokäma! Ucatsti, ¿cuna ajanumpiraqui Joab jilamarusti uñstästi? —sasa.

1 Reyes 21:20

Acab reyisti Eliasarojj sänwa: —¡Uqhamasti! ¿Juma uñisirejjati nayar jicjjatista? —sasa. Ucjjarusti Eliasajj sänwa —Jïsa, jumarojj jicjjatsmawa. Jumasti jan wali luräwinacacwa Tatitun nayrakatapanjja lurtajja.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Gálatas 4:16

Jichhajja ¿cunatejj chekäqui uc satajjatacti jumanacan uñisirimajj tucuwayjjtjja?

1 Samuel 19:14

Cunapachatejj Saúl reyejj jakenacaparu Davidar catuntañapataqui ordenän ucqhasti, Mical warmipajj uca jakenacarojj: “Usutaw” saraquïnwa.

1 Samuel 19:16

Saúl reyin jakenacapasti Davidan utaparu mantasinjja, iquiñapanjja mä c'ari diosacwa jicjjatapjjäna, ch'ijmaparojj cabrito t'awrat p'itatampi ch'ijmt'ata cuna.

1 Samuel 22:17

Ucatsti janc'aquiw reyejj jupan guardiaparojj ordenaraquïna: —¡Tatitun sacerdotenacaparojj jiwarayapjjam! Jupanacasa Davidampïpjjaraquiquiwa. Jupan jaltascatap yatcasinsa, janiw jupanacajj nayarojj yatiyapquituti —sasa. Ucampisa reyin guardiapajj janiw Tatitun sacerdotenacap contrajj ampar aytañ munapcänti.

1 Samuel 28:12

Acatjamatwa warmejj Samuelor uñji, ucat warartataraqui; Saúl reyirusti saraquïnwa: —¿Cunatsa uqham c'arintista? ¡Jumajj Saúl reyïtawa! —sasa.