1 Samuel 17:32 - Qullan Arunaca

³² Ucat Davidajj Saúl reyirojj saraquïna: —Janiw qhitis uca filisteo chacharojj ajjsarañapäquiti, naya jach'a reyin sirviripaw jupampi nuwasir sarä —sasa.

Aymar Bibliia 1986

³² Ucat Davidajj Saúl reyirojj saraquïna: —Janiw qhitis uca filisteo chacharojj ajjsarañapäquiti, naya jach'a reyin sirviripaw jupampi nuwasir sarä —sasa.

Qullan Arunaka DC

³² Davidasti Saúl reyirux sarakïnwa: —Janiw khitis uka filisteo jaqirux axsarañapäkiti, nayaw juma jach'a reyin yanapiripjamax jupampi nuwasir sarä —sasa.

1 Samuel 17:32 Jak'a apnaqawi uñst'ayäwi

Salmos 3:6

Nayar catuntañatac muyuntir jakenacajj janiw ajjsarayquituti.

Isaías 35:4

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Isaías 7:4

ucatsti saraquim: ‘Amuyasim, ucampis jan sustjasimti, jan ajjsaramti, janiraqui llajllas tucumti, uca pä jisc'a ninar uñtata jek'erinacatjja, Rezín reyejj Sirio jupan jakenacapampi, uqhamaraqui Remaliasan yokapasa, jupanacasti colerat naqhantirjamäscaraquiwa.

Números 13:30

Ucapachasti Caleb chachajj Moisesan nayräjjapanccäna uca jakenacarojj amuct'ayänwa aqham sasa: —Sarapjjañäni uca orake catuntañataqui, jiwasasti catuntañäniwa.

Números 14:9

Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

Hebreos 12:12

Uqhamajj machak ch'amay churapjjamjja uca karjata amparanacarojja, uqhamarac t'uqha konkorinacamarusa.

Josué 14:12

Ucatwa jichhajj maysma jumaru uca kollu nayar churañamataqui, cunjämtï Diosajj nayaru arupampi arsuwayquitäna uqhamarjama. Jumasti yatiractaw anaquita jach'a jakenaca uca urunacatpacha uca ckekanacan jacapjjatapa, uqhamaraqui marcanacapas wali suma chekan luratätapa, ucampis nayajj Diosaruquiw mayï yanapt'añapataqui uca jakenacar ucawjanacata jakonucuñajjataqui, cunjämtï jupajj sisqui uqhama” sasa.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.

1 Samuel 16:18

Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.

1 Samuel 17:31

Yakhepa jakenacasti, uqham Davidan jisqhiscatapa ist'asinsti, Saúl reyir yatiyiriw sarapjjäna, Saúl reyisti Davidaruw jawsayaniraqui.