1 Samuel 18:28 - Qullan Arunaca

²⁸ Ucampisa Saúl reyejj Tatitun wali Davidaru yanapatapa uñjasinjja, uqhamarac Mical phuchapasa wali munasitapatjja,

Aymar Bibliia 1986

²⁸ Ucampisa Saúl reyejj Tatitun wali Davidaru yanapatapa uñjasinjja, uqhamarac Mical phuchapasa wali munasitapatjja,

Qullan Arunaka DC

²⁸ Ukampis Saúl reyix Tatitun Davidar yanapatap uñjasina, ukhamarak Mical phuchhapan jupar wal munasitap uñjasinsa,

1 Samuel 18:28 Jak'a apnaqawi uñst'ayäwi

Génesis 26:28

Jupanacasti sapjjaraquïnwa: —Nanacajj uñjapjjtwa Tatitojj jumampïscatapa, ucatwa jumampi mä arust'äwiru mantir jutapjjta. Arust'äwisti acäniwa:

Génesis 30:27

Ucampis Labanajj saraquïnwa: —Kheparaquimaya, janiquiy saramti. Nayajj amuyastwa Tatitojj juma toke nayar bendicitapa.

Génesis 39:3

Uywiripasti amuyaraquïnwa Tatitojj Joseampïscatapa, ucataracwa take cunas Joseataquejj waliquïscänjja.

Apocalipsis 3:9

Uqhamajj qhitinacatejj Supayan tamapancasipqui, uqhamarac: Judiöpjjtwa sas c'arisis sarnakasipqui ucanacarojj juman ucaruw qhitanëjja cayunacamar quillt'asipjjañapataqui, uqhamata yatipjjañapataqui nayajj jumar munatajj-jja.

1 Samuel 18:20

Ucampisa Saúl reyin maynïri Mical sata phuchapajja Davidarojj walpun munäna. Ucatsti uqham munatapa Saúl reyirojj yatiyapjjän ucqhajja, Saúl reyejj wal cusisïna.

1 Samuel 18:27

Davidajj jakenacapampi filisteo chachanacaru jiwarayiriw sarapjjäna. Pä pataca filisteo chachanacwa jiwarayapjjaraquïna, ucatsti ucanacan chhojjorasiñapan punta lip'ichinacapsti reyin ucaruw apaniraquïna, uqhamat jupajj reyin tollkapäñapataqui. Uqhamasti Saúl reyejj Mical phuchapwa Davidarojj warmipäñapataqui churjjäna.

1 Samuel 18:29

nayrat sipansa juc'ampwa ajjsaräna, ucatsti wiñaya uñisiripaw tucjjäna.

1 Samuel 24:20

Jichhasti nayajj amuytwa, chekpachansa jumaw Israelan reyipäyätajja, juman irpatasti Israel marcajj nayraruw sartaraquini.

1 Samuel 26:25

Ucat Saúl reyejj jach'at arsuraquïna: —¡Kollanäman David wawajja! ¡Jumasti jach'a luräwinacwa lurätajja, take cunansa walt'apuniraquïtawa! —sasa. Uca khepatsti Saúl reyejj utaparuw cuttanjjäna. Davidasti sarañapanjamwa sarascaraquïna.