1 Samuel 18:17 - Qullan Arunaca

¹⁷ Mä urusti Saúl reyejj Davidarojj saraquïnwa: —Nayasti jilïri Merab sata, phuchajja warmimataqui churäma, jumasti nayataquejj guerran mä suma nuwasiri jakëñamataqui, uqhamarac Tatitun nuwasïwinacapar nuwasiñamataqui. Saúl reyisti chuymapanjja amuyaraquïnwa: “Uqhamat janiw naya quipca Davidarojj jiwaycäti, jan ucasti guerran filisteo jakenacaw jiwayascani” sasa.

Aymar Bibliia 1986

¹⁷ Mä urusti Saúl reyejj Davidarojj saraquïnwa: —Nayasti jilïri Merab sata, phuchajja warmimataqui churäma, jumasti nayataquejj guerran mä suma nuwasiri jakëñamataqui, uqhamarac Tatitun nuwasïwinacapar nuwasiñamataqui. Saúl reyisti chuymapanjja amuyaraquïnwa: “Uqhamat janiw naya quipca Davidarojj jiwaycäti, jan ucasti guerran filisteo jakenacaw jiwayascani” sasa.

Qullan Arunaka DC

¹⁷ Mä urusti Saúl reyix Davidarux sänwa: —Nayasti Merab sata jilïr phuchhaxa warmimäñapatakiw churäma, nayax jan axsarir nuwasirïñamak maysma, Tatitun nuwasïwipan nuwasiñataki —sasa. Saúl reyix janiw jupa pachpa Davidar jiwayañ amtkänti, jan ukasti filisteonakan jiwayañap munäna.

1 Samuel 18:17 Jak'a apnaqawi uñst'ayäwi

2 Samuel 11:15

Uca cartansti aqham saraquïnwa: “Urías chacharojj nayrarupuni uchapjjam, cawqhantejj nuwasiñajj wali ch'amäqui uca chekawjaru, ucatsti sapaqui apanucupjjam jupajj chhojjriñchjatäñapataqui, uqhamat jiwañapataqui” sasa.

2 Samuel 12:9

¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

2 Samuel 6:16

Cunapachatejj Tatitun arcapajj Davidan Marcaparu purjjän ucapachasti, Saúl reyin phuchapa Mical warmejj ventanatwa uñtasinïna, rey Davidaru cusisitapata, uqhamarac thokhotapatsa Tatitun nayrakatapana, Davidarojj wali chuymapanjja jisc'achäna.

Salmos 12:2

Maynit maynicamaw c'arintasipjje, sallka chuymampiw parlapjje, ch'ojjña chuymampiw arsupjjaraqui.

Salmos 55:21

Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.

Proverbios 26:24

Uñisir jakejj parlqui ucqhajja imt'iwa, ucampis chuymap mankhenjja jan wali lurañanacwa amtasqui.

Proverbios 26:25

Suma koña arunacampi parlätam ucqhasti, jan iyawsamti chuymapan jan wali lurañanacampi phokt'atätap laycu.

Proverbios 26:26

Jupasti uñisiñapa imt'añsa muncani ucasa, ñankha luräwipajja takeninsa uñjcañawa khanstani.

Números 21:14

Ucatwa Tatitun Nuwasiña Libropanjja saraqui: “Vaheb sat chekanjam pasapjjta, Sufá sat, uma jalsunacanjama, uqhamarac Arnón jawiranjama.

Números 32:20

Ucatsti Moisesajj sänwa: —Uqhamajj jumanacatejj arunacama phokhapjjäta ucqhajj, ucatsti waquichrantasisin nuwasiri sarapjjäta Diosan arsutaparjama.

Números 32:27

ucampis nanaca juman sirvirinacamajj armanacajj apjjarusisinjja nuwasiriw sarapjjä, Tatitun arsutaparjama, cunjämtejj jumajj siscta uqhamarjama.

Números 32:29

—Gad, uqhamarac Rubén tribunacan take jakenacapatejj jumanacampi chica Jordán jawira waquichrantata nuwasiñatac maqhatapjjani, Tatitu Diosan arsutaparjama, uca orak jumanacan catuntañamcama, ucapachasti jumanacajj Galaad orakenacwa jupanacar churapjjäta.

Deuteronomio 17:7

Testigonacaw uca juchañchat jakeru kalanacampi c'uphantañjja kalltapjjani, ucjjarusti take marcpach jakenacaraqui. Uqhamwa uca jan wali luräwinacjja jumanac taypitjja tucjapjjäta.

1 Samuel 14:49

Saúl reyin yokanacapasti: Jonatán, Isúi, Malquisúa ucanacänwa. Pani phuchanacapasti Merab satänwa jilïrejja, sullcasti Mical sataraqui.

1 Samuel 17:25

“¿Uñjapjjtati uca chachar mistuniri? ¡Israelar arnakeriw jutaraquiquejja! Qhititejj juparu atipjaspa ucarusti reyejj walja yänacwa churani, phuchapsa warmipat churaraquini, familiapasti janiw impuestonac pagcjjaraquiniti” sasaw jakenacajj parlapjjäna.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 17:47

Take qhitinacatejj jichhajj acancapqui ucanacasti yatipjjaniwa, Tatitojj janiwa espadampiti ni lanzampicha khespiyqui. Aca nuwasïwisti Tatitunquiwa. Juparaquiw jumanacarojj nanacan amparanacajjaru catuyapjjetani —sasaw Davidajj säna.

1 Samuel 18:21

Chuymapansti uca phuchapjja Davidaru warmipäñapataqui churañwa amtascäna, uqhamat uca phuchapajj filisteonacan amparaparu Davidarojj catuyañapataqui. Ucatwa wasitata Davidarojj saraquïna: —Jichhacuchaw tollkajjäyätajja —sasa.

1 Samuel 18:25

Ucatsti Saúl reyejj filisteonacan amparaparu Davidan catutäñapa munasinsti, saraquïnwa: —Davidarojj sapjjam, ‘Cunatejj mä warmitjja churañäqui, uca lantjja, filisteonacan chhojjorasiñapata, pataca lip'ichinaca apanpan, uqhamat uñisirinacajjat phoksusiñajjataqui; ucsti naya reyiw arojjampi arsta’ sasa Davidarojj sapjjam —sasaw saraquïna.

1 Samuel 18:27

Davidajj jakenacapampi filisteo chachanacaru jiwarayiriw sarapjjäna. Pä pataca filisteo chachanacwa jiwarayapjjaraquïna, ucatsti ucanacan chhojjorasiñapan punta lip'ichinacapsti reyin ucaruw apaniraquïna, uqhamat jupajj reyin tollkapäñapataqui. Uqhamasti Saúl reyejj Mical phuchapwa Davidarojj warmipäñapataqui churjjäna.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.

1 Samuel 30:26

Davidasti cunapachatejj Siclag sisqui uca chekaru purjjäna ucapachasti, Judá orakenquiri jilïr jakenacaru, uqhamarac qhitinacatejj amigonacapäcäna ucanacarusa, cuntejj uñisirinacapat aparancatayna ucanacatjja mä chicat apayäna, aqham sasa: “Aca wajjt'añajj jumanacataquiwa, cuntejj Tatitun uñisirinacapat aparcta ucata mä chicatawa acajja” sasa.