1 Samuel 17:26 - Qullan Arunaca

²⁶ Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

Aymar Bibliia 1986

²⁶ Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

Qullan Arunaka DC

²⁶ Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 17:26 Jak'a apnaqawi uñst'ayäwi

2 Reyes 19:4

Inasa Tatit Diosamajj ist'chi Asirianquiri reyin qhitanita oficialapan arunacapjja, jacquir Diosaru jisc'achatapata, inachay mutuyaraquispa Tatit Diosam pachpa ist'qui ucanacatjja. Jichhasti oracionan mayim jilt'apqui ucanac laycojja” sasa.

2 Crónicas 32:17

Senaquerib reyejj ucjjarojj cartanacwa kellkäna Israelan Tatit Diosapar jisc'achasa, ucanacansti Tatit contrajj sänwa: “Cunjämatï aca orakena yakha marcanacan diosanacapajj ch'amajjata jan khespiycänjja, uqhamaraquiw Ezequiasan Diosapajj nayan ch'amajjata jan khespiycaraquiniti” sasa.

Nehemías 5:9

Ucjjarusti nayajj sascactwa: —Cuntï lurapcta ucanacjja janiw wal lurapctati. Jumanacajj Diosasataquejj ajjsarapjjañanacamänwa, ucatsti janiw munapjjañanacamäcänti jucharar uñisirinacasan larusipjjañanacapjja.

Salmos 44:13

Jake masejjan tokeñataquiw uchapjjesta, nanacar uñt'irinacan sawcasiñapataquiw utjayapjjesta.

Salmos 74:18

Tatay, janiquiy armasimti, timasirejj jisc'achtamwa, jan amuyt'asir marcasti sutim jisc'achi.

Salmos 79:12

Tatay, marca masinacajjarojj pakallk cutimp cutiyam, jumar jan walinac luratapata.

Isaías 37:23

¿Qhitirus arunacamampejj ñankhachtajja? ¿Qhiti tokes ucatak arsustajja, uqhamaraqui wali jach'a jach'a tucusa uñatatastajja? ¡Israelan Kollan Diosapataquiw uc lurtajja!

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Jeremías 9:25

Tatitusti siwa: “Purininiw mä urojja, cunürutejj take janchin circuncidasiri marcanacaru mutuycä uca urojja;

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Ezequiel 28:10

Jaya marcat jutir jakenacaw jiwarayapjjätam, cunjämatejj jan Diosar uñt'irinacajj jiwarapquejj uqhama. Naya Tatituw aca arunacjja arsta. Uqham siw Tatitojja.’ ”

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 6:27

Jupaw khespiyirejja, arjjatirisa; alajjpachansa, acapachansa, luratanacapajj muspharcañawa. Leonanacan lacapatsa jupaw Daniel sirviriparojj khespiyaraqui” sasa.

Daniel (hebreo) 9:16

Tata, nanacajj yatipjjtwa jumajj qhuyapayasirïtama. Jerusalén marcatjja uca colerasiñamjja uqhamaraqui colerampi take cuna lurañamsa apakamaya, Jerusalén marcasti marcamawa, juman kollan kollumaraquiwa. Yakha marcanacanquir jakenacasti Jerusalén marcamatjja jakenacapatsa larusipjjewa, nanacan juchanacajj laycu, uqhamaraqui nayra awquinacajjan jucha luratanacap laycu.

Joel 2:19

“Jichhajj jumanacarojj apayanipjjämawa trigo, vino, uqhamarac aceite, take ucanaca sist'asipjjañamcama, janiraquiw wasitat muncäti Diosar jan uñt'ir jakenacajj jumanacat larusipjjañapa.

Deuteronomio 5:26

¿Cawquïri jakerac utjaspa jacquir Diosan arup ist'iri, nina taypit parlasquiri, cunjämatï jiwasajj ist'tan janirac jiwctanti uqhama?

1 Tesalonicenses 1:9

Jan ucasti, jupanac pachpaw parlapjje nanacajj tumpapcsma ucjjatjja, sapjjaraquiwa sum jumanacajj nanacar catokapjjatama, uqhamarac yahka diosanacarus jaytanucjjapjjatama chekpach jacquiri Diosar arcañataqui, ucatsti jupar sirviñ kalltañataqui.

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

1 Samuel 11:2

Amonitanquiri Nahas jakesti saraquïnwa: —Jumanacampisti mä arust'äwi lurä, jumanacatejj cupi nayra sapakat maynit apsuyasiñ munapjjsta ucapacha, uqhamata israelitanacaru jisc'achañataqui.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.

1 Samuel 17:10

Jichhüruw nayajj aca arunac Israel marcan ejercitoparu sista: ‘¡Qhitis nayampi nuwasirjamajja, uca jake qhitanipjjeta!’ sasa.

1 Samuel 17:30

Ucatsti janc'aquiw jilapatjja sarakawayjjäna, yakha jakenacarusti cuntejj reyejj churcaspa uca filisteo jaker atipjirirojja ucanacwa jisqhiraquiquïna, ucatsti uca pachpa arunacacwa catokaraquïna.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 31:4

Ucatwa Saúl reyejj yanapiriparojj säna: “Espadam apsusim ucatsti ucampi jiwayita, uqhamat aca Dios jan uñt'ir jakenacajj jutasin nayaru jiwayapjjañapataqui, ucatsti nayar jiwayasin cusisipjjañapataqui” sasa. Ucampisa yanapiripajj janiw lurañ muncänti, wali ajjsarañapajj utjatap laycu. Uqhamasti Saúl reyejj jupapachaw espadap catusina uca pataru liwjjattäna.